Të paktën 3 efektivë policie mbetën të lënduar, ndërsa 9 persona u arrestuan si pasojë e një nate të dhunshme në kryeqytetin grek.
Persona ende të paidentifikuar dhe të maskuar u përplasën me policinë, pak pas mesnate në kryqëzimin Themistokleous me Metaxas, duke hedhur ndaj tyre dhe koktejl molotov.
Agresorët nuk kursyen as ekipin e ndërhyrjes së shpejtë të policisë, i cili u thirr për të vendosur situatën në kontroll.
Të plagosur lehtë kanë mbetur tre punonjës policie, të cilët janë jashtë rrezikut.
Shkaqet e këtyre akteve të dhunës janë ende të paqarta, teksa një hetim ka nisur.