Gianluigi Buffon është gati të rikthehet te Juventus si transferim i lirë nga Paris Saint-Germain, raporton Sksy Sport në Itali. 41-vjeçari, që ka fituar Kupën e Botës dhe luajti 17 vjet me Juven para se të transferohej te PSG vitin e kaluar, ka rënë dakord të kthehet në Torino, si ndihmës i ish-portierit të Arsenalit, Ëojciech Szczency.
Kontrata e re e Buffon do të jetë për një sezon, por ai pritet të marrë një rol drejtuesi në klub, pasi të lërë futbollin e luajtur. Transferimi ka të ngjarë të pëfundoj sapo Juventusi të largojë portierin Mattia Perin, për të cilin ka shfaqur inters Roma dhe Sevilla.
Buffon fitoi nëntë tituj në Serie A me Juventusin, shtatë prej të cilëve i fitoi rresht, duke luajtur 656 ndeshje me skuadrën nga Torino. Me PSG-në, Buffon luajti 25 ndeshje sezonin e kaluar, duke ndihmuar klubin të fitonte kampionatin e dytë radhazi në Ligue 1. Më herët, Buffon kishte deklaruar se do të largohej nga PSG-ja, pasi kontrata e tij përfundoi të dielën më 30 qershor.
