Vijon të jetë i bllokuar rrethrrotullimi te “Zogu i Zi”. Gazetarja Bleona Sari raporton se automjetet që kanë mbetur të bllokuar janë kthyer pas ndërsa policia po i orienton në rrugë alternative.
“Qytetarët që lëvizin me mjetet e tyre janë kthyer pas për të gjetur rrugë alternative. Ndërsa protestuesit duken të qetë, nuk ka pasur përplasje me efektivët.”, raportoi në një lidhje live gazetarja.
Më herët, pati konfrontime mes drejtuesve të mjeteve dhe militantëve të PD-së/ “Një nga pesë pikat kyçe që opozita paralajmëroi që do bllokohej dhe ka disa minuta që është bllokuar tërësisht. Në fakt ka një shenjë revolte nga qytetarët që po i bien borive dhe kanë dalë nga makinat dhe kanë kërkuar lirimin e rrugës. Por militantët qëndrojnë në të dy krahët e rrugës dhe nuk lejojnë asnjë mjet apo qytetarë të kalojë. Policia ka bërë me dije me një komunikatë që nuk do të lejohet bllokimi i tyre.”, raportoi gazetarja.