Përfundojnë 7 urat, gati të hapet autostrada Kukës-Morinë

Për pak ditë do të jetë funksionale dhe karrexhata e re e autostradës Kukës-Morinë. Drejtoresha e Autoritetit Rrugor Shqiptar, Sonila Qato ka inspektuar punimet në 7 urat e ndërtuarat, të cilat kishin mbetur pa përfunduar prej vitesh. Nëpërmjet një njoftimi për mediat, ARRSH njofton se rruga do të jetë gati për qarkullimin e mjeteve pas pak ditësh, ndërkohë që po punohet për përfundimin e sinjalistikës, pasi çdo proces tjetër pune është mbyllur.

“Shumë shpejt hapet e plotë rruga Kukës-Morinë. Drejtoresha e ARRSH-së inspektoi nga afër ecurinë e punimeve të 7 urave (Viadukteve)  të ndërtuara tashmë në rrugën kombëtare Kukes-Morinë pak ditë përpara hapjes për trafik. ARRSH dhe Kontraktori po punojnë të organizuar në këtë vepër madhore dhe me intensitet të plotë këto ditë me qëllim që rruga të jetë e hapur për përdorimin e mjeteve shumë shpejt”, shkruhet në njoftim.

Segmenti nga Kukësi deri në doganën e Morinës ishte një nga pjesët e mbetura të papërfunduara të autostradës Durrës-Kukës. Problemi kryesor ishte mospërfundimi i 7 urave, të cilat pengonin lëvizjen e mjeteve në të dyja karrexhatat e rrugës. Gjithashtu, për shkak të mospërfundimit të këtij segmenti rrugor, jo vetëm kishte vështirësi në qarkullimin e mjeteve, por shpesh janë shkaktuar dhe aksidente me pasoja fatale.

Përfundon tuneli i ri në autostradën Tiranë-Elbasan

Ka përfunduar para afateve tuneli i ri në autostradën Tiranë-Elbasan që u ndërtua për të zgjidhur problemin e rrëshqitjes së dherave.

ARRSH ka njoftuar të gjithë udhëtarët se tuneli tashmë është i aksesueshëm dhe se nuk ka më probleme me rrëshqitje të dheut, që përbënte rrezik dhe shqetësim të madh për qytetarët.  Pas përfundimit të tunelit, po punohet për rigjelbërimin e zonës.

Ministrja Balluku tha se i gjithë projekti do  të përfundojë në fund të muajit maj.

“Autoriteti Rrugor Shqiptar, njofton të gjithë perdoruesit e rrugës 🛣 Tiranë-Elbasan se dje me datë 27 Prill 2019 kanë përfunduar punimet e tunelit, për stabilizimin e rrëshqitjes në aksin Tunel – Elbasan km.17.36 ÷ 17.46, pjesë e aksit Tiranë – Elbasan, në respektim të plotë të afateve të përcaktuara në kontratë. ✅

Tuneli tashmë është i aksesushëm nga drejtuesit e mjeteve dhe po pasojnë ndërhyrjet me impakt mjedisor për rigjelbërimin e zonës”, njofton ARRSH.

📌Njoftim për Opinionin Publik Autoriteti Rrugor Shqiptar, njofton të gjithë perdoruesit e rrugës 🛣 Tiranë-Elbasan se…

Publiée par Autoriteti Rrugor Shqiptar – Faqja Zyrtare sur Dimanche 28 avril 2019
Skip to toolbar