Luftëtari ndjek shembullin e Partizanit dhe Teutës, largon trajnerin Marantas

E shtuna ishte dita e shkarkimeve të trajnerëve në kampionatim elitar të futbollit në Shqipëri. Pas Partizanit që largoi trajnerin Lerda, Teutës që largoi Shkëmbin, ekipi i Luftëtarit në Gjirokastër pasoi duke larguar trajnerin grek Jorgos Marantas.


Lajmi është konfirmuar nga PanoramaSport, ndërkohë që klubi vetë nuk ka reaguar zyrtarisht. Marantas erdhi në krye të Luftëtarit këtë sezon, ndërsa ekipi i drejtuar prej tij ndodhet në vend të parafundit me 8 pikë. Skuadra gjirokastrite nuk fiton prej shtatorit një ndeshje në kampionat, ndërsa së bashku me Flamurtarin rrezikojnë që sezonin e ardhshëm të luajnë në Kategorinë e Parë.

Luftëtari pati probleme financiare këtë sezon, teksa ish-presidenti Grigor Tavo dha dorëheqjen nga drejtimi i klubit. Administratorët e rinj premtuan se do të investonin në skuadër, por mesaduket këto dy faza të kampionatit kanë treguar problemet e klubit.

Tashmë pritet të mësohet se kush do të drejtojë ekipin gjirokastrit. Kujtojmë se aktualisht janë katër ekipe në Superligë që nuk kanë trajner të parë. Tirana, Partizani, Teuta dhe Luftëtari do të duhet të gjejnë trajner të ri në vijim.

Ish-trajneri i Partizanit, fitoi Kupën Libertadores me Flamengon

Ekipi brazilian i Flamengo fitoi të shtunën në mbrëmje Kupën Libertadores në Amerikën Latine. Përballë ekipit brazilian, ishte River Plate nga Argjentina, që në fakt dominoi ndeshjen deri në minutat e fundit, kur dygolëshi i Gabigolit përmbysi rezultatin. Kështu brazilianët fituan trofeun më të rëndësishëm për klube në Amerikën e Jugut.


Ekipi brazilian i Flamengo drejtohet nga një trajner portugez, Horge Jezus. Në stafin e tij, Jezus ka ndihmës një tjetër bashkëkombas, Marsi Sampaion. Ai është përgatitës atletik i Flamengo. Po çfarë e lidh Sampaion me Shqipërinë? Ai ka pasur një eksperiencë të shkurtër si trajner në Shqipëri. Nga 15 shkurti deri në 6 maj të vitit 2014, Sampaio ka punuar në klubin e Partizanit.

Ai erdhi fillimisht si asisten trajner, por e drejtoi klubin në disa ndeshje, derisa u largua nga skuadra në Maj të vitit 2014. Marsi Sampaio drejtoi ekipin e Partizanit në 12 ndeshje, pasi klubi i kuq largoi nga detyra trajnerin Hasan Lika. Portugezi bëri një punë të konsiderueshme me “Demat”, pasi Partizani e mbylli në vendin e tretë në atë sezon kampionatin, duke shkuar edhe në çerekfinalen e Kupës së Shqipërisë.

Milani prezanton trajnerin e ri. Pioli “kërcënon” që në fillim

Stefano Pioli firmosi kontratën dy vjeçare me Milanin të mërkurën. Ai do të jetë trajneri i ri i skuadrës “Rossoneri”, pas shkarkimit të Marco Giampaolo. Ish-trajneri i disa skuadrave të njohura në Itali, pëfshirë dhe rivalët e përjetshëm të Milanit, Interin, u prezantua të mëkurën nga drejtuesit e klubit milanez. Në fjalët e para të tij si trajner i kuqezinjve, Pioli u shpreh se “skuadra duhet të punojë shumë, për të fituar ndeshje të rëndësishme dhe arritur kualifikimin në Champions League”.


“Kam ndjekur çdo ndeshje të Milanit këtë sezon. Unë jam kërkues ndaj vetes dhe kështu do të jem me lojtarët. Nuk do të tolerojë asnjë mungesë dëshire apo ambicie. Vetëm përmes punës dhe sakrificës mund të bëjmë gjëra të mëdha. Duhet të  luftojmë për kualifikimin në Champions League”, tha trajneri.

Stefano Pioli tregoi gjithashtu se ndihej i lumtur për thirrjen që i bëri Milani, për të drejtuar ekipin e parë. Ai u shpreh se e priti me shumë entuziazëm këtë detyrë. “Unë jam i përgatitur për këtë aventurë me shumë entuziazëm dhe pasion. E di që më është bërë ftesë nga një klub i shkëlqyer, një nga më prestigjozët në botë. Jam i sigurt që mund të bëj një punë të shkëlqyer këtu sepse kemi një ekip dhe lojtarë të mirë”, është shprehur Pioli.

Më tej ai foli për filozofinë e lojës, që pritet të aplikojë te Milani. “Dua një futboll pozitiv dhe argëtues, prej të cilit merr më të mirën nga futbollistët. Dua futboll me cilësi dhe intensitet. Karakteristikat e lojtarëve janë të përshtatshme për idetë që unë kam”, është shprehur trajneri i ri i Milanit.

Prezantohet Duro: S`mund ta refuzoja Kukësin, Gjici ka ambicie

Kukësi ka prezantuar zyrtarisht Shpëtim Duron si trajner për sezonin e ri. Gjatë fjalës para gazetarëve, Duro u shpreh se detyra që po merr është një përgjegjësi e madhe për të. “Puna e trajnerit është përgjegjësi në çdo skuadër. Edhe marrja e drejtimit të Kukësit është përgjegjësi, edhe më e madhe, sepse Kukësi ka qenë protagonist me Skënderbeun dhe Partizanin në dekadën e fundit, duke fituar edhe trofe. Është një kënaqësi të marr drejtimin dhe falënderoj drejtuesit dhe presidentin për besimin. Pozitive është që është fillimi i sezonit, ndaj kemi kohë”, është shprehur Duro.


Sipas tij, Kukësi është nga ato ekipe që nuk refuzohet për t`u drejtuar, ndërkohë në lidhje me raportin që do të ketë me presidentin Safet Gjici, Duro është shprehur se: “Janë disa skuadra që nuk refuzohen. Projekti dhe objektivat, skuadra cilësorë që ka, këto më binden të pranoj. Puna e trajnerit e tillë është. Është hera e parë që bashkëpunoj me Gjicin, është president ambicioz, që ka fituar shumë. Nga jashtë e kam parë që skuadrat e ndërtuara këtu kanë qenë gjithnjë të forta, shpresojmë të bëjmë më të mirën”.

Ekipi, sipas trajnerit të ri, është me lojtarë cilësorë, ndaj për Shpëtim Duron puna në merkato do të jetë e vogël. “Nuk ka arsye për të ndërhyrë fuqimisht në ekip. Do ketë ndonjë largim që do zëvendësohet. Skuadra është cilësore, unë kam mendimet e mia ku mund të përforcohemi, në bashkëpunim me Nexhipin, të cilin e kam pasur edhe futbollist, tani e kam drejtues”, është shprehur Duro.

Ai ka treguar se ofertën e parë, që Safet Gjici i ka bërë një trajneri në superiore disa vite më parë, ka qenë pikërisht ndja tij. Shpëtim Duro ka vlerësuar edhe faktin që krah tij, si drejtor të klubit, do të ketë Nderim Nexhipin, të cilin më herët e ka pasur futbollist te Partizani dhe Shkëndija e Tetovës. Lidhur me rivalët në kampionat, duke u shprehur se e shkuara mbetet e shkuar, ndërsa tani do të fokusohet te Kukësi.

“Kam punuar te Partizani, por jemi profesionistë. Nuk e mohoj të shkuarën, por tani do të bëj të pamundurën për të ndihmuar Kukësin të fitojë. Nuk i kam qejf termat mbrojtës, sulmues, janë përkufizime të dala mode. Unë kam pasur gjithnjë ekipe të ekuilibruara, elastike, në varësi të kundërshtarit. Rëndësi ka që skuadra të funksionojë”. Ka thënë ndër të tjera në fjalët e para si trajner i Kukësit Shpëtim Duro.

Arsene Wenger: Kthehem së shpejti në futboll, jo si trajner

Ish-trajneri i Arsenalit, Arsene Wenger thotë se është gati të marrë një rol të ri në futboll, por ka pranuar për herë të parë se nuk do të kthehet më si trajner. Wenger përfundoi karrierën 22 vjeçare me “Gunners” në sezonin 2017-2018, duke deklaruar në atë kohë se do të dëshironte të merrte të tjera përgjegjësi si trajner.


Por duket se ajo dëshirë tashmë është venitur, dhe 69-vjeçari francez ka deklaruar se do të rikthehet në futboll por jo më si trajner. “Mendova se do të kthehesha si trajner shumë shpejt, por më pëlqente pak”, i ka thënë Wenger BBC-së. “Tani jam në udhëkryq. Do të më shihni përsëri në futboll. Si trajner… nuk e di”, ka thënë ai.

“Gjatë këtij viti kam bërë shumë punë bamirësie, dhe më pëlqeu. Nuk kam shumë intensitet në jetën time, por kam një perspektivë më të qartë të asaj që po ndodh. Shoh gabimet e drejtuesve të tjerë dhe nuk paguaj çmim për këtë”, ka thënë ish-trajneri i Arsenalit.

“Kam arritur në përfundimin se dua të ndaj me të tjerët atë që kam mësuar gjatë jetës, sepse mendoj se jeta është e dobishme nëse, në një moment, ndani me të tjerët ato gjarë që dini”.

Në çfarë mënyre do të jetë? A do të jetë vetëm duke fituar lojëra futbolli apo do të jetë në një mënyrë tjetër? Kjo është ajo që unë duhet të vendos dhe ky vendim do të vijë shumë shpejt. Futbolli është ende pasioni im. Do të kthehem së shpejti, por nuk mund t’ju them saktësisht se në çfarë kapaciteti”, ka përfunduar Wenger. 

Guardiola trajner i Juventusit ishte Fake News, ja e vërteta!

Gjatë ditës së djeshme, një gazetar italian bëri një twitter, ku shkruante se Pep Guardiola kishte rënë dakord për të trajnuar Juventusin në sezonin e ardhshëm. Lajmi bëri xhiron e mediave ndërkombëtare, duke zënë vend në faqet kryesore të tyre.


Lajmi i publikuar nga gazetari italian Adriano Del Monte, ku shkruhej se ishte arritur marrëveshja mes Pep Guardiolës dhe Juventusit!

Mirëpo duket se gjithçka ka qenë një “Fake News”, pasi drejtuesit e Manchester City-t e kanë përgënjeshtruar këtë lajm. Anëtari i bordit të drejtorëve te Manchester City, Alberto Galassi ka folur sot për mediat duke mohuar një marrëveshje të mundshme mes Juventus-it dhe Pep Guardiola-s.

Fola me Nedved (drejtor i Juves) dhe kemi pasur një të qeshur të madhe. Pep do të qëndroje me ne, ai është një profesionist serioz. Ne jemi vërtet qesharak. U befasova shumë kur lexova një lajm me titull të madh. Trajneri dëshiron të qëndrojë dhe ka ende dy vjet të tjera kontratë”.

Për më tepër, çdo klub, dhe Juve është një klub i strukturuara, i organizuar dhe mirë menaxhuar, kurrë nuk do të kishte lejuar dhënien e një lajmi të tillë. Gjëja e parë që bën një klub serioz është të kontaktojë klubin tjetër, pasi Guardiola është nën kontratë. Manchester City nuk mund të jetë në errësirë, gjithçka ishte tërësisht e pabazë”, ka thënë drejtuesi i Qytetarëve.

Lotito i mbyll dyert Juves: Inzaghi është trajneri ynë!

Juventus është në kërkim të një trajneri të ri, pas vendimit për shkarkimin e Massimiliano Allegrit pak ditë më parë. Emra brenda dhe jashtë Italisë janë përfolur në media si kandidat të mundshëm për të drejtuar “Zonjën” sezonin e ardhshëm. I fundit në radhë është ai i trajnerit aktual të Lazios, Simone Inzaghi.


Trajneri i “Biancocelestit” arriti të fitonte Kupën e Italisë me Lazion së fundi, duke e mbyllur në mënyrën më të mirë të mundshme sezonin, ndonëse dështoi për t`a kualifikuar ekipin në Champions League. Megjithatë, puna e tij te Lazio është e konsiderueshme për atë që ka arritur deri më tani me ekipin kryeqytetas.

Ndaj Juventus duket se ka parë një trajner që plotëson kërkesat e klubit për të drejtuar skuadrën sezonin e ardhshëm. Mirëpo kjo gjë duket e vështirët të ndodhë. Është presidenti i klubit, Claudio Lotito ai që i ka mbyllur derën çdo mundësie për largimin e Inzaghi-t.

Në një intervistë për radio “Kiss Kiss” në Itali, numri një i klubit të Lazios ka deklaruar se Inzaghi do të jetë trajner i tyre edhe për këtë sezon që vjen. “Inzaghi është trajneri ynë. Ai te Juventus? Nuk kam dëgjuar kurrë për një gjë të tillë”.

“Inzaghi është trajneri ynë, ai në Juventus? Nuk i kam dëgjuar kurrë”. Ai ka treguar lidhjen që ka me klubin. Kur unë erdha te Lazio ai ishte lojtari i parë që tregoi gatishmëri për të negociuar kontratën e tij. I premtova se do ta bëja atë trajner dhe ai fitoi gjithçka. Arriti në ekipin e parë”, ka thënë Lotito.