Tifozat kuqezi kanë elektrizuar atmosferën në Hamburg para ndeshjes me Kroacinë, e cila do të luhet sot në orën 15:00 në stadiumin “Volksparkstadion” të Hamburgut.
Me flamujt kuqezi dhe këngë patriotike ata kanë mbushur rrugët e qytetit gjerman.
Në stadium sot do të jenë rreth 15 mijë tifozë shqiptarë, ndryshe nga Dortmundi ku stadiumi ishte “veshur” kuqezi.
Pjesa tjetër në stadiumin me 57 mijë vende do tu përkasë kroatëve, të cilët do të jenë të shumtë në numër.