Voltana ndryshon modelin e protestës, si modelin e flokëve: Ndaj Ramës marshim paqësor

Voltana Ademi ka bërë një hap pas, pasi pasditen e kësaj të enjten, vetëm pak orë nga nisja e mitingut elektoral që Kryeministri Edi Rama do të zhvillojë në Shkodër, ka deklaruar se “është koha që gjithsecili ti thërrasë ndërgjegjes”.

Mesaduket, Voltana, që deri më tani ka qenë kryebashkiakja më aktive në aksionin opozitar për mos lejimin e zhvillimit të zgjedhjeve duke shkatërruar materialet zgjedhore, bëhet e para që i thërret arsyes, duket hequr dorë nga dhuna dhe barbaria e deritanishme, ku si pasojë u dogj dhe kati i parë i një shkolle në Shkodër.

Madje, Voltana deklaroi me gojën e saj se “kam biseduar me policinë të cilëve u kam thënë se do të jetë një marshim qytetar”, tha Ademi gjatë një lidhje direkte për një studio televizive në vend. Mesaduket, Voltana e ka kuptuar, ashtu sikundër dhe lideri i saj Lulzim Basha, se dhuna nuk është zgjidhje dhe as mjeti për të shkuar përpara.

Ndaj, edhe reagimi i saj fill pas deklaratës së Lulzim Bashës, që dukej sikur po shkon drejt rrugës së arsyes, tregon se opozita nuk mund të provojë forcën me shtetin dhe as mund të marrë përgjegjësinë për të rrezikuar jetët e pafajshëm të njerëzve, pavarësisht bindjeve politike.

Jozi “zjarr” kundër Voltanës: Nuk është kjo Shkodra jonë

Jozefina Topalli ka shpërthyer kundër Lulzim Bashës e Voltana Ademit, që mbrëmjen e së martës i vuri flakën një klase në katin e parë të një shkolle në Shkodër, aty ku ndodhej KZAZ-ja nr.3. “Djegia e shkollës nuk është historia e Shkodrës, e kundërta është historia e këtij qyteti”, shrkuan Topalli në një reagim në rrjetet sociale.

“Kjo nuk ka ndodhur kurrë në 3 dekada. Një demokrat nuk djeg as mandate as shkolla. Një demokrat i vërtetë nuk hedh as molotv e as ka frikë nga zgjedhjet”, shkruan ish-deputetja e PD-së, duke iu drejtuar Lulzim Bashës dhe drejtueses së bashkisë së Shkodrës Voltana Ademi, që ka dalë ‘flamurmbajtëse” e zbatimit të dekretit të Metës.

Topalli vijon më tej duke shkruar se demokratët nuk kanë patur frikë në 97 kur gjysma e territorit kontrollohej nga bandat, ndërsa thekson se Rama nuk largohet duke refuzuar parimet e demokracisë, për më tepër duke penguar të drejtën e votës.

“Nuk largohet Rama duke refuzuar parimet e vlerat e demokracisë. Partia Demokratike lindi si një ëndërr e lirisë dhe e të drejtës me votu. Ai që mendon se do pengojë të drejtën e votës nuk është demokrat. Shqiptarët duan paqe. 3 milion shqiptarë nuk mund të mbeten gjatë peng të 4-5 vetëve”, përfundon Topalli.

Voltana “Schwarzenneger”, sfidon sërish, mbyll shkollat me dhunë. Ishin qendra votimi.

Nuk ndalet kryetarja e Bashkisë Shkodër, Voltana Ademi, e cila mesaduket kërkon të jetë në rreshtin e parë me Bashën, ndoshta dhe një hap para tij për të penguar zgjedhjet lokale të 30 qershorit. Me çdo mënyrë dhe formë, kryebashkiakja e Shkodrës, që duhet të ketë detyrë parësore shërbimin ndaj qytetarëve pa dallime politike, kërkon të bëhet pengesë pë të ndaluar po qytetarët e saj të shprehin vullnetin më 30 qershor, me justifikimin e dekretit të çdekretimit të zgjedhjeve.

Voltana Ademi, ka ndërmarrë një tjetër iniciativë për të mos lejuar zhvillimin e zgjedhjeve. Me anë të një shkrese, që është firmosur nga znj.Ademi, bashkia Shkodër u kërkon shkollave të qytetit dhe të njësive administrative të mos hapin dyert më 30 qershor për zhvillimin e zgjedhjeve.

“Në zbatim të ligjit Nr.139/2015 “Për vetëqeverisjen vendore”, Udhëzimi Nr.30 Datë 27.12.2011 “Për Menaxhimin e Aktiviteteve në Njësitë e Sektorit Publik, të ligjit nr 69/2012 “Për sistemin arsimor parauniversitar të Republikës së Shqipërisë”, të ndryshuar, kërkojmë: Meqensë objektet shkollore janë asete në pronësi të Bashkisë Shkodër dhe administrohen si territore nga Bashkia Shkodër, këto objekte nuk duhet të aksesoren nga persona dhe institucione të pa autorizuar nga Bashkia Shkodër për të hyrë në këto objekte. Nënvizojmë që përgjegjësia juaj është administrimi dhe mirë organizimin i procesit mësior dhe jo administrimi i objektit”, shkruhet në shkresën e firmosur nga Voltana Ademi drejtuar shkollave të qytetit.

Ky është një tjetër veprim që synon të pengojë zhvillimin normal të procesit zgjedhor për zgjedhjet e pushtetit vendor më 30 qershor, Voltana Ademi është një nga kryebashkiaket më aktive të PD-së, që ka ndërmarrë disa hapa për të penguar zgjedhjet e 30 qershorit.

Voltana: I dua molotovët…figurativisht

“Po të kisha dhe unë molotov, do të gjuaja me molotov”, kjo fjali e thënë nga Kryetarja e Bashkisë Shkodër Voltana Ademi, shkaktoi reagime të shumta këtë të enjte. Në një intervistë për mediat lokale në Shkodër, Ademi deklaroi se merr pjesë në çdo protestës të opozitës, duke deklaruar se do të dëshironte që të godiste dhe me bomba molotov. Megjithatë, pas shpërndarjes në media të kësaj deklarate, duket se Voltana Ademi ka kuptuar nxitimin në të shprehur, duke bërë një reagim publik, ku sqaron atë çfarë ka dashur të thotë në të vërtetë, sipas saj. Sipas Ademit, deklarata është nxjerrë nga konteksti, ndërsa thekson përsëri se Shkodra dhe shkodranët kanë pasur shumë arsye për “molotov”.

“Molotov ka shqetësuar deri në trembje shumëkënd! E artikuluar mjaft qartë, nga unë, në një intervistë televizive në studion e emisionit “Tonight” në televizionin StarPlus, kanë tentuar e po te tentojnë ta nxjerrin nga konteksti. Në fakt, këto katër vite por edhe më herët, Shkodra dhe shkodranët kanë patur mijëra arsye për të përdorur “molotov”. U anashkaluan deri në harresë të plotë nga kjo qeveri, u burgosën, u dhunuan, iu hoq ndihma ekonomike, iu hoq buka e gojës, i pushtoi e i dhunoi kriminaliteti e pushteti i kriminelëve”, shkruan Voltana.

Më pas, ajo sqaron se fjala “molotov” është përdorur në mënyrë figurative, duke dashur të thotë, se nënkupton bërjen e zhurmën. “E po e artikuloj edhe një herë: “… me “molotov” për të bërë shumë zhurmë! Shumë zhurmë! “. Ashtu siç kanë ushtuar e ushtojnë sheshet e kryeqyteteve perendimore në Itali, Francë, Greqi etj. Fjalën time duhet ta kishit transmetuar të plotë e jo gjysma- gjysma! E keni të postuar të gjithën, prej kater ditësh, në faqen time Facebook! Protesta, figurativisht edhe me “molotov” është një mënyrë për t’u mbrojtur nga ata që po na vrasin! Është mënyrë për të bërë zhurmë për t’u dëgjuar!

Po prap do të protestojmë, me tërë fuqinë! Për të mbledhur të tjerë e sa më shumë! E figurativisht me “molotov” , për të zhurmuar për dyert e mbyllura të institucioneve, dhe burgun që Edi Rama po i ndërton përditë njerëzve të thjeshtë, e qe po i vret përditë”, shprehet Voltana Ademi.

Voltana: Sa i dua molotovët!

Kryebashkiakja e Shkodrës, Voltana Ademi ka një dëshirë të madhe, të gjuajë me bomba molotov në protestat e opozitës.

Ajo e ka pranuar vetë këtë dëshirë të saj gjatë një intervistë në një TV në Shkodër.

“Sigurisht që unë shkoj në Tiranë dhe shkoj protestoj fort. Po të kisha dhe unë molotov, do të gjuaja me molotov. Unë nuk di të gjuaj me molotov, pavarësisht se në shkollë kemi bërë dhe Ushtaraken, por na qëlloi që të ndryshonim sistemin, shyqyr Zotit. Dhe nuk e kam pasur këtë mundësi. Por qejfi dhe dëshira, kur je aty në protestë sigurisht që do të japësh gjithçka nga vetja, do të kisha dëshirë dhe unë të gjuaja me molotov”, u shpreh Voltana Ademi.

Përmes kësaj deklarate Ademi pranon se dhuna në protesta është e organizuar nga PD.

Voltana Ademi: Sa i dua molotovët
Gepostet von RealStory.al am Donnerstag, 6. Juni 2019

Vendimi për pezullim të prokurorimeve, Ademi: Antikushtetues

Pak ditë më parë Qeveria miratoi vendimin për pezullimin e përkohshëm të fillimit të procedurave të prokurimit për të gjitha bashkitë nga 1 deri më 30 qershor 2019. Ky vendim është kritikuar nga kryetarja e bashkisë Shkodër Voltana Ademi, e cila e ka cilësuar si antikushtetues dhe pengon bashkitë të ofrojnë shërbime për komunitetin.

“Vetëm në një emergjencë civile apo një emergjencë të llojit ekonomik apo një problemi madhor që ka shteti me financat mund të merret një vendim i tillë. Ky është një vendim antikushtetues, është në kundërshtim me ligjin funksional të qeverisjes vendore, është në kundërshtim me ligjin për financat vendore dhe me kartën europiane për autonominë vendore. Ky vendim i bllokon të gjithë, bllokon punë e përditshme për shërbimet që janë themelore” – tha Ademi