Tag: Bayern Munich

Coutinho firmos me Bayern, klubi e vlerëson me “10”

Philippe Coutinho ka hedhur firmën në kontratën e re me Bayern Munich, duke u transferuar nga Barcelona në formë huazimi për një vit në “Allianz Arena”. Sulmuesi brazilian ka kaluar me sukes testet mjekësore te ekipi baravarez, ndërsa të hënën pasdite ka firmosur kontratën e re me klubin. “Jam vërtet i impresionuar dhe jam shumë i lumtur që jam këtu”, është shprehur në fjalët e tij të para si futbollist i Bayernit, brazilianit. “Mezi pres që të stërvitem me shokët e skuadrës të martën. Kjo është një ditë shumë e lumtur për mua”, ka thënë Coutinho, që do të mbajë numrin ‘10’ te Bayerni.

“Jam shumë i sigurt se me Philippen do të kemi dhe më shumë cilësi. Ne kemi një lojtar që njihet për teknikën e tij të shkëlqyer dhe shpirtin e tij”, është shprehur CEO Karl-Heinz Rummenigge. Coutinho ka nisur të luaj futboll në vendlindjen e tij në Brazil në Rido de Janeiro. Shumë shpejt ai u bë pjesë e akademisë së ekipit Vasco de Gama. Teknika e tij e jashtëzakonshme u vu re në Europë, kur në vitin 2008, Interi siguroi shërbimet e talentit.

Në vitin 2010 Coutinho bëri debutimin me kombëtaren braziliane, ndërsa mbrriti në Europë tek Interi. Në janar të vitit 2013, pasi nuk gjeti shumë hapësirë te Inter, Coutinho u bashkua me Liverpool. Ai luajti 201 ndeshje për “Reds” dhe shënoi 54 gola, ndërsa asistoi në 45 të tjerë.

Ky shpërthim i brazilianit tërhoqi vëmendjen e Barcelonës, që në janar të vitit 2018 bleu brazilianin duke e bërë atë lojtarin e dytë më të shtrenjtë në botë. Me katalanasit, Coutinho luajti 76 ndeshje, duke shënuar 21 gola dhe asistuar 11 të tjerë. Për shkak të konkurencës së madhe në ekip, Coutinho nuk arriti të gjente shumë vend te Barcelona, që tashmë e huazon për një vit te Bayern.

Bayern bëhet ‘francez’, firmos mesfushori i talentuar

Mickael Cuisance është larguar zyrtarisht nga Borussia Monchengladbach, dhe ka firmosur për Bayern Munich në “Allianz Arena”. Kontrata e re mes klubit baravarez dhe mesfushorit i lidh dy palët për pesë vite me njëri-tjetrin. 20-vjeçari francez do të nis stërvitjen me klubin e ri duke nisur që nga fillimi i kësaj jave.

Bayern ka paguar rreth 10 milion euro ndaj klubit rival të Bundesligas për mesfushorin. Drejtori sportiv i klubit, Hasan Salihamidzic, u shpreh se blerja e Cuisance është me shumë vlera për skuadrën, pasi ai është një lojtar me cilësi të mira teknike. “Ai ka shumë aftësi teknike dhe potencial të madh. Mickael duhet të zhvillohet me ne. Jemi të bindur se do të argëtohemi shumë me të”.

Cuisance shpërtheu në Bundesliga me 24 paraqitje e tij, gjatë sezonit 2017-2018m pavarësisht se nuk ishte gjithmonë pjesë e formacionit fillestar. Ai bëhet lojtari i pestë francez në skuadrën e Niko Kovac, duke iu bashkuar Benjamin Pavard, Lucas Hernandez, Corentin Tolisso dhe Kingsley Coman.

“E di që ky është një hap i madh për mua por ndihem i gatshëm dhe jam shumë krenar që vesh fanellën e Bayernit”, tha Cuisance. Bayern pritet të njoftojë në mënyrë të përfundimtare nënshkrimin e huazimit të yllit të Barcelonës, Philippe Coutinho, i cili mësohet se të dielën do të kryejë testet mjekësore.

Dortmundi ‘shuplakë’ Augsburgut, mesazh Bayernit që në nisje

Këtë fundjavë kanë nisur kampionatet kryesore ne Evropë. Mes tyre ka qenë dhe Bundeslia, me ndeshjen e parë që u luajt të premten mes Hertha Berlin dhe kampionëve në fuqi, Bayern Munich. Pasditen e të shtunës janë luajtur takimet e radhës të javës së parë të Bundesligas, ku skuadra e Dortmund ka fituar 5-1 kundër Augsburg. Ishte skuadra mike që shënoi e para me Niederlechner, sapo nisi ndeshja, por dy minuta më vonë Dortmund barazoi shifrat me Alcacer.

Me barazimin 1-1 u mbyll takimi në pjesën e parë, ndërsa në të dytën, Sancho shënoi golin e avantazhit në minutën e 51, Reus trefishoi në të 57`, ndërsa dy minuta më vonë ishte përsëri Alcacer që shënoi golin e katërt për Dortmund. Në të 82` Brandt realizoi golin e pestë, duke vulosur shifrat e fitores në 5-1 për skuadrën e tij.

E ka nisur mbarë dhe Freiburg i Amir Abrashit, që ka fituar në shtëpi 3-0 ndaj Mainz, duke u bashkëngjitur Dortmundit në vendin e parë. Golat u realizuan të gjithë në pjesën e dytë, ndërsa Abrashi u fut si zëvendësues vetëm një minutë para përfundimit të kohës së rregullt të ndeshjes.

Bayern Leverkusen ka mundur në shtëpi 3-2 Paderborn, ndërsa Dusseldorf ka fituar në transfertë ndaj Werder Bremen, me golin e vetëm të Bremen asistuar nga Milot Rashica. Wolsburg ka fituar 2-1 ndaj Koln.  

Perisiç lë Interin për Bayernin, një sezon i huazuar të kampionët e Gjermanisë

Ivan Perisiç ka firmosur këtë të martë kontratën njëvjeçare me Bayern Munich. 30-vjeçari kroat ka kaluar me sukes testet mjekësore, për të firmos më pas kontratën e re të huazimit nga Interi te Bayern Munich. Kontrata parashikon një vit huazim deri në 30 qershor të vitit 2020, dhe më pas skuadra bavareze ka të drejtën për të blerë kartonin e Perisiç.

“Ivan do të na ndihmojë me përvojën e tij shumë vjeçare në nivele të larta ndërkombëtare” tha drejtori  sportiv Hasan Salihamidzic, “ai është teknikisht i fortë dhe fleksibël në sulm. Jam i sigurt që Ivan do të integrohet shpejt pasi ai tashmë e njeh mirë Bundesligën dhe trajnerin tonë Niko Kovac”, ka përfunduar drejtori i Bayern Munich.

Ivan Perisiç në fakt e njeh mirë kampionatin gjerman. Para se ai të shkonte në Itali tek Inter, ka luajtur me ekipin e Wolfsburg dhe Borussia Dortmund. “Jam shumë i lumtur që kthehem në Gjermani. Bayern është një nga klubet më të mëdha në Evropë. Ne duam të sulmojmë jo vetëm në Bundesligë dhe në Kupën e Gjermanisë, por edhe në Ligën e Kampionëve”, tha Perišić, i cili nënshkroi kontratën e tij në Säbener Straße pas një kontrolli të suksesshëm mjekësor.

Real Madrid me shifra “apokaliptike”, pëson 16 gola në pesë ndeshje

Real Madrid është duke kaluar periudhën më të vështirë në aspektin sportiv, që prej vitit 1980. Skuadra e Zinedine Zidane ka pësuar 16 gola në pesë ndeshje të luajtura, gjatë turneve të verës në SHBA dhe Europë.

Shifra të frikshme këto që duhet të shqetësojnë tifozët madrilenë për ekipin e tyre, që këtë sezon ka shpenzuar jo pak në merkato. Humbja 3-7 ndaj Atletico Madrid në stadiumin “MetLife” solli përsëri në kujtesë humbjen famëkeqe 9-1 nga Bayern Munich në verën e vitit 1980.

Dhe ngjashmëritë midis atij sezoni dhe këtij aktuali janë shumë të mëdha. Në pesë ndeshje Real Madrid pësoi 16 gola. Kjo është një shifër e madhe. Nëse ekipi i Zidane do të pësojë një tjetër gol në 7 gusht ndaj Red Bull Salzburgut apo kundër Romës katër ditë më vonë, do të barazohet rekordi famëkeq i vitit 1980, ku Real pësoi 17 gola gjatë turneve të verës.

 “Të mos harrojmë se kjo është para sezonit”, u shpreh Benzema gjatë turneut “Audi” në Munih. Të njëjtin mendim pati dhe Zidane, pas humbjes me Bayernin në Huouston, në turneun e klubeve në SHBA. “Ne do i rregullojmë gabimet”, tha tekniku i madrilenëve.

Ribery e Robben e mbyllin mes lotësh gëzimi, Bayern Munich fiton Bundesliga-n (video)

Bavaria do të vijojë të jetë mbretëria e futbollit gjerman deri në përfundim të sezonit të ardhshëm. Mes një atmosfere të jashtëzakonshme të tifozerisë në “Allianz Arena”, Bayern Munich ka triumfuar ndaj Frankfurtit dhe ka festuar titullin e 7-të radhazi në Bundesligë dhe të 29-in në historinë e klubit.

Ka qenë një ndeshje emocionuese, jo vetëm sepse Bayernit i duhej fitorja për të konfirmuar fitoren e titullit në Bundesliga, por sepse kjo ishte ndeshja e fundit e Franck Ribéry dhe Arjen Robben, dy nga lojtarët më të rëndësishëm për Bayernin gjatë kësaj dekade, të cilët tashmë do të largohen nga klubi bavarez.

Skuadra e Niko Kovaç arriti të shënonte që në minutën e katërt me Coman. Në pjesën e dytë Haller ka barazuar në minutën e 50′, por tre minuta më vonë Alaba ka kaluar përsëri në avantazh Bayern-in. Sanches në minutën e 58′ ka trefishuar për Bayernin.

Megjithatë, stadiumi bavarez ka shpërthyer në ovacione dhe ekzaltim në minutën e 72′ dhe të 78′, kur Ribery dhe Robben kanë realizuar golin e katërt dhe të pestë para tifozëve të Bayernit. Kështu, dy lojtarët i kanë dhënë fund në mënyrën më të mirë të mundshme historisë së tyre me Bayern Munich.

Fundjavë e çmendur në Gjermani, Bayern apo Dortmund, kush e fiton Bundesligën?!

Gara për titullin në Premierligë u mbyll një javë më parë, teksa mes dy ekipeve pretendente, në fund triumfi shkoi për Manchester Cityn. Megjithatë, këtë fundjavë do të luhet java më dramatike e luftës për titull, në një nga kampionatet më të mëdha në Europë, Gjermani. Bayern Munich dhe Borussia Dortmund, do të luajnë aktin final të “dramës” së titullit kampion në Bundesliga. Ndryshe nga Prmier League, ku Manchester City dhe Liverpooli kishin grumbulluar pikë të mëdha në ndjekjen e vazhdueshme të titullit, ka qenë histori tjetër ajo mes Bayern Munich dhe Borussia Dortmund.

“Bundesliga perfekte në një finale perfekte”, është titulli i lajmit të Deutsche Welles, rrjeti televiziv gjerman, që komenton pikërisht javën e fundit të kampionatit në Bundesliga, ku do të vendoset dhe se kush do të jetë Kampion i Gjermanisë këtë sezon.  Gjatë gjysmës së parë të sezonit, Dortmundi u duk se ishte në rrugë të mbarë për të fituar titullin e dytë të kësaj dekade, që prej sezonit 2011/12, kur në atë kohë drejtohej nga Jurgen Klopp. Ata grumbulluan pikët e dyta më të mëdha në historinë e klubit deri në mesin e sezonit, aq sa në dhjetor ishin nëntë pikë para Bayern Munich.

Megjithatë, gjatë gjysmës së dytë të sezonit, Dortmundi ka bërë “çmenduri” në Bundesliga. Skuadra mori një fitore 3-0 në fillim të këtij viti, para se të shkonte në një barazim 3-3 me Hoffenheim në muajin shkurt, ndërsa më pas erdhi dhe humbja 3-0 me Tottenham në Ligën e Kampionëve. Më pas një barazim ndaj Nurembergut dhe goditja e madhe nga Bayern, që fitoi sfidën direkte me rezultatin 5-0.

Por nuk mbeti me kaq, pasi Dortmund pësoi një tjetër humbje dramatike me Schalken që fitoi 4-2, dhe pastaj Werder Bremen 2-0, rrënuan gjithçka për Borussian. “Një ditë mund të jemi trishtuar për shkak të gabimeve që kemi bërë, ndërsa ditën tjetër mund të jemi të lumtur, sepse kemi ende mundësi për të qenë kampionë. Bundesliga është e çmendur”,  tha Axel Witsel pasi Dortmund mbeti në garë për titull kur fitoi ndaj Fortuna Dusseldorf fundjavën e kaluar.

Bayerni ka rikuperuar shumë nga një fillim i ngadalshëm me një nga finalet e tyre më të mira në vitet e fundit. Ata kanë humbur vetëm një herë në 2019 në Bundesliga dhe kanë marrë 39 pikë nga 48-të të mundura. Skuadra e Kovaç mund të kishte fituar titullin e tyre të shtatë fundjavën e shkuar, por u ndalën në barazim pa gola nga Leipzig, teksa Goretzka-s iu anulua një gol për pozicion jashtë loje, që në fakt ishte i dyshimtë.

Nëse Bayerni fiton titullin nesër, do të jetë i pari që fiton në shtëpi, që prej sezonit 1999/2000.  “Tani kemi mundësi për të fituar titullin në ndeshjen e fundit, përpara tifozëve tanë. Nuk mendoj se ka gjë  më emocionuese se kaq,” tha Goretzka. Bayern Munich pret Eintracht Frankfurt në ditën e fundit ndërsa Dortmund udhëton në Borussia Monchengladbach. Skenari i vetëm, që Bayern të humb titullin dhe të triumfojë Borussia Dortmund, është që këto të fundit të fitojnë ndeshjen në transfertë, ndërsa Bayern të mundet. Në të kundërt, Barazimi apo fitorja e Bayern-it i shpall këta të fundit kampion pasi kanë golavarazh më të mirë se Dortmund.

Manchester United interesohet për Robert Lewandowski-n!

Robert Lewandowski ka refuzuar të rinovojë kontratën me Bayern Munich deri më tani. Klubi gjerman kërkon që gjatë verës të hidhet firma në kontratën e re mes klubit dhe sulmuesit polak.

Mirëpo Leva nuk e ka pranuar një gjë të tillë deri më tani. E gjithë kjo situatë mund të shfrytëzohet nga klube të tjera, që synojnë një transferim të mundshëm.

Ole Gunnar Solskjaer dhe klubi që ai drejton, Manchester United ka kërkuar informacion rreth situatës së Robert Lewandowskit.

Aktualisht futbollisti polak ka një kontratë deri në vitin 2021 me Bayern, teksa sipas mediave gjermane klubi ka vendosur të bëjë një ofertë të fundit pas finales së Kupës së Gjermanisë, që do të luhet javën e ardhshme.

Nëse 30-vjeçari e refuzon ofertën e Bayern, gjasat janë që ai të largohet gjatë verës, ku veç United, interes ka shfaqur dhe Paris Saint-Germain.

Ndalet Bayern, Dortmund shpreson ende te titulli (video)

Bayern Munich ka bërë një hap fals në ndeshjen e javës së 33-të Bundesligës, duke barazuar 0-0 me Leipzig. Kështu çështja e titullit do të diskutohet deri në javën e fundit në kampionat.

Pas një pjese të parë që përfundoi në barazim pa gola, pas pushimit Bayern arriti të shënonte me Goretzka-n. Mirëpo goli i këtij të fundit u anulua nga VAR, pasi Lewandowski ishte në pozicion jashtë loje.

Ndalesa e Bayernit është shfrytëzuar nga Borussia Dortmund, që ka arritur të fitojë në fushën e Dusseldorf me rezultatin 3-2. Kështu Dortmund shkon vetëm dy pikë larg vendit të parë që mbahet nga Bayern, teksa titulli do të diskutohet në ndeshjen e fundit.

Bayern e zyrtarizon, Ribery largohet në fund të sezonit!

Franck Ribery nuk do të rinovojë kontratën me Bayern, e cila skadon më 30 qershor. Sulmuesi 35-vjeçar do të largohet në fund të sezonit së bashku me shokun e tij të skuadrës Arjen Robben, duke i dhënë fund aventurës gati 12 vjeçare me Bayern Munich.

Lajmin e ka konfirmuar vetë klubi bavarez, teksa citon edhe futbollistin francez, që ka folur për kanalin zyrtar të klubit. “Kur erdha në Bavari, një ëndërr u bë realitet. Lamtumira nuk do të jetë e lehtë, por kurrë nuk do ta harrojmë atë që kemi arritur së bashku, pasi kemi fituar mbi 20 trofe gjatë kësaj periudhe”, ka thënë Ribery.

Karl-Heinz Rummenigge, Presidenti i Bayern, thotë: “Franck dhe Arjen janë lojtarë të mëdhenj. Bayern u është shumë falenderies atyre, dhe do të përgatisë një lamtumirë të madhe dhe emocionuese. Ata kanë ndihmuar në krijimin e dekadës më të suksesshme të Bayern-it në futboll”, ka thënë numri një i klubit.

Arjen Robben njoftoi largimin e tij nga Bayern në fund të vitit 2018, teksa u shpreh se me mbylljen e sezonit ai do të largohej nga Munich. Sakaq, klubi ka menduar që gjatë sezonit të ardhshëm të organizojë dhe një ndeshje lamtumire për dy yjet e saj.

Skip to toolbar