Tre ditë “burg” ndryshojnë Balliun: Dialog me qeverinë

Pak orë pasi u lirua nga Gjykata e Tiranës për bllokimin e rrugës te “Unaza e Re”, Klevis Balliu është bashkuar përsëri në protestën e banorëve të “Astirit”. Në fjalën e mbajtur gjtë protestës, Balliu është shprehur se “banorët janë gati të ulen në dialog me qeverinë”. Sipas tij, mazhoranca duhet të lërë datën dhe orën dhe qytetarët shkojnë për dialog.

“Jam krenar që jam pjesë e Partisë Demokratike. Edi Rama nuk do që të shkojmë në Europë. Shqipëria ka sot nevojë për qytetarët dhe jo për bandën e Habilajve. Ja ku janë qytetarët, qeveria të japë orën dhe datën dhe qytetarët janë gati të dialogojnë. Të dialogohet në lidhje me këtë çështje kaq shumë delikate për banorët e Unazës së Re”, është shprehur Balliu.

Më tej, ai i bëri thirrje gjykatës të lirojë tre banorë që mbahen në qeli, pasi akuzohen për bllokim të paligjshëm të rrugës. Pasi ndenji tre ditë në paraburgim, Klevis Balliu u bëri thirrje banorëve të protestojnë paqësisht pa shkelur ligjin.

“Ne duhet të nxjerrim nga burgu 3 heronjtë tanë. Iu bëj thirrje gjykatave që të nxjerrin heronjtë tanë, që janë baballarë. Ftoj që të gjithë qytetarët që të vazhdojnë protestën, në mënyrë paqësore, pasi nuk po shkelim asnjë ligj. Kjo është një protestë për kauzë kombëtare”, u shpreh Klevis Balliu.

Kujtojmë se Gjykata e Tiranës rrëzoi kërkesën e prokurorisë për arrest me burg ndaj ish deputetit demokrat Klevis Balliu dhe 9 protestuesve të tjerë të cilët akuzohen për bllokimin e rrugës së Unazës së Madhe. Gjykata e Tiranës vendosi lirimin nga burgu të këtyre personave, duke vendosur masën detyrim paraqitje.

Protesta në “Unazën e Re”, banorët godasin ambulancën me gurë

Një incident është shënuar mbrëmjen e vonë të së dielës, teksa gjatë protestës banorët e “Unazës së Re” kanë goditur një autoambulacë.

Ngjarja ka ndodhur pranë zonës së ‘Astirit’, teksa banorët, në prani të ish-deputetëve të opozitës, kanë goditur me gurë dhe mjete të forta një autoambulancë e cila ishte nisur për një rast emergjence.

Mësohet se mjeti i emergjencës mjekësore ishte nisur drejt Pezë Helmës, pasi ishte njoftuar për rast në nevojë. Por banorët në Unazën e Re i kanë dalë para dhe e kanë goditur me mjete të forta dhe gurë, duke i shkaktuar disë dëme materiale.

Fatmirësisht nga ky incident nuk ka pasur probleme për stafin mjekësor që ndodhej në mjet. Ndërkohë, raportohet se gjatë protestës është goditur dhe një mjet i policisë.

Protesta e banorëve në zonën e “Astirit” ka shkaktuar edhe kaos në trafik, ku shumë drejtues mjetesh janë detyruar të kthen mbrapsht për shkak të rrugës së bllokuar.

Basha tek “Unaza e Re” fton shqiptarët në protestë: Të dielën për Shqipërinë që duam

Kryetari i Partisë Demokratike, Lulzim Basha ka zgjedhur protestën e banorëve që preken nga projekti i “Unazës së Re”, për të ftuar për herë të fundit qytetarët shqiptarë për të marrë pjesë në protestën e shtatë kombëtare, që opozita do të zhvillojë ditën e diel pasdite.

“Të bashkohemi nesër para bselisë të së keqes, ku Shqipëria e hajdutërisë kriminale të Milot- Balldrenit, ku Shqipëria e propagandës kriminale të kotecit palestër ku është katandisur organizata kriminale e Rilindjes, dhe Shqipëria e qendresës stoike të banorëve të Unazës, të takohen në një betejë ku vetëm njëra do të mbijetojë:

O Shqipëria e drejtësisë, shqipëria e prindërve që luftojnë për fëmijët e tyre, Shqipëria e Kushtetutës dhe e ligjit, Shqipëria e vlerave europiane, apo Shqipëria e zuzarëve dhe banditëve, hajdutëve që kanë përzënë gjysmë milioni të shqiptarëve, qeverisjen më të korruptuar dhe më të inkriminuar të Europës!

Kjo është beteja! Kjo është kauza, dhe në këtë kauzë nuk ka ngjyra, nuk ka të djathtë e të majtë. O je me fëmijët e tu, o je me vlerat elementare të dinjitetit njerëzor e të punës së ndershme, ose je skllav dhe qen i krimit”, tha Basha ndër të tjera.

PD bën thirrje për revoltë, Balliu: Është e vetmja rrugë për shqiptarët

Ish-deputeti Klevis Balliu ka depozituar në Prokurori disa prova, që sipas tij dokumentojnë dhunën e policisë ndaj banorëve të “Unazës së Re”. Pasi bëri dorëzimin e provave, Balliu foli për mediat duke u shprehur se Prokuroria është kthyer në “pastrim kimik” që fshin provat ndaj kriminelëve, ndërsa theksoi se Policia dhe Prokuroria bashkëpunojnë së bashku për të fabrikuar prova ndaj qytetarëve.

“Nuk ka asnjë rrugë tjetër për zgjidhjen e problemeve të shqiptarëve, veç revoltës. Ne si PD do i dalim në mbrojtje qytetarëve kur ata dhunohen nga policia. Mos të harrojmë këtu dhunimin e Sait Dollapit”.

“Ne sot kemi depozituar këto prova, por shpresojmë që Prokuroria të bëjë punën që duhet të bëjë. Por është e çuditshme që çdo dosje që ka lidhje me Rilindjen mbyllet. Ndaj PD hapen hetime dhe thirren si të pandehur”.

“Prokuroria dhe Policia bashkëpunojmë së bashku për të fabrikuar prova ndaj qytetarëve shqiptar. Prokuroria është kthyer në pastrim kimik ndaj kriminelëve”, tha ndër të tjera Klevis Balliu.

Lirohet Klevis Balliu

Ditën e sotme u zhvillua seanca gjyqësore me dyer të mbyllura ndaj ish deputetit demokrat Klevis Balliu dhe 3 personave të tjerë.

Balli së bashku me 3 të arrestuarit e tjerë, u ndaluan nga policia gjatë një proteste 2 ditë më parë tek Unaza e Re.

Ndonëse Prokuroria kërkoi masën “arrest me burg”, gjykata ka vendosur që të 4 të pandehurit të liheshin të lirë dhe vendosi masën “detyrim paraqitje”.

Balliu akuzohej për goditje për shkak të detyrës, kundërshtim me dhunë i policisë,organizim dhe pjesëmarrje në tubime të paligjshme, pengim i qarkullimit të mjeteve, shkatërrim prone, prishje e qetësisë publike.