Prej disa ditësh OSHEE po bën remont në disa kabina të kryeqytetit për shkak të defekteve të konstatuara, që kanë sjellë mungesë të energjisë elektrike në disa zona. Për këtë arsye, OSHEE ka njoftuar se mungesa e energjisë elektrike në fasha të ndryshme oraresh do të vijojnë edhe gjatë të enjtes. “Disa zona në kryeqytet do të kenë mungesë të energjisë elektrike për disa orë për shkak të rikonstruksionit që po bëhet në kabinat elektrike”, deklaroi OSHEE.
Sipas njoftimit zyrtar të OSHEE në orën 09:00-11:00 do të ketë mungesë të energjisë elektrike te Rruga e Kavajës dhe rruga “Kel Kodheli”.
Në orën 11:20-15:00 do të ketë mungesë të energjisë elektrike te rruga “Kongresi i Lushnjës” dhe rruga “Ylbere Bylykbashi”.
Në orën 13:00-15:00 do të ketë mungesë të energjisë elektrike te rruga “Urani Pano”, pranë Veve Center.
Në orën 09:00-15:00 do të ketë mungesë të energjisë elektrike te Rruga e Dibrës, Rruga e Barrikadave, rruga “Ibrahim Buzhiqi”, rruga “Dervish Hekali”, rruga “Riza Cerova”, rruga “Idriz Dollaku” dhe rruga “Shemsi Haka”.
Ndërsa në orën 10:00-12:00 do të ketë mungesë të energjisë elektrike te rruga “Dervish Hatixhe” dhe rruga “Bardhok Biba”.