“Skifterat” bëjnë kërdinë, disa vjedhje dhe arrestime gjatë natës në vend

Me ardhjen e pushimeve dhe rritjen e numrit të turistëve duket se edhe “skifterat” kanë nisur punën e tyre. Vetëm gjatë natës së të shtunës janë regjistruar disa raste vjedhjesh dhe arrestimesh në qytetet të ndryshme të vendit.

Një banesë është grabitur gjatë natës në fshatin Turhan në Tepelenë. Hajdutët kanë thyer derën dhe janë futur në banesë duke marrë një shumë të konsiderueshme parash. Banesa është në pronësi të shtetasit me iniciale G.H. Policia ka nisur hetimet për identifikimin dhe arrestimin e autorëve.

Një tjetër vjedhje ka ndodhur në Vlorë, ku dy persona janë arrestuar, pasi kanë hyrë për të vjedhur një lokal. Autorët thyen derën e lokalit në lagjen “Kushtrimi’ në pronësi të shtetasit H.S., për të vjedhur por janë arrestuar në flagrancë nga policia. Në pranga kanë rënë shtetasit A. M., 32 vjeç dhe E. S., 27 vjeç, banues në Vlorë.

Edhe Saranda shënoi një rast vjedhje në lagjen nr. 1. Një person është arrestuar në flagrancë duke vjedhur një motor. Në pranga ka rënë një 32-vjeçar nga Ksamili, i cili është kapur në momentin që po tentonte të vidhte motorin e markës “Skygo” në pronësi të shtetasit A. Z.

Operacion masiv anti-drogë mes Italisë dhe Shqipërisë, 17 të arrestuar

17 persona janë arrestuar në një operacion të gjerë të zhvilluar në bashkëpunim mes Shqipërisë dhe Italisë. Arrestimet janë bërë në Sardenja, Emilia-Romagna, por edhe në Shqipëri. Të arrestuarit akuzohen për organizatë kriminale, trafik ndërkombëtar droge dhe shpërndarje droge.

Arrestimet janë bërë në kaudër të operacionit të koduar ‘Rruga e Detit’ nga Departamenti Territorial i Karabinierëve të Olbia nën koordinimin e Drejtorisë së Përgjithshme të Antimafiave të Cagliarit dhe të Antiterrorizmit.

Nuk dihen ende detaje të tjera në lidhje me superoperacionin e zhvilluar.

Greqi, shkatërrohet grupi shqiptaro-grek për trafikimin e drogës

Policia greke ka vënë në pranga dy shtetas shqiptarë dhe dy grek, të cilët akuzohen për trafikim të lëndëve narkotike. Arrestimet janë kryer në dy makina të ndryshme, që bashkëpunonin mes tyre, njëra shpërndante drogën, ndërsa tjera jepte sinjalizimin për kontrolle të mundshme të policisë.

Në një makinë, ku udhëtonin një shqiptar i moshës 35 vjeç dhe një grek i moshës 25 vjeç, janë sekuestruar 8 kilogramë kanabis. Droga ishte e ndarë në 8 pako dhe e futur në një çantë që ndodhej në bagazhin e makinës.

Në lidhje me ngjarjen, policia ka ndaluar edhe një makinë tjetër, ku ndodheshin gjithashtu një grek i moshës 19 vjeç dhe një shqiptar i moshës 36 vjeç, të cilët kishte rolin e sinjalizuesit për kontrolle të mundshme gjatë rrugës.

Kultivuan bimë narkotike, 7 të arrestuar në Krujë

Shtatë persona janë arrestuar nga policia e Krujës të akuzuar për kultivim të bimëve narkotike dhe armëmbajtje pa leje. Operacioni “Ndëshkimi 2” i zhvilluar nga Policia Krujë në bashkëpunim me Shërbimet e DVP Durrës dhe Forcën e Posaçme Operacionale, ishte në vijimësi të operacionit të mëparshëm policor “Ndëshkimi”, ku u arrestuan 9 persona dhe një tjetër u shpall në kërkim.

Gjatë operacionit të premten u arrestuar 7 persona konkretisht:

-T.K., 27 vjec,

-I.D., 27 vjeç,

-S.D., 28 vjeç,

– E.D., 23 vjeç,

-B.D., 38 vjeç,

-A.D., 17 vjeç,

-B.D, 19 vjeç,

Këta shtetas dyshohet se në bashkëpunim me njëri tjetrin kanë kultivuar bimë narkotike në fshatrat Barkanesh, Zgerdhesh dhe Kurcaj, të rrethit Krujë.

Policia ka bërë asgjësimin e lëndëve narkotike në periudha të ndryshme kohore, ndërsa ka sekuestruare dhe një armë zjarri Pistoletë, e gjetur në banesën e të arrestuarit T.K.

Në cilësinë e provës materiale u sekuestruan edhe 9 aparate celular. Materialet i kaluan Prokurorisë Krujë për veprime të mëtejshme.

KrujëFinalizohet një tjetër operacion policor antikanabis i koduar "Ndëshkimi 2"Në pranga 7 persona për “Kultivim të bimëve narkotike” dhe “Prodhimi dhe mbajtja pa leje e armëve luftarake dhe municionit”. Sekuestrohet një armë zjarri Pistoletë si dhe asgjesohen bimë kanabis të kultivuara nga këta persona.Operacioni nga Komisariati i Policisë Krujë në bashkëpunim me Shërbimet e DVP Durrës dhe Forcën e Posaçme Opreacionale, nën drejtimin e Prokurorisë së Krujës.Operacioni i sotëm në vijim të operacionit policor të koduar "Ndëshkimi", si rezultat i të cilit u arrestuan dhe ndaluan 9 persona dhe u shpall në kërkim një tjetër.Pas një hetimi 2 mujor me Metoda Speciale Hetimi ,Komisariati i Policise Krujë nën drejtimin e Prokurorisë së Rrethit Gjyqësor Krujë si dhe në bashkëpunim me shërbimet e Drejtorisë së Policisë Durrës e ato të F.L.O , finalizuan me sukses Operacionin Policor të koduar “Ndëshkimi 2” .Në funksion të procedimit penal prill 2019 u bë ekzekutimi i masave të sigurisë “Arrest me burg” për veprat penale “Kultivimi i bimëve narkotike”, kryer në bashkëpunim dhe “Prodhimi dhe mbajtja pa leje e armëve luftarake dhe municionit”, për shtetasit: T.K., 27 vjec, I.D., 27 vjeç, S.D., 28 vjeç, E.D., 23 vjeç, B.D., 38 vjeç, A.D., 17 vjeç, të gjithë banues në fshatin Barkanesh të rrethit Krujë.Si dhe u bë ndalimi i shtetasit B.D, 19 vjeç, me banim në Krujë për veprën penale "Kutivimi i bimëve narkotike". Ndërsa për një shtetase , Gjykata vendosi masën e e sigurisë “Detyrim Paraqitje”.Këta shtetas dyshohet se në bashkëpunim me njëri tjetrin kanë kultivuar bimë narkotike, në territorin e fshatit Barkanesh, Zgerdhesh, Kurcaj, të rrethit Krujë, ku në periudha të ndryshme, janë gjetur dhe asgjësuar kubikë të kultivuar me fara kanabis dhe fidanë të dyshuara narkotike Canabis Sativa.Gjithashtu, gjatë kontrollit të banesës së shtetasit T.K., Policia gjeti dhe sekuestroi një armë zjarri Pistoletë .Po në cilësinë e provës materiale u sekuestruan edhe 9 aparate celular.Materialet u referuan në Prokurorinë Pranë Gjykatës së Shkallës së Parë Krujë.
Gepostet von Policia e Shtetit am Freitag, 19. Juli 2019

Plagos me makinë këmbësoren, arrestohet drejtuesi

Një aksident i rëndë rrugor me plagosjen e një këmbësore ka ndodhur në qytetin e Elbasanit. Një këmbësore, identiteti i të cilës nuk bëhet i ditur është përplasur me makinë në momentin që po kalonte rrugë.

E plagosura ka marrë plagë të rënda dhe është dërguar me urgjencë drejt spitalit të Traumës në Tiranë. Policia ka vënë në pranga drejtuesin e mjetit tip “Volksëagen” 27-vjeçarin me iniciale J.GJ.

Durrës, kërkohej për gjakmarrje prej 6 vitesh, arrestohet 53-vjeçari

Policia e Durrësit ka vënë në pranga një person i cili ishte shpallur në kërkim dhe më rrezikshmëri të lartë për vrasje. Arrestohet shtetasi Skënder Baku, 53 vjeç, banues në Luz, Fushë Krujë, i cili ka vrarë për gjakmarrje.

Skënder Baku është dënuar me 35 vjet nga Gjykata për Krimet e Rënda Tiranë, më datë 28.09.2015, për veprat penale “Vrasje për gjakmarrje, kryer në bashkëpunim “dhe “Prodhimi dhe mbajtja pa leje e armëve luftarake dhe municionit”. Ai kishte arritur që t’i shpëtonte drejtësisë, por u arrestua më 12 korrik 2019 në kuadër të operacionit “Revenge” .

Skënder Baku akuzohet për vrasjen me qëllim gjakmarrje të shtetasit Lulëzim Shera, i cili i vrau të vëllanë Arjan Bakun. Ngjarja ka ndodhur në 1992 në burgun 313 dhe për këtë Shera u dënua me 20 vite burg dhe doli në 2010. Mesa duket ky dënim nuk ka mjaftuar për familjarët e viktimës Arjan Bakun. Vëllai i tij Skënder Baku, pas daljes nga burgu të Sherrës e ka ekzekutuar atë në 2013 pranë një dyqani në Fushë Krujë. Ai u arratis pas krimit duke i shpëtuar drejtësisë për 6 vite.

DurrësFinalizohet operacioni policor i koduar "Revenge".Kapet një person i shpallur në kërkim për vrasje, i dënuar me 35 vite burg. Në vijim të punën për kapjen e personave në kërkim, Strukturat e Drejtorisë Vendore të Policisë Durrës, në bazë të informacioneve të marra në rrugë operative për vendndodhjen e një personi të dënuar për vrasje, kanë zhvilluar dhe finalizuar me sukses operacionin policor të koduar "Revenge", si rezultat i të cilit u bë e mundur kapja dhe ndalimi i shtetasit në kërkim:- Skënder Baku, 53 vjeç, banues në Luz, Fushë Krujë . Kapja dhe ndalimi i tij u bë pasi Gjykata për Krimet e Rënda,Tiranë, më datë 28.09.2015, e ka dënuar me 35 vjet burg, për veprat penale "Vrasje për gjakmarrje, kryer në bashkëpunim "dhe "Prodhimi dhe mbajtja pa leje e armëve luftarake dhe municionit”.Ky shtetas më datë 01.09.2013 në qytetin e Fushë Krujës ka vrarë me armë zjarri shtetasin L.Sh.Materialet i kaluan Prokurorisë për veprime të mëtejshme.
Gepostet von Policia e Shtetit am Freitag, 12. Juli 2019

Armë dhe drogë me vlerë 3 milionë euro, arrestohet shqiptari në Itali

Një shtetas shqiptar është arrestuar nën akuzën e trafikimit të lëndëve narkotike. Emiliano Keci, 38 vjeç, u vu në monitorim nga policia italiane pas lëvizjeve të dyshimta që bënte në banesën e tij. Kjo bëri që ato të viheshin në ndjekje të shqiptarit, i cili pas ndalimit u kap me një kilogram kokainë në makinë.

Gjatë kontrollit të banesës së tij, policia sekuestroi edhe 18 kilogramë kokainë e cila kapte një vlerë prej 3 milionë euro. Shqiptarit iu gjetën edhe tre armë: një Beretta 6.35 me silenciator, një Tokarev 7.62, e prodhimit rus dhe një pistoletë bosh.

Policia italiane po punon për të zbuluar origjinën e drogës si dhe destinacionin e saj.

Mbi 84 kg drogë dhe me mijëra euro me vete, arrestohet 5 shqiptarë në Athinë

Gjashtë persona, mes tyre 5 shqiptarë, janë arrestuar nga policia greke në Athinë nën akuzën e trafikimit të drogës.

Shqiptarët e moshave nga 27-44 vjeç dhe shtetasi grek, 37 vjeç, janë ndaluar në me një sasi prej 84 kg e 411 gram majiuanë. Gjatë kontrollit policia ka sekuestruar edhe 6245 euro, 400 lek shqiptare, 1 automjet, 1 motor, 1 peshore si dhe 6 celularë. Sipas policisë ky grup kriminal ka arritur të fitojë nga trafikimi i drogës rreth 180.000 euro

Tiranë, organizonte lojëra fati në lokalin e tij, ndalohet pronari

Policia e Tiranës ka nisur procedimin penal për një 43-vjeçar i cili akuzohet se ka zhvilluar veprimtari të lojërave të fatit në lokalin tij.

43-vjeçari me iniciale F.Z., u arrestuar pas kontrollit që policia kreu në lokalin e tij në rrugën “Don Nikoll Marku”. Gjatë kontrollin u sekuestruan 11 monitorë me tastiera, një njësi kompjuteri dhe një pajisje për shpërndarje interneti që shërbenin për të ushtruar veprimtarinë e lojërave të fatit.

Policia ka vendosur procedimin e këtij shtetasi në gjendje të lirë, i cili akuzohet për “Vënia në dispozicion e lokaleve për vepra të palejuara” dhe për “Organizimi i lotarive të palejuara”.

Vidhnin makina dhe trafikonin drogë, arrestohen 3 shqiptarë në Itali

Tre shtetas shqiptarë kanë rënë në prangat e policisë italiane pasi akuzohen për vjedhje të makinave dhe trafikim të lëndëve narkotike. Arrestohen shqiptarët Emanuel Macaj, 31 vjeç, Gentian Kurtulla, 27 vjeç dhe Xhovan Bela, 25 vjeç.

Policia ra në gjurmët e tre shqiptarëve pas denoncimit të një makine të vjedhur Audi S5 , të cilën ato e përdorni për veten tyre.

Gjatë kontrollit policia gjeti në makinën e shqiptarëve një pistoletë dhe rreth një kilogram marijuanë. Policia sekuestroi edhe disa mjete të tjera që dyshohet se përdoreshin për të kryer grabitje.