Tag: Psg

Nga Juventus te PSG, pretendentët vijojnë në Champions

Juventus dhe Atletico Madrid janë dy ekipet që vijojnë aventurën në turin tjetër të Champions League nga Grupi D. të dyja ekipet fituan mbrëmjen e të mëkurës, ku Juventus mundi me rezultatin 2-0 Bayern Leverkusen, ndërsa Atletico Madrid fitoi ndaj Lokomotiv Moscoë 2-0. Skuadra e Leverkusen do të vijojë aventurën në Europa League, pas eleminimit nga Champions League.

Bayern Munich dhe Totenham u përballën mes tyre në takimin e fundit të fazës në grupe të Champion League në Grupin B. Bayern fitoi 3-1 ndaj Tottenham, duke e mbyllur grupin me 18 pikë, ndërsa “Spurs” u renditën të dytët në grup me 10 pikë. Ndërkohë, skuadra  greke e Olympiacos vijon aventurën në Europa League pasi u rendit në vendin e 3 në grup me 4 pikë, pas fitores minimale 1-0 ndaj Crvena Zvezdës.

Në Grupin A, Paris Saint-Germain kaloi si ekipi i parë në grup me 16 pikë, pasi fitoisfidën e fundit duke mundur skuadrën turke të Galatasaray me rezultatin 5-0. Në vendin e dytë u rendit Real Madrid që mundi 3-1 Clube Brugge. Në vend të tretë në grup u rendit pikërisht clube Brugge, që tashmë do të vijojë në turin tjetër të Europa League.

Kriza te Real Madrid, tronditen pozitat e Zidane

Kthimi i Zinedine Zidane te Real Madrid në mars, vetëm nëntë muaj pas largimit të tij, ishte një sinjal që tregonte se po i vinte fundi rezultateve zhgënjyese. Njeriu që fitoi tri Champions League me Real Madrid,  u kthye për të risjellë dhe shpresën. Sezoni i kaluar përfundoi jo mirë, me Real që fitoi vetëm një nga pesë ndeshjet e fundit.

Por kishte një kuptim, skuadrës i duhej punë, gjë që pasoi me investime të mira. Paul Pogba, Kylian Mbappe as Neymar nuk erdhën në “Bernabeu”, por paratë e shpenzuara arritën në 250 milion £, me Eden Hazard, që ishte një nga blerjet e rëndësishme dhe shumë të dëshiruara të Zidane.

Sidoqoftë, të mërkurën në mbrëmje në Paris, u konfirmua kriza e shfaqur që në nisje të fazës përgatitore. Real Madrid nuk u mund, por u poshtërua. Paris Saint-Germain, pa Neymar, Mbappe apo edhe Edison Cavani,  doli fitues me rezultatin 3-0 në “Parc des Princes”.

Kjo ishte hera e parë prej sezonit 2003/04, që Real Madrid nuk e niste sezonin kaq keq. “Ata ishin më mirë se ne në çdo repart”, tha Zidane për mediat spanjolle. Mediat nuk i kanë kursyer kritikat, ndërsa kambanat e alarmit kanë nisur të lëshojnë britmën për krizën në “Santiago Bernabeu”.

Ndonëse kanë mbetur dhe pesë ndeshje për tu luajtur në fazën në grupe në Champions, sipas mediave ndërkombëtare, pozicioni i Zidane nuk është i paprekshëm. Në analizën kushtuar ndeshjes, Sky Sport, raporton se skuadra, ashtu siç pranoi Zidane, nuk funksionoi në asnjë repart. Dhe në fakt, shkak për këtë, mediat kanë bërë Zidane, ku nën drejtimin e të cilit në pesë ndeshje, skuadra  ka pësuar gjithmonë gola.

Champions/ Real Madrid shpërfytyrohet nga PSG

Paris Saint-Germain ka mundur 3-0 Real Madrid, duke fituar ndeshjen e parë të fazës në grupe të Champions League. Skuadra franceze ka bërë një ndeshje të madhe, duke fituar takimin me një dygolësh të di Marias në (14` dhe 33`) dhe golin e Meunier në të (90+1`), duke i dhënë një goditje të fortë skuadrës Los Blanco në nisje të këtij kompeticioni.

Skuadra e Zinedine Zidane konfirmoi dhe njëherë krizën, që ka nisur prej fundit të sezonit të shkuar, dhe vijon ende. Pas fitores të së mërkurës, PSG mban vendin e parë me 3 pikë në Grupin A, ndërsa Club Brugge dhe Galatasaray kanë nga një pikë pas barazimit 0-0 mes tyre.

Manchester City ka lënë pas humbjen e fundjavës në kampionat, duke fituar 3-0 në transfertë ndaj Shakhtar Donetsk në ndeshjen e parë të Champions League për këtë sezon.

Skuadra e Guardiolas shënoi golat e fitores me  Mahrez në të (24`), Gundogan në të (38`) dhe Garbiel Jesus në të (76`), duke marrë tre pikë të rëndësishme, që e mbajnë në vend të dytë me pikë të barabarta me Dinamo Zagreb. Skuadra kroate shkatërroi me rezultatin 4-0 Ataltantën e Berat Gjimshitit.

Benzema, 13 vjet pa shënuar kundër PSG

Sulmuesi i Real Madridit ka luajtur kundër PSG 10 herë, por vetëm një herë gjeti rrjetën. Karim Benzema do të luajë në takimin e së mërkurës kundër Paris Saint-Germain, i prirur për të vazhduar formën e tij të mirë të shënimit të golave, gjithashtu duke tentuar të përmirësojë statistikat e tij kundër skuadrës nga atdheu i tij. 9-ta e Real Madridit shënoi dy herë të shtunën kundër Levante, teksa kishte mundësi të shënonte një ‘hat-trick’. Por nuk është e njëjta histori kur vjen puna te PSG.

Në 10 ndeshje zyrtare që Benzema ka luajtur kundër Parisienve, ai ka shënuar vetëm një herë në takimin e parë me PSG në Trofe des Champions, kur sulmuesi aktual i Real Madridit, luante për Olympique Lyon në korrik të vitit 2006, tre vjet para se të bashkohej me Los Blancos. Trembëdhjetë vjet më pas, Benzema po synon ti japë fund ‘thatësirës’ së golave ndaj PSG.

Të mrëkurën në mbrëmje, Karim Benzema do të jetë kundër një portieri që ai e njeh shumë mirë, Keylor Navas. Ai i ka shënuar portierit nga Kosta Rica shumë herë në fushën e stërvitjes, kur e kishte shok ekipi për pesë vite, por kurrë nuk i ka shënuar në një ndeshje zyrtare. Ndaj, të mërkurën, Benzema do të ketë mundësi ti shënojë një miku të vjetër dhe PSG.

CAS dënon Neymar, mungon në Champions League

Gjykata e Arbitrazhit Sportiv (CAS) ka dhënë vendimin përfundimtar për ankesën e paraqitur nga Paris Saint-Germain dhe Neymar, kundër vendimit të marrë nga UEFA për dënimin e futbollistit brazilian më 18 qershor të këtij viti.

Neymar u shpall fajtor nga UEFA pasi kishte sharë tifozët në fund të ndeshjes së Champions League, që PSG luajti kundër Manchester United më 6 mars të këtij viti. Për këtë qëllim, Neymar u dënua me 3 ndeshje pezullim nga Champions League.

Megjithatë, PSG dhe lojtari e apeluan vendimin në CAS. Arbitrazhi Sportiv, në seancën e 13 shtatorit të këtij viti, pasi ka dëgjuar palët, ka vendosur të ulë dënimin e Neymar nga 3 në 2 ndeshje pezullim. Kështu, Neymar do të mungojë në dy ndeshjet e para të fazës në grupe të UEFA Champions League, atë kundër Real Madrid dhe Galatasaray.

Icardi perfekt për PSG, ‘shtëpia e lojtarëve të padisiplinuar’

Ish-sulmuesi italian Paolo Di Canio ka folur për Mauro Icardin, pasi ish-sulmuesi i Interit u transferua te Paris Saint-Germain.

Paolo Di Canio tha se nuk është i befasuar nga transferimi i Mauro Icardi te Paris Saint-Germain pasi kampionët e Ligue 1 janë “shtëpia natyrale e lojtarëve të padisiplinuar”.

Ish-kapiteni i Interit, Icardi iu bashkua PSG-së në një marrëveshje fillestare në formë huazimi deri në fund të vitit të ardhshëm.

PSG ka mundësinë ta blejë Icardin, i cili gjatë merkatos së verës ishte i lidhur me Napolin dhe Juventusin në një transferim që shkonte deri në 70 milion euro.

Ish-sulmuesi i Lazio, Juve, Napoli dhe AC Milan, Di Canio foli për Icardin pas transferimit të tij në kryeqytetin francez.

“Maurito shënon gola vetëm nga krosimet në anësore. Ai është i paaftë të bëjë gjëra të tjera, që një sulmues modern duhet të jetë në gjendje të bëjë”.

Icardi, i cili mbërriti në Inter nga Sampdoria në 2013, shënoi 111 gola në Serie A dhe 124 gola në të gjitha garat duke u bërë lojtari i tetë në listën e golashënuesve në historinë e Interit.

Icardi te PSG, ‘harron’ Interin

Mbrëmjen e të hënës Paris Saint-Germain ka njoftuar arritjen e marrëveshjes me Interin për sulmuesin Mauro Iccardi. Sulmuesi 26 vjeçar argjentinas është transferuar në formë huazimi nga Interi te PSG për një sezon. Kontrata e re e Icardit do të jetë deri në fund të qershorit të vitit të ardhshëm, ndërsa klubi francez ka të drejtën e blerjes së kartonit në përfundim të huazimit.

Icardi do të jetë lojtari i 16-të argjentinas në historinë e Paris Saint-Germain. Icardi luajti disa sezone me Interin, duke shënuar në total 124 gola dhe 28 asiste në 219 ndeshje. Sezoni më i suksesshëm për sulmuesin argjentinas te Inter ka qenë ai 2014-2015 me 22 gola dhe kulmi në sezonin 2017-2018 me 29 gola, duke u zgjedhur edhe si sulmuesi më i mirë i Serie A.

 “Falenderoj Paris Saint-Germain për besimin që ka treguar”, u shpreh Icardi pasi nënshkroi kontratën. “Do të bëj gjithçka që mundem për të ndihmuar ekipin tim të ri. PSG është një fortesë e futbollit ndërkombëtar, që ka mbledhur futbollistë të shkëlqyer vitet e fundit”, ka thënë  Icardi.

Dështojnë negociatat, Barcelona-PSG nuk gjejnë marrëveshje për Neymar

Takimi i parë mes Barcelonës dhe Paris Saint-Germain ka përfunduar pa një marrëveshje për Neymar. Një delegacion i klubit Blaugrana, i përbërë nga Oscar Grau, Javier Bordas, Eric Abidal dhe Andre Cury, udhëtoi në Paris të martën për t`u takuar me drejtuesit e PSG, për të negociuar kthimin e brazilianit në Camp Nou.

Të dy klubet do të vazhdojnë bisedimet e tyre gjatë orëve të ardhshme, pasi një takim tjetër mund të zhvillohet në orët e vona të mbrëjes. Le Parisien, shkruan se Barcelona ka ofruar deri në 170 milion euro, të cilat do të paguhen në dy këste, për të riblerë Neymar, të cilin e shiti te PSG dy vite më parë për shifrën rekord të 222 milion eurove.

Emri i Ousmane Dembele është vendosur gjithashtu në tavolinën e diskutimit, por kampionat e Ligue 1 nuk janë të kangur me ofertën. Në fillim të takimit mes dy palëve, Neymar ka njoftuar PSG se dëshira e tij e vetme ëhstë të bashkohet me Barcelonën. Real Madrid dhe Juventus kanë shfaqur gjithashtu inters për të nënshkruar me sulmuesin brazilian, parapara se të mbyllet dritarja e transferimeve.

Milani i mbyll derën PSG, Boban: Donnarumma nuk do largohet

Milani është i vendosur të mbajë Donnarumman, duke mos pranuar asnjë ofertë të PSG-së për portierin 20-vjeçar. Zvonimir Boban, i cili u bë shef i klubit në qershor të këtij viti, këmbëngul se skuadra e Seria A është e vendosur të mbajë portierin 20-vjeçar, së bashku me sulmuesin Suso dhe mesfushorin Franck Kessie. PSG prej kohësh është lidhur me një inters për Donnarumman, pasi synon të gjejë një rivalë për Alphonse Areola. Për Suson kanë shfaqur inters klube në Itali, Spanjë dhe Francë, ndërsa Ëolves pati dhe tratativa për të negociuar për Kessie.

“A e njihte ndonjëri Kaka kur mbrriti në Milano?”, ka thënë ish-futbollisti kroat i Milanit, që tani drejton klubin. Zvonimir Boban, duke folur për La Gazzetta dello Sport, ka konfirmuar se tre futbollistët e kërkuar në merkato, do të qëndrojnë në Milano. “Ne duam t`i mbajmë ata, absolutisht”, ka thënë Boban. Milani shiti sulmuesin premtues Patrick Cutrone te Ëolves në korrik, por e rikuperoi këtë largim duke afruar disa futbollist të tjerë, si Rafael Leao, Rade Krunic, Theo Hernandez, Leo Duarte dhe Ismael Bennacer. Boban beson se Milanit do t`i duhet kohë e gjatë për të arritur majat.

“Do duhet kohë, por ne do të kthehemi në majë”, është shprehur Zvonimir Boban. “Profili i ulët i lojtarëve me të cilët kemi nënshkruar, nuk do të thotë se kemi ambicie të ulëta. A e njihte ndokush Kaka kur erdhi këtu? Koha dhe rezultatet do të tregojnë se kush ka punuar mirë dhe kush jo”, ka thënë shefi i ri i Milanit.

E bujshme, PSG përjashton Neymar, Tuchel: Nuk luan pa qartësuar situatën

Merkato po i kushton aktivizimin me Paris Saint-Germain. Ylli brazilian i PSG, është lënë jashtë grupit të lojtarëve që janë grumbulluar për ndeshjen e së dielës ndaj Toulouse. Lajmin e ka bërë të ditur klubi që ka publikuar emrat e lojtarëve të grumbulluar, ku në sy bie mungesa e Neymar.

Një ditë para ndeshjes, të shtunën, trajneri i PSG-së, Thomas Tuchel u shpreh se “nëse deri të dielën do të ketë zhvillime të reja për Neymar, ai do të grumbullohej me ekipin”. Mesaduket asgjë e re nuk ka ndodhur në “Parkun e Princave”, pasi Neymar është lënë jashtë skuadrës. Braziliani është stërvitur rregullisht me ekipin gjatë javës, por nuk është përzgjedhur për tu përballur me Toulouse të dielën.

 “Ai ka pasur një javë të mirë në stërvitje me shokët. Sidoqoftë, pozicioni i klubit është i qartë, ndërsa situata e tij është e paqartë. Ai nuk mund të luajë”, është shprehur Tuchel. Bisedimet midis PSG dhe palëve të interesuara, Barcelona dhe Real Madrid, raportohet se janë duke vazhduar, teksa afron afati i fundit i transferimeve, data 2 shtator.

Neymar mbeti pa u stërvitur gjatë fazës përgatitore me PSG për shkak të një dëmtimi në kyçin e këmbës, që e pësoi gjatë kohës që përgatitej për ndeshjet e Copa America, kompeticion të cilin gjithashtu e humbi.

Skip to toolbar