Një nënë së bashku me fëmijën e saj është shtyrë mbi shinat e trenit gjatë kohës që po priste në stacion për të hipur. Ngjarja ka ndodhur në Frankfurt të Gjermanisë për shkaqe ende të paqarta. Një person i veshur me të zeza shtyu nga pas nënën me fëmijën në momentin që treni po mbërrinte.
Nëna ka mundur të shpëtojë duke u futur në një hendek mes shinave, ndërsa fëmija 8-vjeçar ka humbur jetën, pasi u godit për vdekje nga treni.
Ngjarja e rëndë terrorizoi të gjithë personat që ishin në terminal. Autori i ngjarjes ka tentuar të largohet por është kapur nga policia. Nuk ka ende detaje të tjera në lidhje me ngjarjen.
