Vetëm dy ditë para se të vetëvritej në qeli, miliarderi Jeffrey Epstein ka firmosur testamentin prej 577 milion dollarësh.
BBC shkruan se gjykatat vlerësuan javën e fundit pasurinë e Epstein në ishujt Virgin dhe shkonte më shumë se 577 milion dollarë ose 475 milionë Paund.
Testamenti u bë publik për herë të parë nga gazeta New York Post, por në të nuk bëhet e ditur se në emër të kujt do të shkojnë paratë.
Në testament përmendet vëllai i Epsteinit, Mark Epstein, si i afërmi i tij i vetëm i cili do të kishte të drejtë të ndante pasurinë, megjithatë kjo është ende një çështje në diskutim.
Epstein vdiq ndërsa ishte në pritje të gjykimit për abuzime seksuale me të mitura. Rezultati i autopsisë në New York zbuloi se 66-vjeçari, trupi i të cilit u zbulua në 10 gusht, vdiq nga “vetëvrasja duke u varur”.