Tag: Champions League

Gafat largojnë Shkëndijën nga Champions League

Shkëndija e Tetovës e ka mbyllur aventurën në Champions League, pasi është eleminuar në turin e parë kualifikues nga Kalju i Estonisë. Skuadra e shqiptarëve të Tetovës, nuk arriti të ruante avantazhin 1-0 të ndeshjes së parë në transfertë, duke humbur në shtëpi me rezultatin 1-2 kundër skuadrës estoneze, e cila në fakt bëri një surprizë të madhe në këtë kompeticion.

Miqtë e nisën mirë takimin duke ndëshkuar Shkëndijën në minutën e 6`. Ishte Klein që kaloi të tijët në avantazh, pasi shënoi me kokë pas një gjuajte nga goditja e këndit. Me avantazhin e miqve u mbyll pjesa e parë, pavarësisht tentativave të herë pas hershme të Shkëndijës për të gjetur golin. Pas pushimit, skuadra “kuqezi” tregon më shumë dëshirë në fushë, duke sulmuar portën kundërshtare.

Në minutën e 62`, erdhi dhe momenti i golit të barazimit për Shkëndijën, që fiton një penallti. Ibraimi nuk gabon nga pika e bardhë dhe vendos barazpeshën në fushën e lojës. Megjithatë, miqtë nuk dorëzohen dhe kërkojnë golin e kualifikimit deri në fund.

Kështu, në minutën e parë shtesë pas kohës së rregullt, një gafë e portierit të ekipit tetovar, bëri që Kalju të kalonte përsëri në avantazh me Liliu, duke u kualifikuar për në turin e dytë të Champions League. Ndërkohë, Shkëndija e mbyll me kaq aventurën në Champions.

Partizani në Qarabaq, mrekullia mund të jenë penalltitë

Partizani ka mbrritur në Azerbajxhan, ku të mërkurën do të përballet me kampionët vendas, Qarabag, në ndeshjen e kthimit të turit të parë kualifikues të Champions League. Skuadra shqiptare do të synojë të bëj mrekullinë në Azerbajxhan, pas takimit të parë,  që u luajt në Tiranë dhe që përfundoi në barazim 0-0. Ndonëse do të jetë shumë e vështirë, ‘Demat’ janë përgatitur për penalltitë.

“Penalltitë janë pjesë e lojës, dhe kjo do të varet nga rrjedha e ndeshjes. Nëse mbyllet sërish 0-0, atëherë duhet të jemi të përgatitur prë penalltitë”, është shprehur trajneri i Partizanit, Franco Lerda në konferencën për shtyp një ditë para ndeshjes. Më tej, tekniku italian i të “Kuqve”, ka thënë se skuadra do të bëj më të mirën, duke synuar edhe kualifikimin.

“Nuk kemi ardhur në Baku si turistë. Nesër do bëjmë më të mirën tonë. Ndeshja e parë është mbyllur tani, dhe nesër do japim maksimumin në fushë. Nuk është se duam të kemi një avantazh psikologjik ndaj rivalit. por, ne do të fitojmë nesër. Buxheti i Karabakut është disa herë më i lartë se i yni. E respektojmë kundërshtarim. Të shohim tani si do shkojë në fushë nesër”, është shprehur Lerda.

Në fund, trajneri italian, ka bërë dhe një vlerësim për kundërshtarët, duke treguar cilësinë më të mirë që ata kanë, lojën 1-1. “Ndeshja e parë konfirmoi atë që dija për Karabakun. Është një ekip shumë i fortë. Ata kanë lojtarë shumë të mirë 1 kundra 1”, ka përfunduar Lerda. Nëse Partizani kalon Qarabag të mërkurën, kampionët e Shqipërisë do të përballen në turin tjetër me fituesin e çiftit Dundalk-Riga.

Përballja me Qarabag, Hoxha tregon dëshirën: Kulaifikimi të vendoset nga penalltitë

Portieri dhe njëherazi kapiteni i Partizanit, Alban Hoxha ka folur në konferencë për shtyp, një ditë para ndeshjes ndaj Qarabag, e vlefshme për turin eliminator të UEFA Champions League. Gardiani i ‘kuq’ është shprehur se skuadra do mundohet të bëj mirë në takimin e së mërkurës, ndërsa shpreh dëshirën që kualifikimi të zgjidhet nga gjuajtja e penalltive.

Grupi i lojtarëve? U bënë gati tre javë që stërvitemi dhe kanë ardhur lojtarë që mundohen të ambientohen me grupin. Mendojmë të bëjmë mirë në përballjen me Karabakun”.

A mund të gjuaj penallti?  “Mendoj se ka lojtarë që gjuajnë më mirë se unë, po patjetër do e merrja ta gjuaja një nëse më kërkohet, nuk jam tip emocional”.

Shanset tona? “Mbas ndeshjes me Ferencvarosh, atë të parën, njerëzit nuk e besonin kualifikimin se nuk ishim favoritë. Por futbolli është i çuditshëm dhe ka të papritura. Shpresojmë të marrim rezultat pozitiv. Të gjitha ekipet kanë qenë të forta por Karabaku është superior ndaj atyre që kemi ndeshur më përpara me sa e njohim. Mariborin na thanë se ishte ekip i fortë, por kur u përballëm ishim thuajse të barabartë në lojë edhe pse u mundëm. Ne do luajmë lojën tonë dhe me pak fat shpresojmë te rezultati në ndeshjen tonë

Orari? “Do ishte orar më i përshtatshëm në darkë. Ky është orari nuk kemi çfarë të bëjmë. Orar i vështirë por do japim 100%”.

Golat e pësuar në miqësore? Golat nuk kanë qenë pjesë e lojës që kemi shfaqur, por kemi zhvilluar lojë të mira në miqësore. Mendoj se thjesht nuk ka pasur shumë vëmendjen ato ndeshje se kanë qenë miqësore. Trajneri po e punon edhe më shumë skemën. Agolli nuk është se e kam pyetur për këtë ndeshje edhe pse e njoh”.

Penalltitë? ‘Shpresoj të shkojë te penalltitë se do jetë e bukur se e kam në dorë unë. Por janë dy ndeshje dhe duhet të jemi të përqendruar fillimisht te kjo sfidë e parë pastaj të shohim”, është shprehur Alban Hoxha.

Partizani në Champions, Lerda: Dua fitore, Qarabagun e njohim

Partizani do të përballet të mërkurën me Qarabag në “Selman Stërmasi”, për takimin e parë të fazës kualifikuese për Champions League. Ekipi i drejtuar nga italiani Franco Lerda, ka mbyllur përgatitjet të martën, dhe është duke pritur të mëkurën pasdite, për të dhënë më të mirën në fushën e lojës, për ndeshjen e parë në Champions League. Trajneri dhe kapiteni i ekipit, kanë folur në konferencë për shtyp, një ditë para këtij takimi. Tekniku italian është shprehur se Partizani do të bëj gjithçka për të arrtiru fitoren, pavarësisht se skuadra ka ende disa probleme.

Formacioni? “Formacionin e kam në mëndje ndonjë dyshim do ta ruaj deri në fund por në përgjithësi e kam idenë. Do te luajë Partizani, Trashi është pjesë e skuadrës së Partizanit. Sulmuesit i kemi jo praktikisht pasi ata që kanë ardhur nuk janë në formë optimale. Të rinjtë ndoshta, nëse jo nga fillimi, gjatë ndeshjes do të jetë ndonjë që mund të luajë. Bitri? Nesër do të ketë mundësinë që të luajë”.

Pikat e dobëta? “Pikat e dobëta do të jetë Karabaku qe duhet ti gjejë. Ne jemi një grup që vimë nga kampionati i fituar dhe për ne është arsye krenarie. Pastaj skuadra ka lojtarë që njihen, kemi punuar intensivisht tre jave dhe jemi mjaftueshëm gati”.

Kundërshtari? “Karabakun e kam parë më shumë se njëherë, e njohim. E dimë që është shumë e fortë vjen nga 6 tituj kombëtarë. Kanë lojtarë me talent nga mesfusha e para, spanjollë brazilianë janë të fortë. E respektojmë Karabakun por kemi besim në vetvete. Pres paraqitje të rëndësishme nga djemtë pastaj rezultati vjen nga situata të ndryshme”.

Surpriza? Të shohim këtë ndeshje të parë pastaj do bëjmë bilancin. Ndeshja e kthimit varet nga si shkon kjo. Duhet te logjikojmë si të ishte vetëm një ndeshje. E rëndësishme është nesër. Ndeshja e kthimit varet nga si shkon kjo. Duhet te logjikojmë si të ishte vetëm një ndeshje. E rëndësishme është nesër’, përfundoi Lerda.

Partizani gati për Qarabag, zyrtarizohen lojtarët që do të luajnë në Champions League

Partizani ka zyrtarizuar listën e lojtarëve të grumbulluar për ndeshjen e parë në Champions League kundër Qarabag, që do të luhet të mërkurën më 10 korrik në “Selman Stërmasi”. Për këtë takim, ekipi i “Demave” ka grumbulluar edhe lojtarët e rinj, të cilët janë afruar gjatë merkatos së verës.

Hoxha, Xhika dhe Aldo Teqja, i ardhur nga Skënderbeu, do të jenë tre portierët në dispozicion të Franco Lerdës për ndeshjen e të mërkurës. Ndërkohë, Belica, Ibrahimi, Hakaj dhe Bitri janë katër mbrojtësit e grumbulluar për këtë takim.

Emrat në mesfushë janë të shumtë, çka lë të kuptohet se skema që do të përdorë Franco Lerda do të ketë si synim lojën defensive. Broja, Romero, Asani, Bardhi, Telushi, Trashi, Mala, Cordeiro, Kodra dhe Kote, janë lojtarët e grumbulluar nga trajneri italian për sfidën kundër Qarabag.

Në sulm, Çinari, Somon, Lucas, Ekuban, Mensah dhe Broën, do të jenë në dispozicion të trajnerit të të “Kuqve” për sfidën ndaj Qarabag. Ndeshja do të jetë e një niveli të lartë, pasi Qarabag është një ekip që ka provuar të luajë deri në grupet e Champions apo Europa League.

Megjithatë, Partizani shpreson që të dalë sa më mirë nga ky takim, pse jo edhe të synojë kualifikimin për në turin tjetër. Ndeshja e parë do të luhet në Tiranë dhe pas një jave në Baku.

Champions League, Partizani kundër Qarabag në turin e dytë kualifikues

Skuadrat shqiptare kanë mësuar këtë të martë rivalët e tureve eliminatore në Kupat e Europës. Kështu, kampionët e vendit, Partizani, do të përballet me ish-skuadrën e mbrojtësit të kombëtares shqiptare, Qarabagun e Azerbajxhanit. Nuk ka qenë ky kundërshtari që priste skuadra e Partizanit, pasi Qarabag është një ekip me shumë eksperiencë në Champions League dhe Europa League.

Me këtë ekip ka luajtur edhe ish-kapiteni i kombëtares Ansi Agolli. Megjithatë, Partizanit tani do ti duhet të përgatitet mirë për një ekip si Qarabag, me ndeshjen e parë që do të luhet më 9 korrik në “Elbasan Arena”, ndërsa takimi i dytë do të luhet në transfertë.

Partizani dhe Qarabag do të takohen në këtë përballje në turin e dytë eliminator të Champions League, ku ekipi që kalon këtë fazë shkon në turin e tretë të këtij kompeticioni, ndërsa skuadra që eliminohet do të luajë në turin e tretë kualifikues të Europa League.

Skuadra tjetër shqiptare, që do të luajë në Champions League është Shkëndija e Tetovës, që do të përballet në raundin e parë eliminator me Nomme Kalju nga Estonia. Tetovarët luajnë në këtë kompeticion si ekipi fitues i kampionatit në Maqedoninë e Veriut.

Ndërkohë, kampionët e Kosovës, Ferronikeli, nëse kalon turin paraeleminator ndaj modestëve të të Linkols Reds Imp nga Gjibraltari, dhe më pas me fituesin e çiftit Tre Pene dhe Santa Coloma, do të duhet të përballet me uellsianët e New Saints.

Liverpool fiton Champions League pas 15 vjetësh, Tottenham e mbyll me lot

Liverpool është Kampion i Europës në Champions League këtë sezon. Skuadra e drejtuar nga Jurgen Klopp mundi në finalen e madhe Tottenham, me rezultatin 0-2 për Reds. Një ndeshje pa shumë spektakël dhe emocione në pjesën e parë, ndryshoi katërcipërisht në të dytën, duke i dhënë fronin e më të mirëve të Europës ekipit të Jurgen Klopp.

Kjo është hera e gjashtë në histori për Liverpool, që fiton UEFA Champions League, duke u renditur mes ekipeve më të mira, që e kanë fituar më shumë këtë trofe. Ndërsa hera e fundit që Liverpool kishte fituar një finale të Ligës së Kampionëve ishte viti 2005.

Ndeshja nisi mirë për skuadrën e Liverpool, që arriti të shënonte golin e avantazhit pas gati dy minutash lojë. Në fakt ishte një penallti e fituar nga Mane pas 30 sekondash lojë nga nisja e pjesës së parë. Mohamed Salah mori përsipër të ekzekutojë gjuajtjen nga pika e bardhë, duke e dërguar topin në rrjetën e mbrojtur nga Hugo Lloris.

Kështu, Liverpool kalon në avantazh dhe mban të paprekur rrjetën në pjesën e parë. Megjithatë, minutat pas golit dukeshin si një ndeshje rutinë, dhe jo një finale Champions League. Të dyja ekipet kontrollojnë topin dhe mbrojnë mirë, por rastet para portës janë të kata.

Megjithatë, Liverpool arriti të kontrollonte topin në shumicën e kohës, por Tottenham bëri më shumë gjuajtje drejt kuadratit. Pas pushimit të pjesës së parë, Jurgen Klopp nxjerr nga fusha të rikthyerin nga dëmtimi, Firmino, dhe në vend të tij fut Origi.

Loja është më e hapur në fraksionin e dytë, me Tottenham që përpiqet të shënojë golin e barazimit. Skuadra e Mauricio Pochetino shkon disa herë para portës së Liverpool, por Alison dhe fati shpëton Liverpool disa herë. Son dhe Kane tentojnë vazhdimisht, por gjithë mundi shkon kot.

Kështu, nëse nuk shënon do pësosh, ky rregull i pashkruar i futbollit mori jetë në minutën e 87`, kur Origi shënon një gol të bukur nga brenda zonës dhe bën që të shpërthejë festa në “Wanda Metropolitano”. Kështu u mbyll ndeshja, Liverpool në krye të fronit të Europës, ndërsa Tottenham i mbetet ti gëzohet historisë me shkuarjen në finale.

Tottenham-Liverpool, formacionet zyrtare, Kane dhe Firmino e nisin titullar

Në orën 21:00 të kësaj të shtune do të luhet ndeshja finale e Champions League, mes Tottenham dhe Liverpool në stadiumin “Wanda Metropolitano” në Madird.

Një orë para nisjes së ndeshjes janë zbardhur dhe formacionet zyrtare, me të cilat dy klubet angleze do të zbresin në fushën e blertë.

Ashtu siç ishte paralajmëruar, Tottenham i rikthehet sulmuesi Harry Kane, i cili e nis nga fillimi këtë ndeshje, duke shërbyer si një armë shtesë për skuadrën e Pochetinos.

Në krahun tjetër Liverpool do të ketë në krye të sulmit treshen e përbërë nga Salah, Firmino  dhe Mane. Pikërisht rikthimi i Firmino është lajmi më i mirë për Reds, që sot synojnë të shkruajnë historinë.

Ndërkohë, Klopp ka zgjedhur të luajë me 4-3-3, ku në portë do të jetë Alisson, në mbrojtje Robertson, Van Djik, Matip dhe Alexandër-Arlond, ndërsa në mesin e fushës do të jetë Henderson, Fabinho, Wijnaldum.

Pochetino e ka nisur me 4-2-3-1, ku në portë do të jetë Lloris, në mbrojtje Rose, Vertonghen, Alderëeireld, Trippier. Para tyre do të jenë Winks dhe Sissoko, ndërsa në mesin e fushës  do të jenë Son, Eriksen dhe Alli.

Harry Kane: Jam gati për finalen e Champions, por vendos Pochetino

Sulmuesi i Tottenham, Harry Kane ka konfirmuar se do të jetë gati për të luajtur në finalen e Champions League ndaj Liverpool. 25 vjeçari dëmtoi ligamentet në ndeshjen e 9 prillit kundër Manchester City në çerekfinalen e parë të Ligës së Kampionëve.

“Ndihem mirë, nuk kam pasur më probleme deri tani”, ka thënë Kane për mediat. “Fillova të stërvitem me ekipin në fundin e javës së kaluar. Këtë javë do të stërvitem në palestër për të marrë ngarkesën e nevojshme”, ka vijuar sulmuesi i “Spurs”.

“Pastaj është në dorën e trajnerit, ai do ta vlerësojë dhe do të vendosë nëse jam gati të luaj apo jo, deri më tani, ndihem mirë dhe gati”, është shprehur Harry Kane. Sulmuesi ka shënuar 24 gola në të gjitha ndeshjet për Tottenham këtë sezon, pavarësisht mungesës për gjashtë javë në janar dhe shkurt, kur dëmtoi ligamentin në kyçin e këmbës.

Ndërkohë, trajneri i Tottenham Mauricio Pochetino, i pyetur rreth aktivizmit të Kane në Madrid, është shprehur se nuk mund ta thotë me bindje se ai do të jetë. “Nuk mund të them se ai është me 100%, nëse ai do të jetë në dispozicion, në stol apo jashtë, por ne jemi të lumtur për progresin e tij”, ka thënë Pochetino.  

Përfundon Serie A, Atalanta dhe Inter në Champions, Milani në Europa League

Në Itali është luajtur java e fundit e Serisë A për këtë sezon, me ndeshjet që kanë nisur pas mesditës dhe kanë vijuar deri në mbrëmje.

Kështu Lazio është mundur në transfertë nga Torino me rezultatin 3-1, në një ndeshje që në fakt i vlente shumë torinezëve nëse nuk do të kishte fituar Roma. Kështu Torino mbetet jashtë zonës së europës për sezonin e ardhshëm.

Juventus e ka mbyllur me humbje javën e fundit të kampionatit kundër Sampdorias, me këto të fundit që fituan me rezultatin 2-0, por rezultati i sotëm vlente vetëm për statistikë.

Roma mundi Parmën në shtëpi me rezultatin 2-1, duke siguruar vendin e gjashtë në renditje, që do të thotë pjesëmarrje në Europa League sezonin e ardhshëm, por duke e nisur nga turet eliminatore.

Atalanta ka arritur të sigurojë pjesëmarrjen në Champions League sezonin e ardhshëm, pasi ka fituar në shtëpi ndaj Sassuolos. Këto të fundit kaluan të parët në avantazh, por skuadra e Gasperinit arriti të shënonte tre herë duke e fituar takimin me rezultatin 3-1.

Me të njëjtin rezultat Interi mundi Empolin dhe siguroi pjesëmarrjen në Europë Sezonin e ardhshëm, ndërsa skuadra kua luan Frederic Veseli shkon në zonën e Paly-Off, ku do të zhvillojë një ndeshje për mbijetesën apo rënien nga Serie A sezonin e ardhshëm.

3-2 fitoi dhe Milani në fushën e Spal, por kjo fitore vlejti vetëm për të mbajtur vendin e pestë në renditje, që i jep një biletë për në Europa League sezonin e ardhshëm skuadrës së Gattusos. Ndërkohë Kievo dhe Frosinone janë dy ekipet që zbresin nga Seria A dhe do të luajnë në Serinë B sezonin e ardhshëm.

Skip to toolbar