Shtëpia e Martin Skëndaj, autor i vrasjes së dy personave pak ditë më parë në Patos, është përfshirë nga flakët këtë të premte. Sipas Balkanweb, shtëpia e Skëndaj e ndodhur në fshatin Kuqar është djegur në rrethana ende të paqarta.
Zjarrfikësit dhe policia kanë shkuar në vendin e ngjarjes për të shuar zjarrin, por shtëpia është shkrumbuar e tëra.
Fatmirësisht nuk raportohet për të lënduar, pasi dyshohet se familja Skëndaj është larguar nga shtëpia pas ngjarjes së pak ditëve më parë.
Martin Skëndaj vrau dy të rinj, njëri prej të cilëve komshi i tij. Shkak i ngjarjes së rëndë ishte motra e Skëndaj, e cila kishte një lidhje dashurie me një nga viktimat.
