Një 45-vjeçar shqiptar është vrarë në Itali mbrëmjen e të shtunës. Ngjarja ndodhi në Romë rreth orës 11:30, ndërsa mediat raportojnë se burri është një shtetas me kombësi shqiptare. Ai është qëlluar me një plumb në gjoks dhe një në kokë.
Ai kishte dalë me leje nga burgu për të takuar gruan e tij, ndërsa është qëlluar pasi po kthehej për në qeli. Vrasja ndodhi në mes të rrugës, pak pasi 45-vjeçari doli nga dera e shtëpisë për t`u kthyer në qeli në burgun e Rebibbia. Viktima, emri i të cilit ende nuk bëhet i ditur, ishte me precendent penal.
Ai po vuante një dënim prej vitesh në burgun e Rebibbia, ndërsa mediat italiane raportojnë se ishte në ditët e fundit të dënimit. Hetuesit po përpiqen të zbardhin vrasjen, ndërsa dyshimet e para lidhen me të shkuarën e 45-vjeçarit.
