Sekreti i metodës kineze kundër valës së dytë të Covid

Eshtë një paradoks i madh që ushqen në mënyrë të pashmangshme disa pyetje. Kina, ku SARS-COV-2 u shfaq për herë të parë gati një vit më parë, tani është vendi kryesor në botë që pandemia po e kursen. Jeta e përditshme në Kinë është në thelb normale. Ekonomia është ringritur deri në pikën që këtë vit, Kina do të jetë i vetmi vend i G20 që regjistron rritje ekonomike, ndërsa të gjithë të tjerët janë në recesion.

Ndryshe nga ajo që ndodhi në fillim të këtij viti, kur qeveria kineze fillimisht fshehu epideminë në Vuhan dhe më vonë vonoi mobilizimin ndërkombëtar, sot nuk ka asnjë arsye për të besuar se Pekini po fsheh raste të sëmundjes. Nga ana tjetër, rreziku i lejimit që, qytete me më shumë se njëzet milion banorë (të tillë si kryeqyteti ose Shangai) të jetojnë normalisht, pavarësisht nga kërcënimi i një epidemie të pakontrolluar, do të ishte shumë i madh.

Shpërthimet që shfaqen periodikisht i nënshtrohen terapisë së shokut. Ndodhi në Kashgar, në perëndimin e largët të vendit, ku mbi katër milion njerëz u testuan brenda tre ditësh. Fakti mbetet që në Kinë nuk ka valë të dytë dhe as përhapje të pakontrolluar të virusit.

Pa debat

Cili është sekreti i metodës kineze? Të drejtosh gishtin drejt autoritarizmit kinez, i cili imponon një kontroll ekstrem social, do të ishte tepër e thjeshtë, por të paktën në dy nivele është e saktë. Së pari, në Kinë askush nuk i konteston vendimet zyrtare, ndryshe nga Evropa ku nuk mungojnë polemikat dhe protestat.

Së dyti, duhet të marrim parasysh përdorimin e pakufizuar të teknologjisë nga qeveria, me aplikime, kode QR, centralizim të të dhënave, të gjitha mjetet që ishin përdorur gjerësisht nga regjimi për të kontrolluar popullsinë. Covid-19 vetëm e përforcoi këtë tendencë, sërish pa mundësinë e një debati.

Por siç e thamë, autoritarizmi nuk është një shpjegim i mjaftueshëm. Sot, shteti kinez ka aftësinë për t’i zbatuar vendimet e tij. Eshtë ndryshimi midis fillimit të epidemisë në Vuhan, me zonat e saj gri dhe dështimet, dhe veprimi i centralizuar i partisë duke filluar nga fundi i janarit, i cili nxori në pah fuqinë e plotë të qeverisë.

Çështja është politike kudo, në demokraci si dhe në shtetet autoritare. Zgjidhja nuk vjen nga zgjedhjet apo nga debatet mediatike. Në lojë është prishja e kontratës sociale (ose e mandatit qiellor, siç e quanin dikur) dhe një gabim mund t’u kushtojë liderëve karriken, edhe nëse nuk zgjidhen në mënyrë demokratike.

Por ndikimi gjeopolitik i pandemisë duhet të merret gjithashtu në konsideratë. Përsëri këtu përballemi me një paradoks: Imazhi ndërkombëtar i Kinës është dëmtuar qartazi, për shkak të menaxhimit fillestar të epidemisë, por edhe prej një diplomacie shumë agresive dhe sjelljes së qeverisë ndaj Ujgurëve, si dhe popullit të Hong Kongut.

Megjithatë Kina paraqitet si një model menaxhimi për covid-19, në ndryshim nga katastrofa që po zhvillohet në Shtetet e Bashkuara dhe Evropë. Eshtë një mesazh që padyshim është drejtuar më shumë popullsisë kineze, sesa pjesës tjetër të botës. Sidoqoftë, “modeli kinez” po fiton terren dhe udhëheqësit e Pekinit duan të besojnë se koha e tyre ka ardhur. Dobësia jonë është sigurisht forca e tyre. / France Inter – Bota.al

Baze: “Komisioni i Venecias”, gënjeshtra e re e Bashës

Lulzim Basha e ka gjithnjë një talent për t’i lënë të presin njerëzit që duan të dinë prej tij, se çfarë duhet të bëjnë.

Kur bojkotoi zgjedhjet e 30 qershorit për pushtetin lokal, nga frika se mos kandidatët iknin në partitë e tjera, e sidomos tek “Bindja Demokratike”, i mbante me gënjeshtra. Një prej tyre ishte se do arrihet marrëveshje me Edi Ramën në minutat e fundit si më 2017. Dhe ata prisnin.

Kur durimi i tyre soste, u tregonte një përrallë tjetër. “Një gjerman do telefonojë Ramën nesër. Ke për të parë si do tërhiqet”.

As kjo nuk ndodhte, por ai vazhdonte.

U tregonte se me një telefon nga SHBA, Rama do tërhiqet dhe zgjedhjet do shtyhen. Nuk ndodhi asgjë. Përkundrazi nga SHBA dhe BE kërkuan që shqiptarët të marrin pjesë në zgjedhje dhe dënuan bojkotin.

Por Basha nuk u tërhoq.

Menjeherë filloi episodin e dytë pas zgjedhjeve. U tha se në vjeshtë do të ketë zgjedhje lokale, pasi do të përsëriten. “Rama u ka kërkuar dorëheqjen kryetarëve se ja ka kërkuar si kusht Bundestagu”.

Iku dhe vjeshta.

Në pranverë u tha se në vjeshtë të vitit 2020 do ketë zgjedhje lokale dhe parlamentare bashkë, ndaj nuk u bënë në vjeshtën që shkoi. Ata prisnin. Madje filluan të nxjerrin dhe kandidatë për kryetarë bashkish në raundin e parë.

Mbaroi pranvera dhe Basha u ul me Damian Gjiknurin. Bëri Kodin e ri për zgjedhjet parlamentare të vitit 2021. Kandidatët për kryetarë bashkie u zhgënjyen. Ata për deputetë vazhduan garën. Aleatët e tij që kanë vite që shkojnë pas Bashës, ja kanë harruar dhe vetë emrin partisë së tyre dhe tani shpresojnë tek Basha.

Tani të gjithë duan të dinë se në çfarë liste do jenë, me kë do bëjnë koalicion, sa shanse kanë etj., pasi tani Kodi u miratua përfundimisht në Parlament.

Por Basha është i pamposhtur. Ka nxjerrë prap një gënjeshtër të re. Sot ka nxjerrë publikisht dhe Bylykbashin ta argumentojë gënjeshtrën me Komisionin e Venecias. Ai thotë se Kodi mund të ndryshoj një ditë para 17 Shkurtit, që është dita e fundit e regjistrimit të partive dhe individëve në zgjedhje.

Komisioni i Venecias sipas thashethemeve të Bashës, “do ta ndryshojë Kodin, pasi ka folur Ilir Meta me një mik aty”. Pastaj një ditë para 17 shkurtit do kemi Kod të ri.

Ideja është që do flasim ditën e fundit për listën jo tani.

Dhe ata natyrisht presin përsëri. Arsyeja është shumë e qartë. Deri më 17 Shkurt ai do t’i gënjejë, se ndryshe i ikin me katër partitë e reja që kanë dalë nga PD, ose me LSI. Ja Klevesi i nisi negociatat që sot, se ai nuk pret më “Venecian”.

Gënjeshtra e fundit mund të ishte një gjë dhe më e besueshme, por ai i ka rënë shkurt. Nuk ka gjetur ndonjë gjë më të besueshme se Komisioni i Venecias, pasi vetëm përmes kësaj gënjeshtre, mund t’i bindë të presin deri më 17 shkurt në mesnatë kur të dorëzojë listën. Pastaj pasi digjen afatet, ata s’kanë ku të shkojnë më.

Kaq është gjithë kjo historia e re me Komisionin e Venecias. Është gënjeshtër me afat skadence 17 shkurtin. Kush nuk ka ndonjë alterntivë tjetër le ta besojë, se argëtim është, edhe kur e di që po të gënjen dhe ti bën sikur e beson.

Emigrantët mund të votojnë në zgjedhje? KQZ ngre grupin e punës

Komisioneri Shteteror i Zgjedhjeve, Ilirjan Celibashi ka ngritur grupin e punës lidhur me mundësinë e votimit nga jashtë, për zgjedhjet për Kuvend të datës 25 Prill 2021.

Komisioni Qendror Zgjedhor ka publikuar sot edhe listën emërore të anëtarëve të këtij grupi pune.

Olsian Çela i kërkoi ILD-së ta hetojë, prokurori: Ka firmosur pa lexuar fare

Prokurori i Pogradecit, Shkëlqim Kokona ka bërë një reagim zyrtar pasi kryeprokurori i përgjithshëm, Olsian Çela i kërkoi ILD-së hetim të tij për shkelje disiplinore.

Shkëlqim Kokona thotë se prej 5 vitesh e kanë syrgjynosur në Pogradec teksa prej 40 vitesh i shërben shtetit shqiptar ndërsa ky është viti i fundit që del në pension pleqërie.

Ai thotë se dokumeni i firmosur për hetim, Olsian Çela nuk e ka parë fare si dhe e cilëson si një aferë kriminale.

Për më tepër ai akuzon një avokat për këtë hetim si dhe i kërkon kreut të ILD, Artur Metani të veprojë me ekzigjencë.

REAGIMI I PROKURORIT SHKËLQIM KOKONA

Jam prej 40 vjetësh që i shërbeje shtetit shqiptar dhe jam në vitin e fundit për të dalë në pension pleqërie. Kam një karrierë të suksesshme dhe modeste në Drejtësi.

Jam prej 5 vitesh për shkak të dy të sëmurëve mendor ish-presidentit dhe ish-prokurorit të Përgjithshëm, njëri pas strokut dhe tjetri me diagnozë epilepsi ose idiotësi, i syrgjynosur në Pogrdec.

Inkurajoj prokurorin e përgjithshëm në kryerjen e detyrën me ekzigjencë për rastin tim. Me bindje them se materialin e ka firmosur pa e lexuar fare për shkak të ngarkesës që ka.

E gjitha është aferë kriminale e Prokurorit të Prokurorisë së Përgjithshme që ka përgatitur materialin dhe Venusit’ të Sigurimit të Shtetit dhe aktualisht anëtari i KLP-së dhe Avokatit ‘mikut tim’ Sanxhakut. Ky person është edhe kreu i krimit të organizuar në Drejtësi. Për 30 vjet ka manipuluar duke nxjerrë nga burgu vrasës dhe kriminele duke bërë rolin e sekserit për të gjithë ish-gjyqtarë e lartë dhe për prokurorët e përjashtuar nga Vettingu.

I bëj thirrje shefit të SPAKU- të tërheqë si bashkëpunëtor të Drejtësisë z.Sanxhakun që të zbardhe të vërtetën e krimit të organizuar në Drejtësi dhe të realizojë premtimin që kryeministri i ka dhënë popullit për prangosjen e prokurorëve dhe gjyqtarëve të implikuar në korrupsion.

Pogradeci është lagje e Tiranës dhe Sanaxhaku ka klanin e tij me të cilin kontrollon gjithçka dhe vendos për gjithëçka. 3 muajt e fundit një ish-klient i tij ka lyer duart me gjak me uniformat e policisë së Shteti Shqiptar është arrestuar nga unë.

Kjo është shumë e rëndë për shtetin dhe prandaj po reagoj. I bëj thirrje z.Artur Metanit të veprojë me ekzigjencë dhe ‘mos lërë kusur’ pa më bërë mua.

Studentët depozitojnë kërkesat në Ministrinë e Arsimit

Publikohet kërkesa që studentët i kanë drejtuar sot ministres së Shëndetësisë, Ogerta Manastirliu.

Studentët i kerkojnë ministres Manastirliu kthim të paktën pjesërisht nëpër auditore. Po ashtu ata kërkojnë përgjysmim tarifash dhe rimbursim kostosh.

Që prej mënjgesit të sotëm, studentët po protestojnë para Ministrisë së Arsimit, aty ku edhe bllokuan rrugën.

Holanda skeptike për plotësimin e kushteve të BE, Balla: Këndvështrimet nuk i parashikojmë dot

Kreu i grupit parlamentar socialise, Taulant Balla ka folur për ‘skepticizmin’ e Holandës për Konferencën e parë Ndërqeveritare dhe plotësimin e kushteve të BE nga Shqipëria.

Balla zbulon se në video-konferencën online me përfaqësuesit e parlamentit holandez pak ditë më parë ka pasur vlerësimet për plotësimin e parakushteve nga Shqipëria.

Po ashtu ai shton se Shqipëria i ka bërë detyrat e veta dhe se këtë e vërteton dokumenti zyrtar i KE që e konfirmoi këtë fakt.

Ndërkohë, Balla kërkon që fushata zgjedhore e vendeve anëtare të BE mos lidhet me aspiratat e vendeve që duan integrimin në BE ndërkohë që kanë plotësuar kushtet. Ai kujton se në 2021 Holanda mban zgjedhje në mars, Franca zgjedhje rajonale në maj teksa Gjermania në shtator , por nga ana tjetër ai shprehet se është shumë më tepër optimist se hera tjetër.

Nesër Holanda ‘shtron’ në parlament çështjen e Shqipërisë teksa në një dokument zyrtar të qeverisë thuhet se rezultatet e KE për plotësimin e kushteve është jobindës.

‘’Presidenca gjermane që përfundon në 31 dhjetor ka objektivat e veta për Konferencat Ndërqeveritare.

Sa i përket vlerësimit, vlerësimi i vetëm zyrtar ësthë ai i KE, që paguhet nga taksapaguesit europiane për një fotografim korrekt të parakushteve, për ato që Shqipëria e Maqedonia kanë pasur nga Këshilli Europian në mars.

KE sikurse të gjithë jeni në dijeni, ka vlerësuar se Shqipëria i ka përmbushur parakushtet. Nuk dua të hyj në polemikë, kam pasur me kolegë të tjerë deputetë shqiptarë dhe përfaqësuesë një video-konferencë online. me parlamentin holandez, me Komitetin për Çështjet Europiane.

Edhe nga kolegët nga ana e Holandës kemi marrë vlerësimet për arritjen dhe parakushteve deri në momentin që flasim. Nëse hyjmë në çështje që s’kanë lidhje me Shqiëpri, por kur hymë tek temat e zgjerimit do thoja që ju e dini që në mars mos gaboj janë në zgjedhjet në Holandë, në maj rajonalet në Francë, në shtator në Gjermani, ajo që unë shpresoj është që vendet anëtare të BE s’duhet që fushata e tyre zgjedhore të mos i lidhin me aspiratat e vendeve që kanë plotësuar kushtet.

Konferenca e Parë Ndërqeveritare ul për herë të parë qeverinë shqiptare me kolegjin e komisionerëve europianë. Unë e kam thënë shpeshherë, jam optimist, kësaj radhe jam shumë herë optimist. Shqipëria i ka bërë detyrat e veta, këndvështrimet dhe kontekstet nuk i parashikojmë dot.”-tha Balla.

Angazhimi i ri në politikë, Jozefina Topalli sot në 21:00 në ‘Real Story’

Pak ditë pasi lancoi partinë e re, e të shumë debatuar, “Lëvizja për Ndryshim”, Jozefina Topalli, vjen sot në emisionin ‘Real Story’ në 21:00 përballë gazetarit Sokol Balla.

Përse vendosi të krijojë partinë e re vetëm 6 muaj para zgjedhjeve parlamentare të 25 prillit.

Si i përgjigjet akuzave se po i shërben kryeministrit Rama me partinë e saj.

Kush është krah saj në këtë nismë të re politike?

Për të gjitha, Jozefina Topalli do të rrëfehet sot në 21:00 në ‘Real Story’, në News24.

Rama në Ministerialin e Ballkanit: Shoqëria digjitale, sfida e shekullit!

Kryeministri Edi Rama mori pjesë në Ministerialin Digjital të Ballkanit Perëndimor, që po zhvillohet si eventi përmbyllës i Samitit të tretë Digjital, ndërsa realizohet në kuadër të Procesit të Berlinit.

Në fjalën e tij, kreu i qeverisë shqiptare tha se në këtë ministerial do të nënshkruhen dy memorandume, që ndihmojnë në ndërlidhjen e mëtejshme të rajonit.

Mes të tjerash, kryeministri theksoi se “Shoqëria digjitale është sfida më e madhe e këtij shekulli, e po kështu është edhe instrumenti më i jashtëzakonshëm për të ngritur një mjedis, ku njerëzit të mund të jetojnë një hapësirë të ndryshme të lirisë, barazisë, përgjegjësisë”.

“Në këtë vit, i cili është shënjuar nga rregulla të pakëndshme, por të nevojshme, rregulla të reja të imponuara nga pandemia. Do të doja të theksoja se fakti që jemi në gjendje ta zhvillojmë në këtë format samitin është një shembull i asaj se sa shumë kemi ecur përpara në fushën e digjitalizimit. Jo shumë vjet më parë ky ndërveprim do të kishte qenë i pamundur. Gjatë këtyre kohëve, e po kështu gjatë këtyre ditëve, është bërë mjaft e qartë se ky samit digjital nuk është thjesht një samit si gjithë të tjerët apo thjesht një eveniment në kalendarin tonë, por është pjesë e një procesi të vazhdueshëm të pandalshëm, që përqendrohet te lidhja mes qytetarëve tanë e midis vendeve tona.

Tani që flasim jam i sigurt që jetojmë në një moment përcaktues për të ardhmen tonë, në shumë aspekte, por sigurisht jemi këtu për aspektin digjital, e nuk ka dyshim që digjitalja është absolutisht njëri prej aspekteve kyçe të rrugës sonë për të ecur përpara. Programi digjital karakterizohet nga përmasa që lidhen mjaft me talentin, imagjinatën, nismat e inovacionin, duke përfshirë një spektër të gjerë qytetarësh, pavarësisht nga profesionet. Shoqëria digjitale është sfida më e madhe e këtij shekulli, e po kështu është edhe instrumenti më i jashtëzakonshëm për të ngritur një mjedis, ku njerëzit të mund të jetojnë një hapësirë të ndryshme të lirisë, barazisë, përgjegjësisë. Nga ana tjetër, është edhe aspekti i shoqërisë, që përballet me kërcënimet e shumta të panjohura të këtij përparimi. I jam mirënjohës qeverisë gjermane, që ishte e gatshme të ndihmonte këtë samit, qoftë në fazën përgatitore, e po kështu gjatë seancave të punës. Më është thënë që ka shumë gjëra që do vijnë si rezultat i angazhimit të ndërmarrë me këtë rast, sidomos dy memorandumet e mirëkuptimit që do të nënshkruhen, njëri për transmetimin digjital mes rajonit dhe tjetri për ndërlidhjet e rajonit”, tha Rama.

Covid-19 zbuloi dobësitë e Europës

Kur goditi pandemia, shumë vende ishin të përgatitura keq. Ndërsa tani ka go ditur një valë e dytë, çfarë kanë mësuar këto vende nga vendimet e tyre të mëparshme, pyet gazeta e njohur britanike ”The Financial Times”, në një shkrim të përgatitur nga një grup gazetarësh.

A mund të ishte kursyer bota dhe a mund të ishte shmangur katastrofa? Për shumë europianë momenti që koronavirusi mbërriti në kontinentin e tyre ishte 23 shkurti, kur autoritetet italiane karantinuan 10 qytete të vogla në juglindje të Milanos. Ata panë që karabinierët bll okuan banorët brenda lagjeve të tyre të infektuara. Sidoqoftë, pak prej tyre kishin imagjinuar se lloji i kontrolleve drakoniane të vendosura nga Kina në Wuhan do të ishte i nevojshëm ose me të vërtetë i realizueshëm në një demokraci europiane.

Bllokimi i “zonës së kuqe” të Lombardisë duhej të kishte god itur çdo lloj vetëkënaqësie. E megjithatë u deshën edhe dy deri tre javë që qeveritë në të gjithë kontinentin të vlerësonin shkallën e infeksionit në vendet e tyre dhe të merrnin masa gjithëpërfshirëse për ta kontrolluar atë. Disa vende e përballuan në mënyrë të admirueshme valën e parë – ose patën fatin e ekspozimit minimal ndaj virusit.

Të tjerat u penguan nga gatishmëria e dobët, lidershipi i pavendosur dhe mosmarrëveshjet midis qeverive qendrore, rajonale dhe lokale. Kombet grindeshin dhe dështuan të mësonin nga njëri-tjetri. Vetë BE u lëkund nën këtë ten sion. Europën vazhdon ende ta mundojë trajtimi i kësaj pandemie, ndërsa një valë e dytë përp laset mbi kontinentin.

Mësimi on line, studentët ngrihen në protestë

Studentët në të gjithë vendin që nga sot nisin vitin e ri akademik on line janë ngritur në protesë për masat e marra nga qeveria. Ata janë mbledhur që në orët e para të mëngjesit përpara Ministrisë së Arsimit.

Studentët pretendojnë se jo të gjithë kanë mundësi të sigurojnë pajisje teknologjike për zhvillimin e mësimit online dhe kërkojnë kthim në auditore, të paktën për seminaret. Në mbështetje të tyre i janë bashkuar protestës edhe disa pedagogë.

Policia ndërkohë i bën thirrje për tu shpërndarë pasi sipas masave të marra për shkak të pandemisë, grumbullimet nuk lejohen. “Policia do të zbatojë ligjin”, bëjnë thirrje blutë e kryeqytetit me megafon.

Mes studentëve dhe policisë nuk munguan as tensionet, teksa protestuesit vendosën më pas të bllokojnë rrugën.