Nuk ka shpresë për ish kryetarin e Bashkisë Rrogozhinë Edison Memolla. Gjykata e Lartë nuk pranoi rekursin e tij për prishje të vendit të dhënë nga Apeli i Posaccëm, që e dënoi Memollën me një vit burg për korrupsion aktiv në zgjedhjet e pjesshme të vitit 2022.
Ish zyrtari i lartë kundërshtoi vendimin e shkallës së dytë të gjyqësorit, duke pretenduar pafajësi, megjithatë kjo nuk u mor parasysh nga treshja penale Genti Shala relator me anëtarë Ilir Panda dhe Albana Boksi.
Kryebashkiaku i Rrogozhinës u shpall fajtor me vendim të formës së prerë në 9 shkurt të këtij viti dhe më pas u vetëdorëzua në polici. Ky i fundit po vuan dënimin me një vit burg në institucionin e ekzekutimit të vendimeve penale Rrogozhinë, ndërsa i kanë mbetur edhe pak muaj për të shlyer. Me një vit burg u dënuan edhe Ndriccim Tafxhafa e Blerim Xhamani, ndërsa Isuf Tosku u dënua me 1 vit e 4 muaj burg, dënim që u konvertua në shërbim prove.
SPAK provoi se Edison Memolla aso kohe kandidat për Kryetar i Bashkisë Rrogozhinë, ndikoi tek Blerim Xhamani një elektriçist për të mos i ndërprerë energjinë elektrike një abonenti debitor, me qëllim për të votuar në favor të tij në zgjedhjet e pjesshme lokale të datës 06.03.2022.
Ndriçim Tafxhafa i premtoi një shtetaseje shlyerje të detyrimeve ndaj OSHEE dhe strehim në këmbim që të votonte në favor të Memollës.
Ndërsa Blerim Xhamani dhe Isuf Tosku falsifikuan të dhënat në procesverbalin e ndërprerjes së energjisë elektrike, duke paraqitur të dhëna të rreme, pasi nuk ia kanë ndërprerë faktikisht energjinë elektrike abonentit debitor.