Vendimi i Metës, PS: Lajthitje antikushtetuese, mendon për pakicën

Menjëherë pas konferencës për shtyp të presidentit Meta, ku ky i fundit doli hapur kundër qeverisë dhe ndërkombëtarëve, ka reaguar kreu i grupit Parlamentar të PS-së, Taulant Balla dhe deputetja socialiste Blerina Gjylameti.

Balla tha se vendimi i Metës është një lajthitje antikushtetuese që do e marrë përgjigjen të enjten në parlament. “Zoti President ju nuk keni asgjë në dorë lidhur me datën e zgjedhjeve të dekretuar prej Jush. ZGJEDHJET DO Të MBAHEN MË 30 QERSHOR, në respekt të plotë të dekretit të nxjerrë prej Jush në respekt të detyrimit kushtetues që keni. Ndërsa çdekreti Juaj është një lajthitje antikushtetuese, që meriton të gjithë vëmendjen e Parlamentit, të cilën do ta keni të plotë të enjten, ku do të miratojmë edhe Rezolutën përkatëse lidhur me lajthitjen në fjalë.” – shkruan Balla

Ndërsa Gjylameti tha se Meta mendon vetëm për pakicën dhe jo për shumicën e shqiptarëve që duan të votojnë. ‘Ai mendon vetëm për pakicën e shtëpisë, jo për shumicën e shqiptarëve që duan të votojnë dhe të zgjedhin drejtuesit e tyre lokalë në të drejtën e tyre kushtetuese. Mesa duket Presidentit nuk është në terezinë e lartësisë së detyrës që përfaqëson, por më shumë tek interesat e ngushta të një pale… Ndoshta ka ardhur koha që Presidenti të reflektojë! SHBA dhe BE folën qartë, ndërsa shqiptarët dhe Shqipëria e ka bërë zgjedhjen me kohë.”

Shkarkimi i presidentit, PS dorëzon kërkesën për debat në Kuvend

Kreu i grupit parlamentar të Partisë Socialiste, Taulant Balla i ka nisur një letër kryetarit të Kuvendit, Gramoz Ruçi ku kërkon që në seancën parlamentare të ditës së enjte të zhvillohet një mocion debati në lidhje me vendimin e presidenti Meta për të çdekretuar zgjedhjet e 30 qershorit.

Në kërkesën drejtuar Kuvendit, Balla e cilëson vendimin e presidentit Meta të pavlefshëm dhe përtej kompetencave të tij në kundërshtim me parimet Kushtetuese.

Gjatë ditës së hënë, edhe ministrja e Shtetit për Marrëdhëniet me Parlamentin, Elisa Spiropali deklaroi se në seancën e së enjtes në Parlament do të kërkohet shkarkimi i presidentit Meta.

Balla: Meta atentat demokracisë

Taulant Balla ka shkruar në rrejtet sociale se përpjekja e Presidentit Ilir Meta është akti i radhës i një seriali sulmesh ndaj demokracisë. Kreu politik i Qarkut të Elbasanit njëherazi Kryetar i Grupit Parlamanetar të PS, shkruan se zgjedhjete 30 qershorit nuk do të shtyhen e as do të anulohen. Në sinkron me Kryeministrin Rama, Balla shprehet se Presidenti nuke meriton më zyrën që iu besua dy vite më parë.

Dekreti i Metës. Çfarë është presidenti për ju?

“Takime në çdo lagje të Elbasanit për të komunikuar me njerëzit sepse “Zgjedhjet e 30 Qershorit” as nuk mund të anullohen, as nuk mund të shtyhen dhe as nuk mund të pengohen. Përpjekja e djeshme e Presidentit Ilir Meta ishte thjeshtë akti i radhës i një seriali sulmesh kundër demokracisë dhe kundër shtetit të së drejtës. Meta thjeshtë nuk e meriton më zyrën që Kuvendi i besoi 2 vite më parë”, shkruan Balla.

Gepostet von Taulant Balla – Faqja Zyrtare am Sonntag, 9. Juni 2019

Balla, i prerë nga Elbasani: Zgjedhjet s’i luan topi, 30 qershori nuk lëviz

Nga Elbasani ku zhvilloi një takim në kuadër të fushatës për zgjedhjet vendore, kreu i grupit parlamentar të PS-së, Taulant Balla komentoi vendimin e presidentit Ilir Meta për shfuqizimin e datës së zgjedhjeve. Balla tha i vendosur se zgjedhjet nuk i luan as topi, e jo më Ilir Meta.

“Parlamenti është legjitim se buron nga zgjedhje legjitime, por është funksional në të gjitha atributet e veta. Këtu nga kjo lagje e nderuar, dua ta them shumë troç, zgjedhjet e 30 qershorit, nuk i luan as topi, jo Bamir Topi, as Ilir Meta, pavarësisht se për Bamirin kam respekt për mënyrën si është sjell si President.

Zgjedhjet nuk mund të lëvizin, këtu do zhvillohen zgjedhje normale. Të jeni të sigurtë se kandidatura është shumë e mirë. Qazimi ka bërë punë të shkëlqyer i jam mirënjohës. Ju them një gjë, jo vetëm zgjedhjet e 30 qershorit, që janë konfirmim edhe me ta edhe pa ata, ne këtu në Elbasan do kishim rezultat të shkëlqyer. Këto zgjedhje kanë specifikë të veçantë. Kemi kundërshtarin më të rrezikshëm, është i pari që pas 30 vitesh do ti heqë popullit të drejtën e votës.” u shpreh Balla.

Dekreti i Metës. Çfarë është presidenti për ju?

Balla: Asnjë deputet gjerman nuk mbështet veprimin asgjësues të PD-së

Kryetari grupit parlamentar të PS-së, Taulant Balla, i cili ndodhet në Gjermani dhe po zhvillon takime me deputetë të Bundestagut, tha të mërkurën në një intervistë për Deutsche Welle se asnjë deputet gjerman nuk mbështet veprimet e PD-së.

“Nuk kam gjetur një deputet të vetëm të çdo grupimi politik, gjatë bisedimeve që po bëjmë këtu, që të mirëkuptojë vendimin vetëasgjesues të PD për t’u larguar nga Parlamenti”- tha Balla, duke shtuar se “Për akuzat që bëjnë, këto janë çështje të adresohen në prokurori”.

I pyetur për krizën politike në vend dhe nëse maxhoranca do të pranojë që gjermania të ndërhyrë për zgjidhjen e saj, Balla tha: “ne kemi qenë të hapur për dialog, dhe besoj se jemi të maturuar tashmë për të pasur dialog pa qenë nevoja e miqve të huaj, jo pa qëllim kryeministri Rama në letrat e tij, shpjegoi arsyet dhe domosdoshmërinë që ne në këtë fazë të rëndësishme të jemi bashkë, por kjo nuk ka qenë e mundur se lidershipi i PD vijon qasjen kundër reformën në drejtësi, duke artikuluar kërkesa që në asnjë rast nuk mund të merren në konsideratë nga ana jonë”- tha Balla.

Ndërsa për çeljen e negociatave ai u shpreh optimist se ato do të hapen brenda këtij viti.

“Unë kur i referohem qeverise gjermane i referohem kancelare Merkel, qe mbetet nje luftëtare e paepur për mbajtjen gjalle te procesit te zgjerimit te BE. Une besoj se ka nje shumice te cilësuar brenda Bundestagut qe do te mbështesë fillimin e bisedimeve me Shqipërinë dhe Maqedonine e Veriut”- tha Balla.

Intervista e plote e Taulant Balles

Shiu përmbyt Elbasanin, Balla: Po punojmë për normalizimin e situatës

Pasditen e së shtunës rreth orës 17:30 në qytetin e Elbasanit ka rënë shi dhe breshër i dendur, i cili ka shkaktuar probleme në disa lagje perifikerike dhe zona rurale të bashkisë Elbasan. Kryesisht në lagjen “5 Maj” ka pasur probleme me përmbytjet, pasi uji ka vërshuar në oborre banesash, duke shkaktuar dëme materiale.

Pas qetësimit të situatës, Drejtuesi Politik i Qarkut të Elbasanit, Taulant Balla dhe kandidati për kryetar bashki i PS, Gledian Llatja, kanë shkuar në terren për të parë nga afër gjendjen e krijuar nga reshjet e pazakonta të shiut dhe breshrit.

Me anë të një statusi në rrjetet sociale, Taulant Balla shprehet se është ngritur Shtabi i Emergjencës, ndërkohë që ndihmë për normalizmin e situatës do të jetë dhe Ministria e Mbrojtjes.

“Rreth orës 17.30 ditën e sotme një shi i dendur dhe breshër, si asnjëherë tjetër u shpreh një banor, goditi një pjesë të Elbasanit duke shkaktuar më pas përmbytje në Lagjen e 5 Majit. Janë të shumta familjet të cilat janë prekur nga niveli i lartë i ujit që në disa shtëpi shkon mbi 50 cm, duke dëmtuar orendi e pajosje elktro-shtëpiake”.

“Bashkë me Gledian Llatja, Kryetarin e Bashkisë Qazim Sejdini ishim në këtë lagje për të parë nga afër dëmet dhe fillimin e punës për normalizimin e situatës. Shtabi Emergjencës u ngrit, ndërkohë edhe Ministria e Mbrojtjes do të jetë pjesë e ndihmës”, shkruan Balla.

Gepostet von Taulant Balla – Faqja Zyrtare am Samstag, 1. Juni 2019

Taulant Balla: Zgjedhjet nuk shtyhen, PD të reflektojë pas 30 qershorit

Nga Gjykata Penale, ku ishte i pranishëm në gjyqin e hapur nga Shkëlzen Berisha për dosjen “ÇEZ”, Kryetari i Grupit Parlamentar të Partisë Socialiste, Taulant Balla ka konfirmuar edhe njëherë se nuk do të ketë shtyrje të datës së zgjedhjeve lokale. Balla u shpreh se data e zgjedhjeve vendoset nga qytetarët shqiptarë nëpërmjet Kushtetutës.

“Zgjedhjet e 30 qershorit janë një moment i rëndësishëm për funksionimin e shtetit ligjor në Shqipëri. Data e zgjedhjeve është një datë që përcaktohet nga populli përmes Kushtetutës. Më 30 qershor fiton Shqipëria dhe shqiptarët, dhe pas 30 qershorit është një mundësi e artë që PD të reflektojë në funksion të dy aspekteve; kush politikan punon kundër Reformës në Drejtësi, këtë betejë e ka të humbur; dhe kush politikan punon kundër integrimit të Shqipërisë në BE, edhe këtë betejë e ka të humbur, pasi vitit 2019 do të jetë viti i negociatave”, tha ndër të tjera Taulant Balla.

Lidhur me akuzat e “Shpifjes” ngritur ndaj tij nga djali i ish-Kryeministrit Sali Berisha, Taulant Balla u shpreh se dosja “ÇEZ” është një nga aferat që i ka kushtuar rreth 450 milionë euro Shqipërisë. Balla tha se me institucionet e reja, që do të dalin nga Reforma në Drejtësi, do të hetohen të gjitha dosjet e vjetra të korrupsionit, përfshi dhe dosjen në fjalë.

“Asnjë dosje korruptive e gjithë këtyre viteve nuk do të mbetet pa u hetuar. Lufta kundër korrupsionit dhe beteja kundër politikanëve të korruptuar nuk mbaron asnjëherë. Prokuroria e re që po lind nga Reforma në Drejtësi, duhet t`i rimarri një e nga një këto dosje. Dosja “ÇEZ” i ka kushtuar shqiptarëve më shumë se 450 milionë euro”.

“Dua t`ju them, se sot më shumë se kurrë është e qartë se në asnjë rast, politikanët që përpiqen çdo ditë të pengojnë Reformën në Drejtësi, ta kenë të qartë se ajo është në rrugë pa kthim. Shkëlzen Berisha është rasti kur njerëzit në pushtet janë pastruar”, tha ndër të tjera Balla.

Ndërkohë, lidhur me gjyqin e hapur nga Shkëlzen Berisha kundër Taulant Ballës, në datën 12 qershor pritet që Prokuroria të dalë me një vendim. Gjatë seancës së sotme gjyqësore, Taulant Balla ka kërkuar pafajësi për akuzat e ngritura nga Shkëlzen Berisha.

Seanca, Balla: Negociatat hapen brenda 2019. Hajdari kërkon dialog politik, kritika Ramës dhe Berishës

Ka nisur me debate seanca e sotme parlamentare ndërkohë që deputetët janë përqëndruar tek diskutimi i progres raportit të KE-së. Kreu i grupit parlamentar të PS-së, Taulant Balla pohoi me bindje se negociatat hapen brenda vitit, ndërsa deputetja e opozitës, Rudina Hajdari ka kritikuar Ramën se nuk është i pranishëm në seancë për të folur për rekomandimet e KE-së.

“Sot është një ditë e gëzueshme për të gjithë shqiptarët, pasi meritat kryesore i takojnë atyre. 94% e shqiptarëve e mbështesin rrugën europiane. Kjo mbështetje është pikënisja ku mbështetet puna e qeverisë sonë për të ndërmarrë reformat. KE rikonfirmoi rekomandimin pa kushte për çeljen e negociatave për Shqipërinë. Dua të jem i sinqertë se për ne, për shumicën, ky vendim nuk ishte asgjë tjetër i punës sonë të sigurtë për aspiratën e shqiptarëve drejt BE. Publikimi i raportit u la direkt pas zgjedhjeve europiane është një fakt që ky proces është edhe politik. Është fakt se vendimi i cili ishte rekomanduar që vitin e kaluar u shty akoma më tej për arsye politike. Shqipëria mund të influencojë por nuk mund të jetë vendim marrëse. Progres raporti i bazuar në fakte, ndonëse nuk i hapi negociatat vitin e kaluar, qeveria jonë vijoi punën. Progres raporti i publikuar dje, është raporti më i mirë që ka marrë vendi ynë. Shqipëria do i hapë negociatat brenda vitit 2019. Viti 2019 do mbahet mend për hapjen e bisedimeve dhe përpjekjet e opozitës për të minuar rrugën europiane. Progres raporti është objektiv, me shifra dhe jo me retorikë rruge. Raport inkurajon çdo institucion të vijojë përpjekjet. Arsyeja për se kundërshtarët e saj janë bërë bashkë është kundërshtia e kësaj reforme.

Në raport thuhet” Zbatimi i reformës në drejtësi ka vazhduar në një formë konsitstente. Rivlerësimi i gjyqtarëve dhe prokurorëve ka përparuar në një formë të prekshme”, pra dje u tha troç se reforma jonë në drejtësi është unike dhe artikulohet si model për atë që ka bërë Shqipëria. Edhe në fusha të tjera KE thotë se Shqipëria është në nivelin e vendeve të BE. Në luftën kundër korrupsionit vlerësohen hapat që ka bërë vendi ynë. Ky skaner është pikënisja e vendeve anëtare. Cështjet e brendshme nuk duhet të krijojnë një barrierë. Në raport evidentohet se lufta kundër korrupsionit përfshin shkarkimin nga detyra edhe të gjyqtarëve që nuk respektonin asnjë cak. Nuk mund ta mbanim gjykaten kushtetuese me shejtanin brenda. Brenda këtij sesioni parlamentar ne fund te korrikut, vendi do kete gjykata kushtetuese. Në fund për sa i përket krimi të organizuar,citohen operacionet që kanë finalizuar arrestime.

Nuk është ligji ai që ka munguar por lidershipi i munguar i këshillit kombëtar për integrimin. Ia kemi besuar opozitës dhe për 18 muaj”, tha Balla.

Rudina Hajdari në fjalën e saj kërkoi më shumë dialog dhe bashkëpunim politik.

“Unë e kuptoj retorikën tuaj politike, por nuk dua të hyjë në atë mesele. Mungon Rama, qoftë duke na thënë diçka sa i përket këtij raporti. Kam ardhur të them këtu disa të vërteta. Sot kemi vetëm një njeri se është i “i vetmi më i miri i të mirëve”, po përpiqet të bind se vetëm ky po punon. Një njeri që varfëron të varfërit. Qeveria e tij është në një regres, integrimi nuk vjen nga të paintegruarit. Asnjë nga liderët tonë nuk e bindi dot BE që do jenë ato që do bëjnë integrimin. BE ka pasur një ndikim të jashtëzakonshëm për BP, por pranojë se BE na ka ndihmuar shumë, por ndihma më e vërtetë duhet të vijë nga ne. Ne nuk dimë se ç’do të thotë integrimi për Shqipëri, ku thonë se rroga është më e larta se në Gjermani, kur shpërndanë karta si letra nderi si njëherë e një kohë, kur nuk bëjnë asnjë ditë punë, por vetëm letra dashuri, apo ata që protestojnë në një ditë pushimi ku ai është vetë pushim. Shqipëria është bërë me një “gjoja”. Ka ardhur koha që të mos bëjmë më gjoja. Ka ardhur koha e një gjenerate që arsimohet ndryshe. Është detyra jonë patriotike për të marrë vendimin pozitiv të BE, duhet të fitojmë”, tha Hajdari.

Rekomandimi pozitiv për negociatat me BE, përplaset PS-LSI

Kryetari Grupit Parlamentar të Partisë Socialiste, Taulant Balla ka reaguar pas rekomandimit pozitiv të Komisionit Europian për hapjen e negociatave të anëtarësimit të Shqipërisë në BE. “Ky rekomandim bazohet tërësisht në progresin e arritur, plotësimin e detyrave të vendosura në kalendarin e përcaktuar nga Këshilli Europian në Qershor 2018 dhe në ecurinë impresionuese të procesit “screening”, pararendës i negocijatave për anëtarësim”, shkruan Balla në rrjetet sociale. Më tej, Taulant Balla shprehet se tashmë vendi ynë pret miratimin e rekomandimit nga Këshilli Europian, ndërsa thekson se rekomandimi pozitiv erdhi si rrjedhojë e zbatimit të Reformës në Drejtësi.

“Edhe në këtë Progres Raport shprehet qartë se rruga për hapjen e negociatave kaloi detyrimisht nëpërmjet Reformës në Drejtësi, e cila për hir të së vërtetës ka qenë krye-detyra e shumicës sonë parlamentare. Reforma në Drejtësi është pa dyshim një prioritet kombëtar për shkak të rëndësisë që ka për të ardhmen tonë evropiane”, shkruan Balla. Ndërsa më tej, Balla shton se pikërisht ndaj kësaj reforme, opozita ka hedhur baltë sistematikisht çdo ditë. “Megjithatë reforma të tilla të thella kanë nevojë për unitet kombëtar dhe politik. Për fat të keq këtë Reformë, të cilën e mbështesin 94% e qytetarëve, opozita e ka sulmuar sistematikisht duke hedhur baltë 135do ditë ndaj implementimit të saj”, shkruan Balla.

Komisioni Europian rikonfirmon rekomandimin pa kushte për fillimin e bisedimeve për anëtarësim mes Shqipërinë dhe…
Gepostet von Taulant Balla – Faqja Zyrtare am Mittwoch, 29. Mai 2019

Pas këtij komenti në Facebook të Taulant Ballës, ka pasur dhe një reagim nga LSI. Në konferencë për shtyp ka dalë Luan Rama, i cili është shprehur se qeveria po gënjen, duke bërë të njëjtën gjë si një vit më parë, kur rekomandimin e KE, e shiti si hapje të negociatave. “Jam këtu per te thënë se përveç vullnetit të komisonit rekomandimi i sotëm nxjerr zbuluar atë që ne e kemi denoncuar. Gënjeshtrën e para një viti, ku qeveria i gënjeu shqiptarët ku u paraqit vendimi i 2018 si hapje negociatash. U bë edhe festë me hapje shampanje. Km bëri edhe dekorata. Mirëpo ja ku jemi sot në rekomandimin e radhës që gjithashtu ka bashkëlidhur shumë por’ dhe ‘duhet’.”, u shpreh Luan Rama.

Më tej, ai shton se: “Më lejoni tju bëj të qartë se një vit më parë. Opozita i ndërpreu protesta për të krijuar kushtet që rekomandimi të gjente rrugën. Por kjo nuk ndodhi. Opozita u rikthye në kuvend dhe për ti ofruar shansin mazhorancës për një klimë kompromisi, për integrimin e një vendi. Mbi të gjitha kjo është detyrë kombëtare e përbashkët. Mirëpo qeveria duke mos patur parasysh asnjë prej rekomandimve të KE e refuzoi bashkëpunimin. Dhe ktheu këtë prioritet sfidë të egos politike. Duke e sabotuar të gjithë progresin. Dy rekomandimet e sotme për korrupsionin dhe krimin e organizuar janë detyrat e para të qeverisë. Por mesa duket kjo dëshmon se nuk ka prioritet BE. Prandaj theksohet në rekomandim qe Shqipëria duhet të vazhdojë rrugën kundër këto dy rekomandimeve. Edhe një herë gënjështra i ka këmbët e shkurtra. Qeveria i ka jo vetëm këmbët por edhe duart e gjata“.

Zv/kryetari i LSI-së z. Luan Rama konferencë për shtyp nga selia e LSI-së
Zv/kryetari i LSI-së z. Luan Rama konferencë për shtyp nga selia e LSI-së
Gepostet von Lëvizja Socialiste për Integrim am Mittwoch, 29. Mai 2019

Balla: Brenda 48 orësh Shqipëria merr lajmin e mirë për negociatat

“Pas 48 orësh Shqipëria do të marrë lajmin e mirë nga Komisioni Europian për hapjen negociatave”. Kështu u shpreh të hënën në mesditë, kryetari i Grupit Parlamentar të PS-së, Taulant Balla, në një intervistë televizive në News 24. Ai tha se Komisioni Europian do të publikojë progres raportin dhe do të japë vlerësim pozitiv për ecurinë e reformave në Shqipëri, duke kërkuar hapjen e negociatave mes Shqipërisë dhe BE-së.

“Pas 48 orësh Shqipëria do të marrë rekomandim pozitiv për hapje të negociatave. Kjo sepse qeveria e drejtuar nga Edi Rama ka bërë punë të madhe për shtetin e së drejtës dhe për integrimin e vendit për në BE, me reformat që janë sjellë në tavolinë. Nuk po them se me rekomandimin pozitiv Shqipërisë i mbaruan hallet, por është bërë e rëndësishme për integrim më tej për në BE. Ndërsa meraku i Bashës dhe opozitës është reforma në drejtësi”, tha Balla, i cili komentoi krizën politike në vend, duke theksuar dhe njëherë se maxhoranca është gati për dialog, por pa negociuar datën e zgjedhjeve që është 30 qershori, afati i fundit kushtetues.