Author: albi

Presidenti i Republikës, Ilir Meta bëri sot homazhe në Muzeun Historik Kombëtar për ndarjen nga jeta të artistit të shquar, valltarit simbol të Ansamblit Shtetëror të Këngëve dhe Valleve Popullore, Besim Zekthi, të vlerësuar me Dekoratën e lartë “Nder i Kombit”.

President Meta, pasi vendosi një kurorë me lule dhe u shprehu ngushëllimet më të tjera anëtarëve të familjes Zekthi dhe të afërmve, kolegëve e bashkëpunëtorëve, vuri në dukje:

“Është padyshim një moment trishtues t’i japim sot lamtumirën e fundit ‘Kryeshqiponjës së madhe të valles shqipe” për gati gjashtë dekada, këtij kryesimboli jo vetëm të kulturës, por edhe të krenarisë e identitetit kombëtar, të cilin gjithmonë do ta kujtojmë për krenarinë, dinjitetin dhe shkëlqimin e jashtëzakonshëm që i dha popullit dhe kombit të tij në skenat më të njohura europiane e botërore, edhe në momentet më të errëta të izolimit të Shqipërisë.

Vepra dhe kujtimi i tij do të jenë të përjetshëm!

Shpreh ngushëllimet më të sinqerta jo vetëm për familjen Zekthi, por edhe për të gjithë artistët e ato gjenerata që punuan e bashkëpunuan me të në Ansamblin e Këngëve dhe Valleve tona Popullore!

Njëkohësisht inkurajoj artistët e rinj të frymëzohen nga personaliteti që i madhi Besim Zekthi krijoi për të çuar më tej gjithçka që ai arriti me aq pasion dhe sakrifica në skenë!

Dua të theksoj se kujtimi më i mirë i Besim Zekthit, por dhe i të gjithë personaliteteve si ai, është të ruajmë trashëgiminë tonë kulturore, të jemi krenarë për përkatësinë tonë shqiptare dhe të forcojmë identitetin kombëtar. Kjo është rruga më e shpejtë edhe për t’u integruar si të barabartë në familjen europiane.”

Një person mësohet se i ka shpëtuar një atentati ditë ne sotme. Ngjarja ka ndodhur në fshtin Vukatan në Shkodërt, mesditën e sotme.

Mësohet se dy persona, mes tyre një femër e veshur me bluzë të bardhë, kanë qëlluar me armë zjarri, nga një motor i llojit “Papaq”, në drejtim të një mjeti, brenda të cilit ndodhet një person.

Ky i fundit, ka shpëtuar pasi asnjë nga plumbat nuk e ka kapur. Policia ndodhet në vendin e ngjarjes dhe po heton në lidhje me rrethanat e atentatit.

Shkodër/Informacion paraprak

Më datë 29.06.2020, rreth orës 12:30, në rrugën e fshatit Vukatanë, Shkodër, në rrethana ende të paqarta është qëlluar me armë zjarri në drejtim të mjetit tip “Hyundai”, me drejtues shtetasin F. H. 30 vjeç, banues në fshatin Dobraç, Shkodër. Nga të shtënat nuk ka asnjë person të lënduar.

Menjëherë në vendngjarje kanë shkuar shërbimet e Policisë dhe grupi hetimor.

Si rezultat e veprimeve të shpejta janë shoqëruar disa persona dhe dyshohet se mes tyre mund të jenë edhe autorët e ngjarjes.

Vijon krehja e zonës dhe grupi hetimor po vijon punën për fiksimin e çdo prove që mund të shërbejë për sqarimin e rrethanave të ngjarjes dhe identifikimin e autorëve.

Ministria e Arsimit ka vendosur që viti i ri shkollor 2020-2021 të nisë më datë 14 shtator.

Cikli 9-vjeçar do t’i përfundojë studimet më 8 qershor 2021 ndërsa nxënësit e klasave të nënta do të japin provimet e lirimit nga 9 qershori deri në 30 qershor 2021.

Edhe shkollat e mesme do ta fillojnë mësimin në 14 shtator 2020, por do ta përfundojnë më 15 qershor.

Matura do t’i japë provimet në periudhën 2 qershor – 30 qershor 2021.

Ambasadorja e SHBA-ve, Yuri Kim, ishte e pranishme gjatë prezantimit të indeksit së biznesit për 2019 nga Dhoma amerikane.

Në fjalën e saj Yuri Kim  i bëri thirrje politikës shqiptarë të lërë lojërat e fajit por të punojnë për të mirën e popullit. “Shqiptarët janë të lodhur nga politika. Duan zgjidhe, jo të vazhdohet me një lojë faji, duan që udhëheqësit të punojnë së bashku për të mirën e popullit”, tha ndër të tjera ambasadorja Yuri Kim.

“Jam sot këtu për të thënë se rritja e mundësive të biznesit mes SHBA dhe Shqipërisë është një nga prioritetet e mia. Anketimet tregojnë rënie në klimën e biznesit, ka qenë një vit i vështirë, pasi veç tërmetit ka qenë edhe situata e COVID 19. Po ashtu në këtë përkeqësim ka ndikuar edhe klima politike, konkurrenca e pandershme dhe korrupsioni. Vërehet se ka rënie të investimeve amerikane”,- tha ajo.

Duke iu drejtuar politikanëve, Kim vazhdoi: “Në vend që të caktojmë se kush e ka fajin për problemet që ekzistojnë, shpresojnë që autoriteti i biznesit t’i rishikojë këto. Jam kureshtare të di cili është vizioni i Dhomës Amerikane në këtë situatë të vështirë, si mund të krijohen vende të reja pune, si do thithen investitorët. Shqiptarët janë të lodhur nga politika. Duan zgjidhe, jo të vazhdohet me një lojë faji, duan që udhëheqësit të punojnë së bashku për të mirën e popullit. Duan të kenë shanse, mundësi dhe jo korrupsion, mundësi që t’ju japin një të ardhme më të mirë fëmijëve të tyre. I sfidoj të gjithë në qeveri apo jo, në biznes që ta marrin parasysh këtë raport që të ndryshoni, të të ecni përpara. Populli do rezultat, vizon jo ofendime. Besoj që udhëheqësit shqiptarë janë të aftë në këtë sfidë. SHBA do jenë të gatshme t’ju mbështesin”, përfundoi Yuri Kim.

Ambasadorja amerikane ne vendin tone, Yuri Kim ka zhvilluar sot nje takim pune me Kryetarin e Kuvendit, Gramoz Ruçi.

Ambasadorja i ka shkuar Rucit ne zyre dhe ne qender te bisedes ka qene ecuria e reformës në drejtësi, Reformës Zgjedhore dhe përshpejtimi i plotësimit dhe bërjes funksionale sa më shpejt të Gjykatës Kushtetuese dhe Gjykatës së Lartë.

Mesohet se kryetari i Kuvendit, vuri në dukje se Kuvendi është maksimalisht i ngazhuar për suksesin e reformës në drejtësi, të reformës zgjedhore dhe realizimin e pritshmërive të qytetarëve shqiptarë, si kushte thelbësore për të nxitur e mbështetur progresin e Shqipërisë, konsolidimin e demokracisë dhe zhvillimin e vendit.

Gjithashtu takimi vjen në të njëjtën ditë kur presidenti Meta i ka dërguar një letër Ruçit për t’u takuar ditën e sotme pikërisht për të folur për plotësimin e vakancave në Kushtetuese dhe adresuar të gjitha rekomandimet e Venecias.

Yuri Kim është takuar ditë më parë edhe me ministren e Drejtësisë Etilda Gjonaj dhe ministrin e Brendshëm Sandër Lleshaj, pikërisht që reforma në drejtësu të ecë para dhe të ketë një zbatim sa më të mirë.