Një firmë amerikane ka prezantuar automjetin e së ardhmes, i cili ka pamjen e një droni fluturues, punon me një motor me hidrogjen dhe do të shërbejë për transportin e njerëzve dhe mallrave.
I njohur ndryshe me emrin Skai, droni përmban 6 helika, 5 vende brenda kabinës dhe mund të arrijë një shpejtësi 193 km/h. Falë karburantit me hidrogjen, droni është i aftë të prodhojë energji elektrike për të vënë në punë motorin dhe për të furnizuar një bateri rezervë.
Kompania shpreson që ky dron të përdoret në të ardhmen si taksi apo edhe si ambulancë.
