Kryeministri Edi Rama ka reaguar lidhur me sulmin me armë në eventin presidencial të Donald Trump me gazetarët në Shtëpinë e Bardhë.
Përmes një reagimi në rrjetin “X”, kryeministri Rama thotë se e dënon me forcë sulmin që godet lirinë dhe demokracinë, teksa shton se ndihet i lehtësuar që Trump dhe të gjithë të pranishmit janë të sigurit dhe mirë.
“Tronditëse të marrësh lajmin për një sulm të dhunshëm me armë nga një person i armatosur në një hotel në Washington, DC gjatë një aktiviteti presidencial me gazetarë. Një sulm i tillë godet lirinë dhe mënyrën tonë demokratike të jetesës kudo. E dënoj me forcë. I lehtësuar që Presidenti dhe të gjithë të pranishmit janë të sigurt dhe mirë“-shkruan Rama në “X”.