Prova që PD ka paraqitur në gjykatë si pjesë të çështjes “Babale” ku zhvillohet një takim mes Geron Xhafës dhe Albert Veliut, është dhe prova që u përdor nga avokati Ardian Visha në gjyq për mbrojtjen e Geron Xhafës. Visha tha në “Real Story” në News 24 se një takim mes Babales dhe Geron Xhafës nuk ka ndodhur kurrë në Vlorë e aq më pak në lokalin e klientit të tij.
Visha tha se ka pasur një telefonatë, por që qeliza e saj tregon se Xhafaj nuk ka qenë në Vlorë më 24 tetor kur PD pretendon se janë takuar dhe regjistruar audio-përgjimi i famshëm.
“Në këtë proces ka fituar e drejta dhe jo Agron Xhafaj. Nëse e drejta i përket atij, atëherë ka fituar ai. PD ka pasur qëllime politike. PD thotë gjysmë gënjeshtra. Ata thonë shkuam në Vlorë, nuk e gjetëm Agron Xhafajn. Është e vërtetë që e kanë marrë në telefon. Aty i thotë “hë mo pasha ku je”. Dhe aty mbyllet telefoni. Agron Xhafaj nuk ka qenë në Vlorë pas telefonatës, qeliza telefonike e tregon këtë. Atëherë ku ka qenë takimi? Nuk ka pasur takim, sepse Agron Xhafaj ishte shumë larg “Babales”. Nuk kam prova që Alizoti të jetë në këtë rast, por e di që është mik i Babales dhe për këtë ka shumë tabulate telefonike që kanë folur si kur ai ishte ën Shqipëri dhe jashtë saj”, tha avokati Visha. / Real Story