Duket se protestat e opozitës në Shqipërisë kanë frymëzuar anarkistët në Greqi. Njëlloj siç ndodhi tek ne vetëm 1 javë më parë ka ndodhur gjatë të dielës në Athinë ku anarkistët kanë rrëmbyer kutitë e votimit dhe kanë djegur votat. Ngjarje këto që na kujtojnë Vaun e Dejës apo Shkodrën ku iu vu zjarri KZAZ-ve.
Një incident i rëndë është regjistruar në Athinë pak minuta pas mbylljes së kutive të votimit për zgjedhjet e parakohshme parlamentare.
Siç raportojnë mediat vendase ngjarja ka ndodhur në lagjen “anarkiste” të kryeqytetit e njohur si “Exarchia”, ku persona të maskuar hynë në një qendër votimi dhe pasi kërcënuan të pranishmit rrëmbyen prej aty kutitë e votimit bashkë me votat. Bëhet me dije se fletët e votimit të një prej kutive janë djegur.
Pas kësaj një grup të rinjsh përleshën me forcat e policisë dhe hodhën drejt tyre bomba molotov. Për momentin nuk raportohen persona të lënduar dhe policia ka nisur një hetim për gjetjen e personave përgjegjës që rrëmbyen kutitë e votimit, pasi një incident i tillë nuk është i zakonshëm për një vend të BE si Greqia.