A do lehtësohet lëvizja me Greqinë? Lleshaj: Do të ndjekim kurbën në propocion me masat

Lehtësimi i lëvizjes do të ndjekë kurbën. Kështu deklaroi ministri i Brendshëm Sandër Lleshaj sa i përket situatës dhe masave për parandalimin e përhapjes së koronavirusit.

Duke iu përgjigjur pyetjes nëse do ketë lehtësim të lëvizjes me Greqinë si një nga vendet kufitare ku ka dhe një numër të madh shqiptarësh, Lleshaj tha në “Real Story” në News24 se kjo do të ndodhë edhe me një sinkronizim ndërkombëtar.

“Nëse ka një entitet të interesuar për lehtësimin e lëvizjes është qeveria. Çdo sekondë pengese është kosto e madhe për ekonominë dhe për jetën sociale të vendit. Qeveria lutet që një orë e më parë të ketë mundësi për të lehtësuar. lehtësimi do ndjekë kurbën. Radha logjike për hapjen e kufijve vjen në një moment të mëtejshëm kur të sinkronizohet në një nivel ndërkombëtar. Na duhet pak durim. Duruam një muaj, le të durojmë dhe pak, shpresojmë pak sepse nuk mund të them sa, nuk e bëj dot orakullin”, deklaroi Lleshaj.

COVID-19 mbyll kufijtë, Ministri Brendshëm: Kush është rezident në Greqi, nuk mund të vijë në Shqipëri

Në një kohë kur të paktën 20 shtetas shqiptarë janë bllokuar në territorin neutral mes Greqisë dhe shtetit tonë, për shkak të mbylljes së kufirit në kuadër të masave kundër COVID, vjen një deklaratë nga ministri i Brendshëm Sandër Lleshaj.

Në një intervistë për emisionin ‘Real Story’ në ‘News24’ ai theksoi se duke marrë shkas nga situata në fjalë, një ndër masat ndaluese, është ndalimi i lirisë së lëvizjes. Sipas tij hapja e kufirit do të vinte në rrezik sakrificën e shqiptarëve brenda territorit tonë, dhe gjithçka mund të shkonte dëm.

Lleshaj tha se personat që janë rezident në Greqi, nuk do të lejohen kategorikisht që të hyjnë në vendin tonë, deri në kalimin e kësaj situate. Ministri bëri të qartë faktin se personat që janë bllokuar në Greqi për shkak të COVID dhe jetojnë në Shqipëri, mund të futen në vendin tonë, përmes kërkesave në konsullatë, dhe më pas do kryejnë karantinën e detyrueshme për 14 ditë.

“Qytetarët që shihni dhe ju në atë video, kanë një leje qëndrimi në Greqi. Ndoshta janë të painformuar ose keq informuar por jetojmë në një situatë të jashtëzakonshme dhe shumë prej rregullave të zakonshme. S’janë më në fuqi. Një ndër ndalesat, është ndalimi i lirisë së lëvizjes. Një shqiptar nuk duhet të vdes, por të sillet në mënyrë të përgjegjshme. Qeveri të ndryshme kanë zbatuar rregulla të ndryshme. Shqipëria po zbaton këtë rregull karantinimi. Lejohen vetëm shoferët. Të tjerët duhet të qëndrojnë atje ku janë për momentin. Edhe qytetarë nga Italia, mund të kenë dëshirën dhe nevojën që të kalojnë në fshat pranë prindërve të tyre këtë kohë. Qytetarët që kanë një rezidencë të përhershme jashtë Shqipërisë, nuk kanë autorizim për të udhëtuar drejt Shqipërisë, për sa kohë zgjat situata. Qytetarë të tjerë, që i ka kapur situata në vendet e tjera, këta janë një kategori tjetër, që mund të vinë në atdhe. Por duhet të konsultohen me konsullatën. Ata vinë në kufi dhe më pas priten nga policia, ose nisen për në vetëkarantinim ose në karantina të caktuara. Autoritetet shqiptare janë të ndërgjegjshme për sensibilitetin e problemit, por në këto rrethana prevalon jeta e qytetarëve në tërësinë e saj. Dhe ne s’mund të lejojmë që për arsyeje të paarsyeshme të rriskojmë qytetarët këtu. Kushdo që ka një leje qëndrimi të përhershme, supozohet se në atë vend ka një vend qëndrimi. Personat ë nuk kanë rezidencë në Greqi, do të futen në karantinë në Shqipëri. E them me keqardhje, se kjo është situatë që vetë gjëra të hidhura kemi. S’kemi mundësi që të bëjmë eksperiment. Kemi sakrifikuar qytetarët tanë me këto masa.”, tha ai.

Boris Johnson në terapi intensive nga #Covid19, Sandër Lleshaj: Rasti tregon se situata nuk është shaka

Ministri i Brendshëm Sandër Lleshaj, i ftuar në emisionin “Real Story” në “News 24”, i informuar për faktin se kryeministri britanik Boris Johnson është shtruar në terapi intensive, pasi është testuar pozitiv me Covid-19, tha se ngjarja tregon se situata nuk është aspak shaka.

Lleshaj thekoi se koronavirusi është një pandemi botërore, që prek edhe shqiptarët, ndaj vlerësimi duhet të jetë korrekt dhe i qartë.

“Rasti Boris Johnson tregon se ky virus nuk është shaka. Kjo është situatë problematike dhe duhet vlerësim i madh e i qartë”, tha Lleshaj.

I pyetur nëse Shkodra si qytet a mund të izolohet apo të karantinohet, Lleshaj u shpreh se kjo varet nga fakti sesi rrjedhin ngjarjet.

“Karantinimi është praktikë e vjetër, që në mesjetë dhe janë zhvilluar praktika të qarta si ndodh karantina. Nëse situata do agravojë, në varësi të situatës, do jenë edhe masat.

Në varësi të situatës, do aplikohet pra në funksion të ngjarjes në terren. Por, shpresoj që do jemi në gjendje ta frenojmë situatën në Shkodër si kudo. Situata po ecën më mirë së fundmi”, vlerësoi Lleshaj.

Sandër Lleshaj: Gjendja në Shkodër serioze, nuk e di çfarë ka bërë Kryetarja e Bashkisë

Ministri i Brendshëm Sandër Lleshaj deklaroi në “Real Story” në Neës24 se gjendja në Shkodër është serioze sepse ka pasur një shpërthim jashtë tendencës kombëtare të koronavirusit.

Duke iu referuar rritjes së rasteve me COVID-19, Lleshaj bëri përgjegjëse kryetaren e Bashkisë Shkodër për mosmarrjen e masave për tregjet dhe orientimin e qytetarëve.

“Qytetarët kanë nevojë për orientim. Autoritetet vendore do ta bëjnë detyrën në përputhje me orientimet e marra. Nëse ka raste si të Shkodrës sigurisht që do ndërhyjmë. Vajtja ime ishte për të parë riformatimin e tregjeve a janë në kushtet e duhura dhe fatkeqësisht nuk ishin. Ne i kemi lënë hapësirën dhe kohën që qeveria vendore të bëjë atë që i takon.
Nuk e di se çfarë ka bërë kryetarja e bashkisë Shkodër për frenimin dhe parandalimin e përhapjes së kësaj pandemie, ende nuk e di çfarë ka bërë. Gjendja në Shkodër është serioze sepse kemi pasur një shpërthim jashtë tendencën kombëtare të koronavirusit.

E vetmja gjë që na shqetëson për momentin është vendosja e një bashkëpunimi real në funksion të uljes së këtij rreziku. Ne jemi të detyruar nga ligji të ofrojmë mbështetje, ashtu si kryetarja e bashkisë Shkodër që është e detyruar të bashkëpunojë”, deklaroi Lleshaj.

Ai tha se sot nuk ka arsye për t’u marrë me ping-pong politik e gjëra të vogla. “Duhet të rregullohet gjendja. I kemi përcjellë një afat përmes prefektit, përndryshe do ta mbyllim. Supozohet që bashkia të jetë promotor i këtyre gjërave. Nuk merret bashkia me politikat e testimit. Bashkia merret me tregtimin në rrugë”, u shpreh Lleshaj.

“Disa tregje në Shkodër si në Kandahar”, Lleshaj: Në qytetin verior ka pazare në rrugë, do të marrim masa

Ministri i Brendshëm Sandër Lleshaj duke folur në emisionin “Real Story” në “News 24”, teksa u pyet se përse ai dhe qeveria kanë pasur fokus në Shkodër, deklaroi se janë parë tregjet në qytet, shumë prej të cilave i ka konsideruar “skandaloze”.

Lleshaj tha se do të shihet situata për të ndërhyrë në këto tregje, që ngjajnë tepër keq, në mes të rrugës.

“Unë do thosha se fokusi i qeverisë është drejtuar drejt Shkodrës, edhe sepse në Shkodër ka raste të shumta me koronavirus. Këto janë edhe pasojë e faktit se autoritetet atje nuk menaxhojnë situatën sic duhet. Ne kemi shkuar sot në Shkodër për të koordinuar të gjitha punët për masat që duhen marrë për këtë cështje.

Ne nuk lëmë asnjë përgjegjësi aty ku ajo nuk meriton të jetë. Nëse flasim për Shkodrën, kemi të ashtuquajtura pazare që janë turp t’i shohësh. Ishin si në Kandahar. Këto tregje duhen ndaluar edhe nëse nuk ka koronavirus. Ata tregje nuk duhet të lejohen nga Bashkia Shkodër. Nuk kemi rregulla sic duhet dhe duhet disiplinuar sjellja e qytetarëve. Autoritetet duhet të marrin masa për të mos funksionuar ata tregje, ku shitet peshk e të tjera mallra në rrugë. Kjo nuk mund të lejohet e nuk do lejohet”, tha Lleshaj.

Sandër Lleshaj theksoi se nuk ka asnjë diferencim mes trajtimit të Shkodrës dhe qyteteve të tjera të vendit.

“Nuk ka diferencim në qasje ndërmjet qyteteve. Që të ketë sukses skema, duhet bashkëpunim i të gjithëve. Duhet të bashkëpunojmë me autoritetet qendrore, vendore dhe qytetarët. Nuk ka trajtim ndryshe të Shkodrës. I kemi kushtuar më shumë vëmendje Shkodrës, sepse ka situatën problematike, për gjëra që duhet ti bëjë Bashkia e qytetit.

Kryetari i Bashkisë Tiranë ka ndërhyrë ne tregun makabër të Kombinatit dhe e ka rregulluar. Ndërsa, kryetarja e Bashkisë e Shkodrës nuk ka ndërhyrë në treg. Qytetarët kanë nevojë për drejtim”, u shpreh Lleshaj.

Ndërron jetë 90 vjecari, viktima 22 e virusit

Një pacient 90-vjeçar ka humbur jetën në spitalin infektiv, si pasojë e tromboembolisë pulmonare, duke e çuar kështu në 22 numrin e vdekjeve nga koronavirusi në Shqipëri.

Raportohet se 90-vjeçari ishte i prekur edhe nga COVID19 dhe vuante nga disa sëmundje bashkëshoqëruese (tromboemboli pulmonare, diabet mellitus, hipertension).

Pacienti ndodhej i shtruar prej 5 ditësh në spitalin infektiv në gjendje të rëndë shëndetësore.

Sipas mjekëve që e kanë trajtuar gjatë gjithë kësaj kohe, shkaku i vdekjes së 90-vjeçarit është tronboembolia pulmonare.

Britania në makth, Italia në çlirim, por vdekjet s’kanë mbarim

Britania e Madhe vazhdon që të raportojë shifra të larta të të prekurve dhe të vdekurve nga koronavirusi.

Në shtetin britanik, në orët e fundit kanë ndërruar jetë nga Covid-19, 439 persona.

Në Britani, në total kanë ndërruar jetë nga virusi vdekjeprurës 5373 njerëz.

Po ashtu, në total janë prekur nga koronavirusi në Britaninë e Madhe gjithsej 51 608 njerëz.

Në orët e fundit, janë regjistruar si të infektuar me virusin vdekjeprurës, 3802 persona.

Në mbarë botën, deri tani janë të prekur nga koronavirusi 1 297 704 njerëz, kurse kanë vdekur 71 282 vetë.

Italia vijon sërish me shifra të trishta të viktimave prej koronavirusit, duke vijuar të jetë shteti me më shumë të vdekur.

Në raportin e 24 orëve të fundit, konfirmohet se në shtetin fqinj, kanë gjetur vdekjen 636 persona, duke e çuar në 16.523 numrin total të viktimave.

Të infektuarit e rinj janë 3599, ose 717 më pak se një ditë më parë.

Deri më tani raportohet një numër total i të infektuarish prej 132.547 personash, ose 3599 më shumë se dje.

Ndërkohë shkon në 120 numri i viktimave në radhët e personelit shëndetësor, mes tyre 87 mjekë, 25 infermierë dhe 6 farmacistë.

NEXT POST

Porositen 30.000 teste të reja

Kemi porositur 30 mijë teste të reja”. Ministrja e Shëndetësisë dhe Mbrojtjes Sociale, Ogerta Manastirliu, në një lidhje direkte në Neës 24 u shpreh se janë porositur 30 mijë teste të tjera.

“Kemi porositur 30 mije teste te reja, qe në bashkëpnim me OBSH janë në procedim e sipër, bashkë me fondet e Ministrisë së Shëndetësisë, do te porosisim dhe të tjera”, tha Manastirliu.

Manastirliu i është përgjigjur pyetjes së gazetares për rritjet e numrit të testimeve sipas thirrjes së Partisë Demokratike që sipas saj i referohet OBSH-së.

“Nese nuk do të kishim teste nuk do të bënim teste cdo dite dhe nuk do zbulonim vatra çdo ditë. Fakti që stoku i testeve, tamponëve rritet është tregues që ne nuk kemi probleme. Strategjia e testimit vendoset nga ekspertet. Ne ë përgjigjemi atyre. Gjurmimet epidemiologjike po bëhen sipas standardeve”, deklaroi Manastirliu.

SHBA Tiranës: bashkim dhe disiplinë kundër virusit

Ambasadorja e SHBA-ve në Tiranë Yuri Kim me anë të postimeve në “Twitter” iu ka bërë thirrje liderëve kryesorë politikë në vend, presidentit Meta, kryeministrit Rama dhe kreut opozitar Basha që të tregojnë unitet kundër Covid-19.

Kim shprehet se liderët politikë duhet të jenë të përbashkuar kundër koronavirusit, ndërsa vlerëson se edhe njerëzit duhet të dëshmojnë vigjilencë, nga Shkodra deri në Sarandë.

Postimet e ambasadores së SHBA në Tiranë Yuri Kim:

Presidenti Ilir Meta, kryeministri Edi Rama, lideri i opozitës Lulzim Basha duhet të jenë të unifikuar në këto kohë kundër Covid-19. Tani nuk është koha për politikë si zakonisht.

Nuk mund të fitojmë luftën pa unitet dhe disiplinë nga të gjithë liderët dhe të gjithë njerëzit, nga Shkodra në Sarandë.

Masat e rrepta janë duke u marrë në numër të konsiderueshëm, dhe është normale që të ndiheni të lodhur, por duhet të qëndroni vigjilentë.

Të gjithë ne, përfshirë edhe Ambasadën Amerikane në Tiranë, duhet të vazhdojmë të bëjmë punën tonë për të qenë të gjithë të shëndetshëm.

Adrian Civici: E(koron)omia

Në kuadrin e kësaj situate të jashtëzakonshme që po kalojmë dhe përpjekjeve drastike të vendeve e qevrive të ndryshme në gjithë botën e prekur nga pandemia covid-19, në komunikimin politik, mediatik e social, cdo ditë e më tepër popërdoret shprehja “jemi në luftë përballë një armiku të padukshëm por vdekjeprurës”.

E njëjta gjë po ndodh dhe me analizat dhe debatet ekonomike për të gjetur recetën,dmth, strategjinë e taktikat më të përshtatshme për ta fituar këtë luftë. Në shumë gjuhë të botës, përfshirë dhe shqipen, shprehja “economia di guerra”, “war economy”, “économie de guerre”, “Kriegswirtschaft”, “economía de guerra”, “ekonomia e luftës”, “ратна економија”, “οικονομία πολέμου”, “воена економија”, “háborús gazdaság”, etj., është bërë më se e përditshme.

Në funksion të kësaj situate, po analizohen, propozohen dhe zbatohen masat dhe politikat speciale ekonomike, financiare e sociale. Ose, më e pakta, në gjuhën e politikanëve dhe drejtuesve të lartë të cdo vendi, përfshirë këtu dhe Shqipërinë, të gjitha këto masa po kalojnë në filtrin e logjikës “jemi në luftë”.

Por, krahaj këtij qëndrimi, pothujase të unifikuar në shkallë ndërkombëtare, cdo ditë e më tepër po shfaqet dhe një “filtër” apo këndvështrim tjetër : a jemi vërtet në kushtet e një lufte apo ekonomie lufte, apo këtë rradhë kemi të bëjmë me një gjendje tjetër më specifike që emrin më të afërt ka “ekonomia epidemisë koronavirusit” … a vlen 100% eksperienca historike dhe logjika e ekonomisë së luftës për tja dalë mbanë me sa më pak humbje nga kjo luftë, apo duhet ti referohemi dhe eksperiencave historike të pandemive të kaluara dhe pasojave ekonomike që ato kanë shkaktuar dhe kanë lënë pas? Gjithshka në emër të vlerësimit real të rreziqeve ekonomiko-financiare që na kanosen dhe recetat më të përshtatshme që mund të zbatohen në këtë situatë.

Cështjet më të nxehtë duket se janë: “qëndrimit ndaj rritjes së borxhit publik”, “qëndrimit ndaj biznesit dhe shkallën e ndërhyrjes për ta ndihmuar që të mos i afrohet zonës së nxehtë të mundësisë për falimentim”, “paketa ekonomike për ti mbajtur frymën gjallë apo ndërhyrje energjike për ta mbajtur në formë dhe kushte të favorshme që, menjëherë mbas karantinës, të ketë mundësi të fillojë aktivitetin e tij pothujase normalisht”? Mendoj që në këtë debat dhe në këtë këndvështrim, në kërkim të recetave e zgjidhjeve më eficente duhet të përfshihet më realisht dhe më konkretisht dhe Shqipëria. Paketa e re mbështetëse ekonomike që po merr formë, në kuadrin e “Planit B”, nuk duhet të jetë as minimaliste dhe as lineare në trajtimin e problematikës së biznesit.

Megjithëse shumica e ekonomive të vendeve të prekura nga koronavirusi po shkojnë drejt recesionit dhe humbjet pritet të jenë kolosale, megjithëse papunësia po rritet frikshëm nga dita në ditë, të gjithë janë të bindur në efektshmërinë e masave të karantinës dhe distancimit social si e vetmja mënyrë apo garanci – të paktën deri tani më e vlerësuara dhe më bindësja – për ta përballuar këtë emergjencë dhe për të filluar menjëherë pas saj rringritjen ekonomike. Shtetet, Qeveritë dhe Bankat Qëndrore ndodhen në krye të përballimit të situatës ekonomiko-financiare së jashtëzakonshme.

Një studim i fundit i Fed (Bankës Qëndrore të SHBA), i cili është aktualisht në fokus të shumë debateve e analizave, vlerëson se nëse situatën e sotme e konsiderojmë si “ekonomia e koronavirusit”, dmth, ekonomi në situatë pandemia, shanset për të dalë më shpejt dhe më të “shëndoshë ekonomikisht” nga kjo luftë janë më të mëdha. Duke studiuar disa nga epidemitë më të mëdha që kanë shkundur planetin tonë – murtaja e zezë e shek.XIV-të që vetëm në Europë shkaktoi mbi 20 milion viktima; kolera e shek.XIX-të, apo gripi spanjoll i viteve 1918-1919 – studiuesit amerikanë kanë evidentuar faktin se “efektet e këtyre epidemive kanë lënë pasoja për disa dekada në vazhdim, duke e bërë rringritjen ekonomike më të vështirë se rringritja mbas mbarimit të luftrave, që është më e shpejtë dhe më energjike.

Dy janë dilemat më të mëdha, që sipas logjikës së “ekonomisë së koronavirusit” po marrin përgjigje të ndryshme në raport me logjikën apo metaforën e “ekonomisë së luftës”.

Së pari, “ideja apo bindja se sa më shpejt të dalim nga karantina dhe ta vëmë ekonominë në punë, aq më mirë është”! Përsëri duke ju referuar studimit të Fed, që, gjatë periudhës së gripit spanjoll 1918-1919, ka “krahasuar “sjelljen” e dy qyteteve amerikane, St.Luis që duke zbatuar rigorozisht karantinimin, jo vetëm që pati më pak humbje njerëzore, por e filloi rringritjen ekonomike më shpejt dhe më intensivisht; me Filadelifia-n e cila nuk e trajtoi me seriozitetin e duhur pandeminë duke zbatuar pjesërisht karantinimin dhe distancimin social, dhe për pasojë, jo vetëm që u dëmtua më shumë ekonomikisht, por edhe fazën e rringritjes e pati më të gjatë dhe më pak produktive”. Pak a shumë ky lloj krahasimi duket se vlen dhe për shumë raste të ngjashme të asaj kohe në Spanjë, Francë, Gjermani, Itali, Austri, Hollandë, etj.

Po si duhet “përkthyer” kjo eksperiencë në kushtet e sotme? Shumica e ekonomistëve mendojnë se problemi kryesor është frenimi “që karantina të shndërrohet në një kolaps ekonomik shumë të vështirë për tu kthyer në normalitet”. Që nga ana sociale do të thotë se “duhet vazhduar pa mëdyshje në mbrotjen e pagave të gjithë punonjësve që humbin punën, ruajtjen e një niveli të pranueshëm të konsumit për individët dhe familjet në vështirësi … por mbi të gjitha, vëmendja kryesore duhet drejtuar tek sipërrmarja, te biznesi dhe aktivitetet ekonomike në përgjithësi, për ti furnizuar ato me gjithë likuiditetin e nevojshëm në mënyrë që të mund të paguajnë gjithë detyrimet e tyre dhe eleminimin e cdo mundësie që bizneset të jenë të detyruara të fillojmë në masë ndërprerjen e kontratave të punës me punonjësit e tyre”.

Fillimisht Gjermania, Italia, Franca, Spanja, Britania e Madhe, Greqia, Serbia, dhe së fundmi dhe SHBA, Kanada, Australi, Japoni, Hollanda, Belgjika, etj., po orintohen shumë në këtë drejtim nëpërmjet paketave ekonomiko-financire dhe garancive shtetërore, duke garantuar mbështetje financiare për sipërmarrjen në shifra që shkojnë nga 5 – 25% të PBB të tyre. Mekanizmat janë të shumta e specifike nga njëri vend në tjetrin, por logjika e veprimit dhe objektivat për tu arritur janë të njëjta : gjithshka për ta furnizuar me likuiditetin e nevojshëm biznesin dhe mbajtjen e tij në në një gjendje “stand by”, të gatshëm për të rrifilluar energjikisht aktivitetin menjëherë mbas karantinës … në këto momente, më i sakrifikuari nga të gjithë duket se është “borxhi publik dhe rritja e tij”, por, që në kushtet aktuale, duket se është njëkohësisht dhe shëruesi më i madh. Fjala që po sintetizon më së miri këtë zgjedhje të dhimshme nga pikëpamja e stabilitetit financiar dhe makroekonomik të cdo vendi është “rritja e borxhit publik si recetë tantum”, që do të thotë “një e vetme që përdoret vetëm një herë në situata të jashtëzakonshme”, pra është e pranueshme dhe justifikueshme.

Në Shqipëri, në kuadrin e dilemës dhe debateve “se kur do jetë piku i përhapjes së koronavirusit dhe kur fillon faza rënëse apo zbritëse e tij, po debatojmë po kaq intensivisht edhe për “fillimin e zbutjes së karantinës ekonomike”, dmth, “kur duhet të fillojmë të zbusim masat bllokuese të mjaft bizneseve, sidomos ato të sektoriëve prodhues e shërbimeve”. Duket se duke filluar nga kjo javë, priten disa masa lehtësuese për mjaft aktivitete prodhuese e biznese që mund ti rrikthehen punës, natyrisht duke zbatuar me rigorozitet gjithë arsenalin e masave mbrojtëse dhe distancimin social.

Megjithë presionin e madh të mjaft bizneseve për të rrifilluar aktivitetin e tyre dhe presionin tjetër të “humbjeve të mëdha ekonomike, financiare e sociale që pëson ekonomia dhe buxheti jonë nga cdo ditë bllokimi, mendoj, referuar logjikës së “ekonomisë së koronavirusit”, që të jemi më të kujdesshëm në këtë drejtim. Më mirë të përballojmë edhe 2 apo 3 javë një “cmim më të lartë” buxhetor duke i ndihmuar maksimalisht me likuiditet (apo mundësi e lehtësi të ndryshme aksesi në likuiditet) bizneset për ti mbajtur në gjendje “stand by”, sidomos biznesin e mesëm, të madh dhe korporatat, sidomos ato që kanë nivele të larta punësimi (që vërtet zënë 1.2 përqind të numrit të ndërmarjeve në Shqipëri, por që kanë numrin e të punësuarve me 42.3 përqind të punonjësve në shkallë vendi).

Në këtë rrjet hyjnë fabrikat prodhuese, ndërmarjet e mëdha, minierat, rrjetet e supermarketeve dhe shumë e shumë biznese që kanë në brendësi të tyre nga 50 deri në 5 mijë të punësuar. -, të cilat duhet të jenë në gjendje të rrifillojnë aktivitetin “normalisht” mbas fazës së karantinës, ndërkohë që për të vetëpunësuarit apo biznesin mikro, mbulimi i pagave dhe lehtësimi apo shtyrja e pagesës së disa detyrimeve fiskale të tyre mund të jetë një recetë e vlefshme, që ato të mos dëmtohen rëndë nga kjo situatë dhe të jenë në gjendje të rrifillojnë aktivitetin kur ta lejojë situata sanitare shëndetësore, dmth, kur të bindemi se kurba e përhapjes së koronavirusit është në zbritje të qëndrueshme.