Rama: Kryebashkiaku i Kukësit ka frikë të dalë kundër PD

Kryeministri Edi Rama ka sulmuar në Kukës kreun aktual të bashkisë, teksa tha se ai jeton në Tiranë dhe e qeveris Kukësin në distancë. Shefi i qeverisë tregoi edhe detaje nga disa biseda private me të. “Më tha me 1 mijë lekë e pranojnë kuksianët traun e Rrugës së Kukësit. Po mirë i thashë, dil e thuaja popullit. Jo më tha nuk dal dot, se ti e kupton vetë! Sot kishte dalë sikur kishte futur kasetën e Lulit. Bashkimi më tha se po pastrohet rruga nga bora ashtu si nuk është bërë asnjëherë, por prapë nuk doli ta thoshte. Bashkimi do hyjë në histori si rast unik që pengoi lejen për të ndërtuar spitalin. Bashkimi thotë nuk ka leje mjedisi. A ka idiot që pengon ndërtimin e një spitali? Bashkimi iku. Kur i bërtet tjetrit Ik, Ik! Ikën vetë. Kur nuk e ke mendjen të vraposh, i thua tjetrit ik!”, tha Rama në Kukës.