Këtë të mërkurë gazeta gjermane “Bild”
publikoi pesë audiopërgjime të dosjes “Nr.399”, që dyshohet se implikon kryetarin aktual të bashkisë së Durrësit
Vangjush Dako dhe drejtues të bandës “Avdylaj”, në blerje votash.
Këto përgjime kanë qenë tema e ditës në Shqipëri,
duke shkaktuar reagime të shumta nga partitë politike të opozitës, mazhorancës
dhe institucioneve të drejtësisë, ku këto të fundit janë vënë në lëvizje për të
gjetur prokurorët që kanë “nxjerr skeretin hetimor”.
RealStory.al, fton qytetarët shqiptarë të
marrin pjesë në një sondazh, për të dhënë mendimin nëse këto përgjime se nëse këto
provojnë tezën e opozitës për shitblerje të votës, ndërhyrjen në vota apo
mbetet një rast i izoluar.
Për të dhënë përgjigjen tuaj për këto tre pyetje, votoni në sondazhin e mëposhtëm:
Gazeta gjermane “BIld” ka publikuar telefonatën
mes Astrit Avdylajt dhe vëllait të deputetit të PS-së, Ilir Ndraxhi.
BILD sqaron se në bisedën mes Avdylajt dhe Arjan
Ndraxhit del se ai i ka kërkuar Ramës përmes Vangjush Dakos që Ilir Ndraxhi të
futet në listën e kandidatëve për deputetë në Durrës.
Gjatë bisedës, Avdylaj e pyet vëllain e
kandidatit socialist nëse ai është konfirmuar si kandidat i PS. Gjithashtu,
Astriti zotohet se do të punojë fort aq sa ata do të surprizojnë të gjatin (Edi
Ramën) me një rezultat pozitiv për të marrë 10 deputetë.
PERGJIMI
Vëllai i deputetit të PS Ndraxhi: Titi, si je?
Astrit Avdylaj: Si je Arjan? Ç’kemi?
Vëllai i deputetit të PS Ndraxhi: Mirë. Asgjë
e veçantë, duke u marrë me çunin. Çfarë bëhet ndonjë gjë?
Astrit Avdylaj: Asgjë vëlla. Të mora për qejf,
a ke dëgjuar ndonjë gjë apo jo…
Vëllai i deputetit të PS Ndraxhi: Për çfarë?
Astrit Avdylaj: A i kanë bërë ndonjë thirrje
vëllait apo jo (Ilir Ndraxhi)
Vëllai i deputetit të PS Ndraxhi: Jo shoku, ai
tha që do të takohej me ty. Ju s’keni pas mundësi dje se ka qenë Juvja (ndeshje
futbolli) ose nuk e di. Ai tha që Juli ka folur dhe që do vijë nesër ta takojë.
Ai mori në darkë dhe tha që do rrijë nesër me Ridin, Astritin dhe Julin.
Astrit Avdylaj: Po.
Vëllai i deputetit të PS Ndraxhi: Dhe pastaj
do ta takojë atë. Por me Gjushin (Vangjush Dako kryetar i Bashkisë së Durrësit),
në fakt do takohen për punë pune…
Astrit Avdylaj: Ok, ok, unë jam duke pritur.
Nesër, ose pasnesër, ai (Vangjush Dako) më tha që ne e kena në xhep… E kupton
ç’dua të them?
Vëllai i deputetit të PS Ndraxhi: Po, po.
Astrit Avdylaj: Ne thjesht po presim, ai më
tha mua, në 25. Eltoni (Arbana) ishte atje gjithashtu. Ai i tha Eltonit që do
ta vendosë të 10-in ose 11-in.
Vëllai i deputetit të PS Ndraxhi: Epo mirë,
mirë…
Astrit Avdylaj: Unë jam duke punuar këtu, me
një fjalë, me fqinjët e mi, me njerëzit, me një fjalë, nuk dalë ndonjëherë në
pazar, por jam duke takuar çdo njeri. E kam shumë me merak dhe duhet të jemi
shumë të nderuar edhe te ai sipër (Edi Rama). Ai do të na shohë me një kështu…
Vëllai i deputetit të PS Ndraxhi: Po, e
vërtetë…
Astrit Avdylaj: Që t’i japim atij (Edi Ramës)
një 10-çe me zero, që edhe ai vetë të habitet.
Vëllai i deputetit të PS Ndraxhi: Bëji një
telefonatë Julit, shko dhe pi një kafe te puna me atë.
Astrit Avdylaj: Mirë o rob zoti.
Vëllai i deputetit të PS Ndraxhi: E ke numrin
e Julit?
Astrit Avdylaj: Po e kam, e marr unë.
Vëllai i deputetit të PS Ndraxhi: Shumë
faleminderit!
Gazeta gjermane “Bild” ka publikuar bisedat e përgjuara
në telefon që janë pjesë të dosjes 339 ku përmendet Vangjush Dako. Në përgjimin
e dytë është një bisedë mes Astrit Avdylajt dhe drejtorit të ujësjellësit të
Durrësit, Ivo Doci.
Në këtë telefonatë Avdylaj i thotë Docit se ka
biseduar me Dakon dhe se kërkon t’i bëjë gati listën e punonjësve të ujësjellësit
që janë me PD. Sipas Avdylajt nëse duan të mbajnë vendin e punës duhet të japin
votën.
PERGJIMI
Astrit Avdylaj: Mirëmbrëma, Astriti jam.
Drejtor i Ujësjellësit në Durrës: Astrito si
ja çove, si je, ça bën ti?
Astrit Avdylaj: Mirë faleminderit, ju mirë?
Drejtor i Ujësjellësit në Durrës: Mirë rrofsh,
ja sa erdha në shtëpi.
Astrit Avdylaj: Dëgjo tashti, unë isha një çik
sot te ai në Durrës (Vangjush Dako). Jam këtu me Elton Arbanën dhe me Dor
Gallarin, edhe nesër kur të kesh kohë ti, du me fol një çik, tu pa listën, ça
ke aty punonjës, edhe kundra që mund ti kesh të PD-së aty, ndonjë aty te puna.
Drejtor i Ujësjellësit në Durrës: E kuptoj.
Astrit Avdylaj: I du të gjithë ata emra që
mund të kesh kundra.
Drejtor i Ujësjellësit në Durrës: I kam nda
unë, i ke të ndarë komplet.
Astrit Avdylaj: A ashtu, këtë kërkoj unë.
Drejtor i Ujësjellësit në Durrës: I kam bërë
para unë, kshu që i ke gati
Astrit Avdylaj: Eee ashtu. Kur të kesh kohë,
se duhet me i thirr atyre që ti tundim nga një çik.
Drejtor i Ujësjellësit në Durrës: E kuptoj,
s’bëhet fjalë fare.
Astrit Avdylaj: O te puna, o të na japin
votën, ose të ikin te shpija.
Drejtor i Ujësjellësit në Durrës: As bëhet
fjalë fare.
Astrit Avdylaj: Kupton?
Drejtor i Ujësjellësit në Durrës: I ke të
ndarë, i kam bërë gati të gjitha. Edhe kush ka hyrë në punë, edhe kush ka qenë,
i kam ndarë të gjitha komplet. I kam kshu me kompjuter të punume.
Astrit Avdylaj: Ok du të mi qethësh me një
fjalë edhe.. a më kupton?
Drejtor i Ujësjellësit në Durrës: Patjetër. Të
bëj unë telefon nesër.
Astrit Avdylaj: Mirë vëlla, natën e mirë, na
fal për…
Drejtor i Ujësjellësit në Durrës: Ça thu mo..
çfarë na fal, i madhe je
