Tag: zjarre

Nuk ndalen zjarret, në Fushë Krujë rrezikohen banesat, në Rrogozhinë antenat e transmetimit

Shtimi i vatrave të zjarri në vend nuk kanë të ndaluar. Pas atyre në Shëngjin dhe Gjirokastër, gjatë të shtunës një tjetër vatër zjarrit është krijuar në Fushë Krujë. Zjarri ka rënë në përmasa të mëdha dhe ndodhet shumë afër fabrikës së çimentos në fshatin Zallë. Në të ndodhen edhe disa banesa, që rrezikojnë të preken nga flakët.

Forcat zjarrfikëse ndodhen në vendngjarje dhe po punojnë për vënien në kontroll të tyre. Mendohet se zjarri ka qenë i qëllimshëm.

Gjithashtu një tjetër vatër zjarri është përhapur në Rrogozhinë që rrezikon të djeg antenat e transmetimit të televizioneve. Zjarri ka rënë në fshatin Kryevidh në zonën që lidh bregdetin e Spillese me autostradën Rrogozhinë-Tiranë. Zjarri ka rënë në një terren malor që e bën edhe më të vështirë ndërhyrjen e zjarrfikësve. Sipas hetimeve paraprake dyshohet se dhe ky zjarr ka qenë i qëllimshëm nga banorët e zonës për të krijuar kullota për bagëtitë.

Duket se zjarret vetëm shtohen në këtë kohë thatësire por edhe zjarrëvënie të qëllimshme. Edhe në Devoll, një sipërfaqe e madhe e pyllëzuar në fshatin Ziçisht në vendin e quajtur  “Gështenjat” prej disa orësh vijon të digjet. Zjarrfikëset kanë bërë të mundur që të vënën nën kontroll flakët dhe po punojnë për shuarjen e plotë të tij.

Zjarret në Amazonë, Presidenti brazilian bindet të nxjerr ushtrinë të luftojë me flakët

Zjarret e mëdha që kanë pushtuar pyjet tropikale të Amazonës duket se kanë tërhequr më në fund vëmendjen e presidentit të Brazilit, Jair Bolsonaro.

Pas protestave popullore dhe presioni ndërkombëtar për mënyrën se si qeveria braziliane po e përballonte këtë katastrofë botërore, Bosonaro më në fund ka pranuar të nxjerr ushtrinë në terren që të ndihmojnë në shuarjen e vatrave të zjarrit.

“Kam autorizuar një operacion ushtarak, me personel dhe pajisje të forcave të armatosura dhe agjencive të tjera, që të luftojnë me zjarrin këto ditë dhe me çdo aktivitet tjetër të paligjshëm, që mund të ushtrohet në këto pyje”, tha Bolsonaro, i cili fajësoi për këtë situatë thatësirën e jashtëzakonshme të kësaj vere. “Jemi në një periudhë tradicionalisht të thatë, edhe dimri këtë vit ka qenë i thatë dhe fatkeqësisht zjarre në pyjet e Amazonës ka pasur çdo vit. Vitet e shkuara më pak por thatësira e vitit 2019 e ka bërë situatën edhe më të rëndë”.

Megjithatë mediat botërore raportojnë se vendosja e zjarrit ka qenë i qëllimshëm, për të hapur toka për blegtorinë për të favorizuar tregtinë e mishit. Presidenti Bolsonaro është akuzuar vazhdimisht për këtë fakt pasi ai është një përkrahës i tyre, ndërsa populli brazilian e cilëson si arsyen kryesore për vonesën e tij për të reaguar siç duhet në situata të tilla emergjente.

Amazona cilësohet si mushkëria e botës pasi prodhon mbi 20 % të oksigjenit në botë dhe gjatë 2019 ka pasur një shifër rekord të rënies së zjarreve.

Skip to toolbar