Kreu i PD, Lulzim Basha ka sulmuar kryeministrin për prishjen e banesave të pa legalizuara, duke e akuzuar se ka premtuar legalizim falas, por që ua ka shkatërruar pa dëmshpërblim. Këtë akuzë, Basha e ka bërë nëpërmjet një video në rrjetet sociale, ku i është rikthyer thirrjes Rama ik.
“Premtoi legalizim falas por shkatërroi qindra banesa dhe nxori mijëra fëmijë dhe të moshuar në mes të katër rrugëve. Për të vjedhur paratë e taksave dhe grabitur pronat e tyre, Edi Rama mashtroi dhe dhunoi shqiptarët”, deklaron Basha në reagimin e tij në rrjetet sociale.
Sipas tij, rruga kryesore e cila i shpëton sot shqiptarët, është largimi sa më parë i Ramës nga posti i kryeministrit. Ai ka publikuar edhe një video, që sipas Bashës, fakton premtimet e pambajtura të kryeministrit.