Një shpërthim ka ndodhur në zonën e Brrylit te një pikë karburanti.
Burime bëjnë me dije se ka shpërthyer një depozitë e pikës së karburantit (Eida), për pasojë është shembur një godinë njëkatëshe. Fatmirësisht deri tani nuk raportohet për viktima. Sipas burimeve nga Trauma të plagosur kanë mbetur Vlerim Hakballa, 22-vjeç, Rozart Abazi, 30-vjeë dhe Aurel Xhanaj, ounonjës të biznesit. Të plagosurit aktualisht po u nënshtrohen ekzaminimeve mjekësore, dhe sipas informacioneve paraprake kanë marrë lëndime të lehta.
“Tek “Brryli”, në një karburant, dyshohet se ka shpërthyer një bombul gazi, gjatë kohës që po furnizohej me karburant një automjet. Si pasojë, janë dëmtuar 3 persona, punonjës të karburantit, të cilët janë dërguar në spital për mjekim, jashtë rrezikut për jetën”, njofton policia.
