I pranishëm në mbledhjen me kryeministrin Edi Rama, ambasadori i BE-së Luigi Soreca tha se hapi i parë që vendi duhet të bëjë, pas fatkeqësisë është vlerësimi i dëmeve, ndërsa theksoi se BE është e gatshme të ofrojë ndihmën e saj.
“Të gjithë jemi prekur personalisht, faktin që kemi folur me ju disa minuta donim t’ju tregonim gatishmërinë tonë për t’ju ndihmuar, për t’ju ardhur në ndihmë. Janë bërë disa gjëra në terren. Sa i takon BE-së, të gjitha shtetet anëtare, që i falënderoj që reaguan menjëherë, janë në terren. Duhet ta dini se koordinojmë të gjitha aktivitetet, që të shmangim dublikimet. Puna po ecën në drejtimin e duhur. Ka rëndësi ta dini se ne e shohim si një punë që po ecën në drejtimin e duhur. Ka pengesa, por struktura po ecën në rrugën e duhur. Ka gjëra që duhen bërë tani! Duhet bëhet vlerësimi pas fatkeqësish. Kjo është vija e parë. Është e rëndësishme që puna të bëhet si duhet. Çdo bankë do ju kërkojë faturën e vlerësimit të fatkeqësisë. Mekanizmi të jetë efikas. Kemi një mekanizëm të fortë jemi gati të marrim interesa, gatishmërinë që të na bashkëngjiten kush dëshiron, që të mos kemi dublikime të përpjekjeve. Jemi të gatshëm që të shërbejmë si pikë kontakti”, tha Soreca.