Ftesa kuqezi, Kumbulla: Reja më emocionoi, ndjek shembullin Chielini

Në konferencën për shtyp nga resorti ku është grumbulluar ekipi kombëtar, ka dalë në konfernecë për shtyp, veç Keidi Bares, dhe mbrojtësi Marash Kumbulla. Talenti i ri i kuqezinjve, ka folur fillimisht për aventurën në Itali me Hellas Verona në Serie A, duke u shprehur se shpreson të ketë hapësira për të luajtur. “Më Veronën nuk kam patur shumë hapësira, por me trajnerin e ri janë shtuar. Uroj të luajë gjithë kampionatin. Unë mendoj për ekipin aktual dhe për të dhënë maksimumin. Më shumë më pëlqen Kielini”, ka thënë Kumbulla.

Ftesa në kombëtare e ka emocionuar, ndërsa tregon se synimi i grupit në dy ndeshjet e ardhshme është marrja e sa më shumë pikëve. “Isha shumë i emocionuar me Kombëtaren. E mendoja se do luaja me U-21, por isha i lumtur kur më thiri Edi Reja. Skuadra më duket mirë, se ka eksperiencë. Shpresojmë të marrim sa më shumë pikë në këto dy ndeshje”, shprehet mbrojtësi.

Në fund ai ka rrëfyer edhe pritjen që i është bërë në skuadër nga lojtarët e tjerë. “Të gjithë lojtarët me kanë pritur mirë. Janë të gjithë lojtarë me eksperiencë. Trajneri e ndjek kampionatin italian dhe e di shumë mirë gjendjen e lojtarëve. Me trajnerin nuk kam bërë ndonjë bisedë, vetëm me grupin”, ka përfunduar mbrojtësi.

Denaj, nën presion: Në sitë inspektoriatet e punës

Pas aksionit kundër informalitetit qeveria do të ndërmarrë një tjetër mision, që është kontrolli i punonjësve për të mos lejuar punën në të zezë.

Lajmi është bërë publik të mërkurën nga Ministrja e Financave dhe Ekonomisë, Anila Denaj e cila bëri publike rezultatet e aksionit anti informalitet në një konferencë për mediat.

Denaj deklaroi se kanë mbërritur 1233 denoncime nga qytetarët, e ndërsa vuri theksin tek efektet që ka dhënë ky aksion, tha se vetëm në muajin gusht janë deklaruar 8 mijë punonjës në sektorin privat.

Ajo tha se ky operacion në ditët në vijim do të fokusohet pikërisht tek deklarimi i punonjësve, ku në fokus do të jetë Inspektorati i Punës, me qëllim uljen e numrit të punonjësve që punojnë në të zezë.

Aksioni anti informalitet i ndërmarrë nga qeveria gjatë muajve të fundit ka sjellë gjobitjen dhe mbylljen e dhjetëra bizneseve që rezultonin se punonin në shkelje ligjore dhe nuk paguanin detyrimet tatimore ndaj shtetit.

Por në sitën e kryeministrit kanë rënë edhe drejtuesit e Tatimeve dhe Doganave. Me gjasë për shkak mosrealizim rezultatesh. Kjo nuk lë jashtë përgjegjësisë edhe vetë ministrin e Financave. Zonja Denaj nga më shumë se një burim zyrtar konfirmohet se është nën presionin e kryeministrit për performancën e ministrise se saj tepër të rëndësishme të Financave. Nëntë muaj pas marrjes së detyrës ardhja e Denajt ende nuk mund të quhet një sukses. Dhe heqja e saj, nuk është më aq e komplikuar, sa largimi i Ahmetajt Krishtlindjet e fundit. /realstory.al

Bare: Nuk stërvitem për Xhakën e Abrashin, barazim në Francë

Mesfushori Keidi Bare ka dalë në konferencën e zakonshme për shtyp, nga resorti ku është grumbulluar ekipi kombëtar për ndeshjen ndaj Francës. Mesfushori që aktivizohet te Malaga në Spanjë, është shprehur i lumtur për ftesën nga trajneri Edy Reja. Ai është shprehur se besimin që i ka dhënë trajneri, do ia kthejë në fushë.

“Të them të drejtën e prisja shumë këtë ftesë dhe jam shumë i lumtur që jam këtu. Shpresoj të jap maksimumin për kombëtaren. Para dy ditësh bëmë një bidesë të shkurtër me trajnerin dhe foli fjalë shumë të mira. Besimin që më dha do ia kthejë në fushë. Për formacionin vendos trajneri, duhet të bëjmë sa më mirë të dalim me rezultat pozitiv. Unë nuk stërvitem për Xhakën apo Abrashin, por stërvitem për veten dhe për të dhënë 100% . Shpersoj të dalim sa më mirë dhe nuk ka rëndësi kush do të luajë”, ka thënë Bare.

Më tej, mesfushori kuqezi ka folur për aventurën në Spanjë, duke treguar se dëshira e tij është që të bëj sa më mirë në aspektin personal, ndërsa ka folur dhe për Sadikun, që tashmë do e ketë shok skuadre. “Është vetëm fillimi. Nuk duhet të bësh vetëm një sezon dhe ta mbyllësh. Shpresoj të bëjë më të mirën time dhe besoj se do arrij në këto hapa që jam tani. Kjo është një gjë e mire, jo vetëm për mua dhe për ekipin. Fola me të dhe më tha që ndihet shumë mirë. Njerëzit në Malaga janë shumë mikpritës. Besoj se do të japë maksimumin e tij për të bërë më të mirën aty”, ka thënë Bare.

Në fund, mesfushori ka treguar se ndaj Francës skuadra jonë kombëtare shkon për pikë, duke treguar se me një barazim ndaj “gjelave” të gjithë do të ishin të kënaqur. “Franca është ekip i madh. Pavarësisht se ka lojtarët të dëmtuar, ata kanë një stol luksi. Unë besoj se mund të arrihet çdo gjë në futbooll, pavarësisht me ekipin që luan, Duhet të japim më të mirën. Të them 6 pikë, bëhem egoist sepse Franca ka një skuadër shumë të mirë. Por, të them të drejtën edhe me një barazim jam i kënaqur”, ka përfunduar Bare.

Arbitra nga Spanja për të vendosur drejtësi në Francë-Shqipëri

Të shtunën më 7 shtator, kombëtarja shqiptare e futbollit do të luajë ndeshjen e radhës kualifikuese për Euro 2020 ndaj Francës. Në takimin që do të luhet në “Sade de France”, do të vendosin drejtësi katër arbitra nga Spanja. Këtë mërkurë janë publikuar emrat e arbitrave që do të drejtojnë ndeshjen e kuqezinjve me ‘gjelat’. Arbitër kryesor është Jesus Gil Manzano nga Spanja, i cili ka stemën e FIFA dhe një karrierë të gjatë në ndeshje ndërkombëtare.

Dy asistentët e tij në këtë tëkim do të jenë bashkëatdhetarët e Gil Manzano. Bëhet fajël për arbitrin Diego Barbero Sevilla dhe Angel Nevado Rodriguez, të cilët do të asistojnë ndeshjen e së shtunës. Arbitër i katërt është spanjolli tjetër, Jose Maria Sanzhez Martinez, ndërsa delegati i ndeshjes është nga Letonia, Janis Mezeckis.

Shqipëria do ta nisë këtë ndeshje si jo favorite, pasi Franca është pretendente kryesore për të kaluar grupin, ndërsa kuqezinjtë kanë rivalitetin direkt të Islandës dhe Turqisë. Prej tre ditësh kombëtarja ka nisur grumbullimin në Durrës, ku trajneri Edy Reja ka thirrur 23 lojtarë, ndërsa disa të tjerë janë në gatishmëri. Pas Francës, kombëtarja kuqezi do të ndeshet në “Elbasan Arena” me Islandën në datën 10 shtator.

Raporti i World Vision: 70% e fëmijëve në Shqipëri janë dhunuar

Organizata World Vision ka bërë publike të mërkurën shifrat e një raporti të hartuar prej saj mbi situatën e Mirëqenies së Fëmijëve në Shqipëri gjatë vitit të fundit.

Sipas raportit të World Vision gjatë vitit të fundit 70% e fëmijëve të moshës 8 deri në 18 vjeç kanë përjetuar një formë dhune.

Ky raport thotë se 46 % e fëmijëve janë indiferentë dhe nuk duan të përfshihen në raportimin e rasteve të dhunës dhe 34% e tyre nuk e raportojnë për shkak të mungesës së besimit që institucionet do ta zgjidhin situatën.

Dhuna është një prej faktorëve kryesorë që pengon zhvillimin dhe mirëqenien e fëmijëve si dhe cenon arritjen e rezultateve në ndërhyrjet socio-ekonomike, që çojnë në përmirësimin e cilësisë së jetës në Shqipëri.

Raporti bën të ditur se dhuna fizike dhe psikologjike është e pranishme në të gjitha hallkat kryesore të shoqërisë. Fëmijët raportojnë se shpesh nuk ndihen të sigurt në ambientet e lagjes apo shkollës së tyre.

Bar West/ Pas takimit me Monën, Basha i lë demokratët pa fjalë

Pas takimit që zhvilloi paraditen e së mërkurës me kryetaren e LSI-së, Monika Kryemadhi, kreu i PD-së, Lulzim Basha foli për mediat dhe zbuloi “aksionin” e opozitës që do të vijojë të jetë “Rama ik”.

Duket se kjo deklaratë e Bashës i ka lënë demokratët pa fjalë. Kjo bie në sy në komentet që ata kanë bërë në facebook në videon e publikuar të Bashës.

Shumica e komentuesve kanë reaguar me emojin me dy gishta dhe asnjë fjalë më shumë. Janë mbi 60 komente të tilla. Pra demokratët nuk kanë çfarë t’i shtojnë më tej deklaratave të Bashës.

Bie në sy se të gjithë janë në një mendje, pasi kanë postuar të njëjtin emoji, sikur të jenë porositur nga “lart”!

Janë të pakët ata që kanë shkruar ndonjë fjalë më tepër, si Rama ik, apo Basha fitore. Siç duket Basha ia doli që të bëjë bashkë në një mendje ndjekësit e tij në FCB.

https://www.facebook.com/lulzimbasha.al/videos/2409362452679132/?__xts__[0]=68.ARBFnbfTUrqCZt_o2TZjw6CdDvOMahnUodf09cBz-NmpaXcxb0YJP5RZgCa3Sfg8y6aIrMTimwSQDEgNX1I6_fnonWAsqxQlWQH-JYrVz5HcNvBRSfBHlGCF9hdmaw5zs02mspYiza0ETE4LdG-JkXnnkChjV9JxgNIsVWFuPNemtod53UMKGpbN6mFcBvkXj3ZK4DpJgZCX-BkK4dS5sMLfqjrOALdZKU4AwfLSQnw3e9tXBshAW1dqzAcczOyV0YBBMSA7XO2sw6uuPzn0KhMu4EdRgl_9hMqdG-BcetcSTDtLa8fAVyhSfaOzbFFuatLI6TaAuLy4iibiHioV44ngYDT0tI_TXlqeckOgNr-3Hl-ocl0Y-BabUIkHsKtr&__tn__=-R

(Rubrika BAR WEST është një rubrikë satiriko-politike. Jo domosdoshmërisht gjithçka që thuhet në të, është e vërtetë. Por as e gënjeshtërt. Ndërsa personazhet janë tërësisht reale)

Çështja “Geronti”, Bardhi vjen “pa forcë” dhe mbron Babalen në Gjykatë

Mesditën e të mërkurës, Sekretari i Përgjithshëm i Partisë Demokratike, Gazment Bardhi ështëparqitur në Gjykatën e Tiranës, pasi ishte thirrur për të dëshmuar për dosjen “Babalja”. Bardhi është paraqitur vetë në gjyq, duke shmangur shoqërimin me forcë, pasi më herët ishte kërkuar shoqërimi i tij me forcë për në gjykatë. Pas dëshmisë në procesin gjyqësor, Gazment Bardhi e ka justifikuar këtë gjë, duke u shprehur se ‘jam njoftuar nga media se duhet të paraqitesha sot në gjykatë”.

Ndërsa, më tej, ai ka folur edhe për takimin me Fredi Alizotin, duke mohuar që të ketë pasur një takim, ndërsa ka shtuar se ka takuar vetëm Albert Veliun, personi i cili bëri denoncimin për vëllain e ish-ministrit Xhafaj. “Jo nuk pati asnjë përballje me Fredi Alizotin, atë zotëri e shikoja për herë të parë dhe nuk jam takuar kurrë me të. Me Albert Veliun, jam takuar darkën e ditës që bëmë denoncimin e vëllait të ish-ministrit Xhafa.” u shpreh Bardhi.

Më tej, numri dy i PD-së, e ka cilësuar ‘gjyq të montuar politikisht’ ndaj denoncuesve dhe përfaqësuesve të opozitës’. “Mendoj që çdo denoncim i PD që ka bërë për përdorim politik me qëllim mbrojtjen e vëllai të ish ministrit vijon sot e kësaj dite. ka patur një cështje në prokurori për përfshirje dhe sot nuk ka asnjë rezultat mbi këtë hetim. Prokuroria e Krimeve të Rënda deklaroi se ka nisur një hetim pasuror ndaj tij dhe edhe pse ka kaluar më shumë se një vit, askush nuk di se c’po bëhet me këtë proces. Kjo provon se ky proces është i montuar politikisht ndaj denoncuesve dhe përfaqësuesve të opozitësve. Qëllimi i tij është të intimidojnë përfaqësues të opozitës të mos denoncojnë”, shtoi Bardhi.

Ky është një tjetër sulm i opozitës ndaj gykatës, që tashmë është në fazën e mbledhjes së dëshmive nga personat që kanë lidhje me ngjarjen, dhe pritet të japë vendimin. Ndërkohë, Fredi Alizoti, është një nga personat kyç në këtë proces, pasi ai dëshmoi, duke rrëzuar pretendimin e PD, se në audiopërgjimin “Babalja”, është i përfshirë Agron Xhafaj, vëllai i ish-minstrit Fatmir Xhafaj. Sipas Alizotit, në zërin tjetër të dëgjuar në bisedën me Albert Veliun, pretendohet se është ai, pra Alizoti, që bisedon me ‘Babalen’ dhe jo Agron Xhafa. Megjithatë, për këtë çështje janë marrë në pyetje dhe persona të tjerë, pëfshirë dhe ish kreun e Prokurorisë së Krimeve të Rënda, Besim Hajdarmataj.

“Platforma, mik i fortë në qeveri për pensionistët”

Këtë të mërkurë, gjatë takimit për platformën online “Bashkëqeverisja”, Kryeministri Edi Rama ka pasur në fokus pensionistët. Gjtë fjalës së tij, kreu i qeverisë është shprehur se nëse pensionistët kanë pengesa, mjafton që ata t`i drejtohen kësaj platforme, dhe do të marrin shërbimin që kërkojnë. Rama e quajti këtë platformë si një ‘mik të fortë’ për pensionistët, të cilët sipas shefit të qeverisë ende nuk marrin shërbimin që duan në të gjithë territorin.

“Nuk është ende një strukturë që reagon dhe përgjigjet në kohë reale në të gjithë tereritorin e vendin. Në shumë vende pensionistët nuk e marrin përgjigjen dhe përkushtimin që meritojnë. Mirëpo duke ju drejtuar platformës ata i heqin këto pengesa dhe kanë një mik shumë të fortë që është drejtpërdrejt në qeveri. Thirrja ime për gjithë pensionistët që kanë probleme me pensionin është mos prisje zgjidhjen në zyra në rast se nuk ju vjen menjëherë por direkt tek Shqipëriaqëduam.al, ku janë zgjidhur të gjitha rastet”, tha Rama.

Gjatë bashkëbisedimit me qytetarët, janë prezantuar disa raste konkrete, se si persona të ndryshëm kishin gjetur zgjidhje për problemet e tyre, pasi kishin shkruar në portalin “Shqipëriaqëduam.al”. Në këtë platformë, thonë burime zyrtare, kanë marrë zgjidhje probleme të ndryshme të qytetarëve, jo vetëm për pensionistët, por edhe për çështje të tjera administrative.

Mesazhi amerikan opozitës: vettingu e reforma zgjedhore

Drejtori për Europën Qendrore e Jugore në Departamentin e Shtetit, David Kostelancik ka nisur të mërkurën vizitën zyrtare në Tiranë me një takim me kryetarin e Kuvendit, Gramoz Ruçi ku ka theksuar se SHBA-të mbështesin fuqishëm realizimin e reformës në Drejtësi dhe procesin e vettingut të gjyqtarëve dhe prokurorëve. Ai gjithashtu ka kërkuar që brenda vitit qeveria dhe opozita të miratojnë ndryshimet në reformën zgjedhore, e cila është kyçe për rolin e Shqipërisë si drejtuese e presidencës së rradhës së OSBE-së, rol ky që Shqipëria e merr për herë të parë në histori.

Kostelancik “rekomandoi se është përgjegjësi e qeverisë që dora e shtrirë e për opozitën duhet të mundësojë tërheqjen e saj në realizimin e kësaj reforme. Kryerja e reformës zgjedhore brenda vitit do të mundësoje edhe një presidencë shqiptare të suksesshme të OSBE-së në vitin 2020”, njofton Kuvendi.

Nga ana tjetër drejtori Kostelancik nënvizoi mbështetjen e ShBA për reformën në drejtësi. “Institucionet e reja të sistemit do tu shërbejnë qytetarëve sot e në të ardhmen dhe do të mundësojnë që shqiptarët të jetojnë në paqe e mirëqenie. Vettingu është mbështetur dhe do të vazhdojë të mbështetet fort nga ShBA”, theksoi Kastelancik.

Kryetari i Kuvendit, Ruçi, nënvizoi se shumica qeverisëse dhe ai personalisht janë të angazhuar për kryerjen e reformës zgjedhore dhe për këtë do të bashkëpunojë edhe me opozitën parlamentare e joparlamentare, e cila ka të drejtën e vetos në komisionin e ri të reformës.

Ruçi dhe drejtori Kostelancik ishin të një mendjeje se kryerja e reformave është thelbësore për Shqipërinë dhe se qeveria dhe opozita duhet të punojnë bashkë për shëndetin e demokracisë në Shqipëri dhe prestigjin e vendit tonë në OSBE, NATO dhe organizatat e tjera ndërkombëtare.

Në takim ishte e pranishme edhe e Ngarkuara me Punë e Ambasadës së ShBA-së në Tiranë, Leyla Moses-Ones. Nën drejtimin e saj ambasada Amerikane gjatë muajve të fundit është angazhuar më shumë se kurrë në mbrojtje të reformës në drejtësi duke publikuar video informuese për ecurinë e saj, që tregojnë gjithashtu mbështetjen e fuqishme që SHBA i jep kësaj reforme. Deklaratat e zyrtarit të lartë të DASH janë edhe një mesazh drejtuar presidentit Meta dhe opozitës që kanë sulmuar më herët procesin e vettingut dhe reformën në drejtësi, ndërsa opozita ka kundërshtuar të bashkëpunojë me qeverinë për të realizuar reformën zgjedhore; pavarësisht deklaratave të përsëritura të Ramës për bashkëpunim në këtë drejtim./Realstory.al

Drama e Italisë, vendi mbetet pa fëmijë!

Nataliteti në Itali ka rënie rekord. Rinia ka humbur besimin tek e ardhmja. Tani po krijohet qeveria e 66 brenda 73 vitesh. Borxhet e shtetit dhe papunësia janë të larta. Gjithnjë e më pak italianë mendojnë për bambini.

Mbesa e vogël Livia një vjeç është gjithçka për Luisa-n. Ajo e quan mbesën e saj të vetme plot dashuri “La Bimba”. Çdo verë familja e saj i kalon javët e nxehta të verës në bregdet pranë Romës. E Nonna Luisa ka mall për harenë e fëmijëve dhe familjen e madhe – sikurse ka qenë dikur në Itali, na thotë: “Për ne familja ka qenë gjithçka për të cilën kemi sakrifikuar jetën! Nuk ka kuptim, kur nuk ke nipër e mbesa, kur nuk ka fwmijë, të cilëve të mund t’ia pasojmë trashëgiminë tonë.”

Por sot Italia ka ndryshuar. Kuota e natalitetit prej vitesh është ndër më të ulëtat në Europë. Nonna Luisa e di, që ajo ka fat me Livian e vogël. Vajza e saj Serena ishte 39 kur e lindi atë.

Serena e punësuar në aeroport e ka të thjeshtë shpjegimin: Fajin e ka politika. Asnjë qeveri në njëzet vitet e fundit nuk ka ndjekur një politikë moderne për familjen, me lehtësi jetese për nënat në marrëdhënie pune, thotë ajo: „Nëse në aeroportin e Romës do të kishte pasur një çerdhe fëmijësh, ku mund ta çoja unë vajzën time, atëherë unë do të kisha preferuar që qysh në ditën e parë pas lindjes të rifilloja punën. Por kjo ishte e pamundur.

Fëmijët shihen si barrë, kur mungon siguria financiare…

Nëna Luisa vëren, që fëmijët e saj – si shumë të rinj të tjerë në Itali – nuk kanë vendosmëri për ta marrë vet jetën në dorë. Djali Enrico vërtetë ka një punë në një farmaci, por ai ende nuk e ka krijuar familjen e vet. “Brezi i fëmijëve të mi nuk ka më një perspektivë të mirë. Atyre u mungon një projekt i besueshëm për të ardhmen. Jo vetëm sepse ka gjithnjë e më pak punë dhe shteti ua vështirëson jetën, por të rinjtë italianë kanë humbur qëndrueshmërinë, që na karakterizonte neve dikur!”

Luisa kujton me nostalgji kohët e fëmijërisë së saj: “Më kujtohet ende vështrimi i tezeve të mia, ato na përqafonin ne fëmijëve dhe na jepnin dashuri e ndjenjën, se me ne jeta fillon sërish.”

Këmbimi i roleve

Çfarë nuk shkon në Itali?! Sociologët vëzhgojnë, se brezat e dekadave të fundit i kanë këmbyer rolet.

Raffaella CAso, pranë Institutit Kërkimor Eurispes vëren: “Sot nuk ndihmojnë më të rinjtë të moshuarit, por anasjelltas. Gjyshërit ua kalojnë trashëgiminë në imobilje apo kursimet nga pensioni nipërve e mbesave të tyre ose u paguajnë atyre qiranë apo kopështin e fëmijëve.”

Italianet lindin mesatarisht në moshën 33 vjeç, nëse ato lindin një fëmijë, ato janë më të moshuara krahasuar me europianet e tjera. Shumë gra e burra nuk i shohin më fëmijët si një bekim për jetën e tyre, por si barrë. Enrico, djali i Luisa-s: “Jeta është mjaft e ndërlikuar mes punës, taksave dhe shpenzimeve. Ato pak orë që mbeten të lira në ditë ti do të çlodhesh, të mendosh për veten e të dalësh me miqtë. Një fëmijë të bëhet pengesë për të gjitha këto.”

Enrico-s i pëlqen që është bërë dajë dhe sa herë ka mundësi viziton mbesën e vogël dhe motrën e tij. Familja është e rëndësishme për të, por jo një fëmijë i veti! 42-vjeçari preferon çdo ditë para se të nisë punën në farmaci që ta hajë drekën tek mamaja. Luisa kishte menduar një tjetër të ardhme për fëmijët e saj: „Vërtetë të realizuar nuk e shoh as vajzën e as djalin tim. Serena ndonëse ka studiuar, çfarë merr ajo sot?! Vetëm një punë të paguar keq në një shoqëri ajrore. Shumë vite e kam mbështetur atë financiarisht. Mirë që u martua. Po Enrico?! Hiç gjë?! Edhe për të kisha përfytyruar një të ardhme ndryshe!”

Luisa është e zhgënjyer nga Italia me 66 qeveri në 74 vitet e jetës së saj. Këto qeveri kanë prodhuar shumë kriza dhe pak të ardhme për vendin – pak për të ardhmen e fëmijëve të tyre dhe të Livias, mbesës së saj të vogël./DW