Ish-ministri i Brendshëm Saimir Tahiri i është bashkuar edhe ai trendit më të fundit në rrjet atë të plakjes. Ish ministri ka postuar një foto në rrjet përmes të cilës ironizon shtyrjen e gjyqit ndaj tij.
“Duke pritur gjyqin….Një gjyq që duhet të ishte shembull korrektese e profesionalizmi, u shty edhe sot. Hera pare u shty se posta padashje kishte grisur letrat. Hera e dytë se polici nuk kishte bërë njoftimet.
Hera e tretë (sot) se Prokuroria kishte humbur ca letra e nuk i gjente dot. Letrat me të cilat kërkoi arrestimin tim në parlament, sot i kishin humbur. QESHARAAAAAKE!!!!! Shty e shty e shty…por dita ime nuk largohet dot” shkruan Tahiri bashkëngjitur me foton e tij të plakur falë aplikacionit FaceAPP që i ka çmendur të gjithë në rrjet.
Gjatë të mërkurës u shty sërish gjyqi ndaj ish ministrit Tahiri për shkak se Prokuroria e Krimeve të rënda i ishin zhdukur nga dosja dëshmitë pro ish ministrit Tahiri.
Në një komunikim me mediat, Tahiri është shprehur i ashpër për seriozitetin e Prokurorisë, ndërsa shton se është e papranueshme që arsyeja të jetë “humbja e letrave”.
