Shkëndija e Tetovës ka mbrojtur titullin Kampion i Maqedonisë së Veriut edhe këtë sezon, duke siguruar matematikisht fitoren e kampionatit katër javë para përfundimit të tij.
Skuadra e drejtuar nga trajneri Qatip Osmani fitoi të shtunën ndaj Rabotniçkit në transfertë, me rezultatin 0-1, duke siguruar matematikisht titullin kampion, pasi kanë një epërsi prej 13 pikësh nga vendi i dytë.
Një gol i Ennur Totres në kohën shtesë solli triumf 1:0 në transfertën e javës së 32-të me Rabotniçkin në Shkup, ndërsa gara për titull u mbyll për faktin se sfida Shkupi-Vardari u mbyll me barazim 2:2.
Sa i përket takimit Shkëndija dominoi pjesën më të madhe të kohës dhe humbi disa mundësi shënimi, megjithëse edhe vendasit lëshuan disa raste të mira.
Sfida dukej se po shkonte drejt barazimit pa gola kur në kohën shtesë asiston kapiteni Alimi, ndërsa Ennur Totre realizon për fillimin e festës së madhe në kampin kuqezi për titullin e tretë kampion në historinë e Shkëndijës.