“Gërdeci”, Mediu kundër akt-ekspertimit në SPAK: Ekspertët, nëpunës të shtetit!

AKTUALITET


Ish-ministri i Mbrojtjes, Fatmir Mediu, i kërkoi Gjykatës së Posaçme të urdhërojë kryerjen e një akt ekspertimi të ri ekonomiko-financiar.

Përmes avokatëve të tij Mediu pretendoi se akt-ekspertimi i paraqitur si provë nga SPAK ka probleme në formë dhe në përmbajtje. Sipas avokatëve, vendimi për akt-ekspertimin nuk i është bërë me dije Mediut gjatë hetimit paraprak dhe ekspertët janë zgjedhur në mënyrë të njëanshme e në kushte të papajtueshmërisë ligjore. Po sipas mbrojtësve, 4 nga 5 ekspertët kanë qenë nëpunës shtetërore dhe pa licensimet përkatëse, ndërsa i pesti nuk kishte njohuri financiare.


Tjetër problem i konstatuar nga avokatët, ishte fakti që ekspertët nuk janë njohur me akte të rëndësishme të dosjes, pyetjet që i janë shtruar atyre kanë qenë më së shumti të karakterit juridik e jo atij ekonomik dhe se ekspertet kanë marrë kompetenca të gjykatës dhe prokurorisë.




Skip to toolbar