Arsenali ka dështuar lehtë përballë Manchester City në ndeshjen e parafundit të javës së 17-të të Premier League-s, që u zhvilluar në “Emirates”, në Londër.
Kampionët në fuqi të Anglisë fituan me rezultatin e thellë 0-3, duke bërë “hattrick” që në pjesën e parë. Shkëlqeu në këtë përballje gjigantësh të futbollit anglez Kevin De Bruyne, autor i një dygolëshi dhe asistues në rastin e finalizimit të Sterling.
Futbollisti belg e zhbllokoi takimin pa u mbushur dy minuta lojë, i shërbyer nga Gabriel Jesus, 0-1. Në të 15-ën De Bryune ia bëri të lehtë përmbylljen e aksionit sulmuesit Sterling, që nga një distancë e afërt i çoi shifrat në 0-2.
5 minuta para fundit të pjesës së parë, sërish De Bruyne protagonsit, me një goditje të saktë nga jashtë zonës, që vulosi rezultatin përfundimtar 0-3, pasi në pjesën e dytë Arsenali, përtej dëshirës, hasi në një mbrojtje solide të Citizens, që nuk lejoi prekjen e rrjetës.