Pas lajmit se Kosova nuk lejon shtetasit e Shqipërisë që të hyjnë pa certifikatën e testimit ndaj COVID-19, ka ardhu edhe reagimi i kryeministrit Rama.
Përmes Twitter, shefi i qeverisë shkruan:
“Na hap kufijtë o Ramazon se gjithë bota i ka hap!”e kur thosha jo s’i ka hap gjithë bota, ne do jemi nga të parët fare, gënjeja unë! Po tani që ne i hapëm e shikoni që të tjerët jo?
E pra, unë kam njëmijë të meta, po NUK GËNJEJ dhe mirë a keq THEM ATË QË BËJ DHE BËJ ATË QË THEM!
Dhe mos keqkuptohemi, s’e kam me bllokimin e çuditshëm të makinave të Shqipërisë në kufirin e Kosovës për dizinfektim, po për plot kufij fqinj ose jo, që janë ende mbyllur!
Prandaj DURIM, BESIM dhe KUJDES NGA NXITIMI NË NGRËNIEN E RRENAVE se helmojnë gjakun e çorodisin mendjen” – shkruan Rama.
Ditën e sotme udhëtarëve nga Shqipëria u është kërkuar nga pala kosovare që të kenë një certifikatë tamponi ose t’i nënshtrohen një jave karantine. Nga ana tjetër, kamionëve u është vendosur një taksë prej 22 eurosh për dizinfektim.