Disiplina përjashton Shkumbinin. Dënohen 4 lojtarë të Teutës dhe Partizanit

Komisioni i Disiplinës në Federatën Shqiptare të Futbollit bëri shembull ekipin e Shkumbinit në Kategorinë e Parë, duke e zbritur një kategori më poshtë për sezonin e ardhshëm.

Disa ditë më parë, në sfidën mes Shkumbinit dhe Dinamos në stadiumin e qytetit të Peqinit, futbollistët dhe tifozët vendas dhunuan arbitrin e ndeshjes. Për këtë arsye, Disiplina vendosi të dënojë me 1.000.000 lekë dhe përjashtim nga çdo aktivitet futbollistik për sezoni 2019-2020.

Gjithashtu, “në bazë të nenit 28 të KDS, zbritjen e KF Shkumbini në një kategori më të ulët, në Kampionatin Kombëtar të Futbollit të Kategorisë së Dytë. Në bazë të nenit 57/2 të KDS, KF Shkumbini, humbet ndeshjen kundër KF Dinamo, në tavolinë me rezultatin 0-3 si dhe i zbriten 3 (tre) pikë nga klasifikimi”, thuhet në vendimet e Komisionit të Disiplinës.

Komisioni i Disiplinës dënoi dhe futbollistin e Shkumbinit, Andi Bakiasi, është përjashtuar përjetësisht nga çdo aktivitet futbollistik i organizuar nga FSHF.

Gjithashtu, katër futbollist, të Teutës dhe Partizanit që u ndëshkuan me karton të kuq në sfidën e mesjavës, janë pezulluar me nga pesë ndeshje secili.

Konkretisht, Fabjan Beqja dhe amer Duka nga Teuta si dhe William Cordeiro dhe Deian Boldor nga Partizani nuk do të jenë në dispozicion të ekipeve të tyre në pesë ndeshjet e ardhshme. Ata dënohen pasi në sfidën mes Teutës dhe Partizanit pati një sherr masiv mes lojtarëve të të dyja skuadrave.

Disiplina në Spanjë, “fal” Barcelonën me gjobë

Komisioni i Disiplinës në Federatën Spanjolle të Futbollit, gjobiti Barcelonën me 300 euro. Shkaku për këtë gjobë është sulmuesi i ardhur nga Atletico Madrid te Barcelona, Antoine Griezmann. Klubi katalanas hyri në negociata me sulmuesin francez, përpara se të njoftonte klubin e madrilen, gjë që ndalohet nga rregulloret e FIFA. Atletico kërkoi hetim dhe më pas dënim për Barçën, pasi i ka shkaktuar dëme financiare klubit.

Barcelona, sipas Atletico Madrid, arriti një marrëveshje me lojtarin në kohën që klauzola e tij ishte 200 milion euro. Por, transferimi u krye vetëm pasi klauzola e Griezmann shkoi në 120 milion euro. Në këto kushte, Atletico humbi 80 milion euro, ndërsa Barcelona i kurseu këto para.

Barcelona rrezikonte të zhvillonte një ndeshje pa tifozë në stadiumin “Camp Nou”, e cila praktikisht do të kishte një kosto të konsiderueshme. Por, disiplina është treguar “bujare” me klubin katalanas, duke i vendosur një gjobë prej 300 eurosh, shumë e papërfillshme për Barcelonën.

Në fakt, “bujaria” e Federatës Spanjolle të Futbollit, buron nga rregullorja e Kodit të Disiplinës, e cila parashikon shuma të vogla të gjobës në rast të shkeljes së neneve 88 dhe 126. Ky vendim nuk duhet ta ketë kënaqur Atletico Madrid, pasi jo vetëm që humbi një nga lojtarët më të mirë të klubit, por nuk arriti të përfitonte aq sa do të dëshironte nga shitja e tij te Barcelona.

Sjellja e gabuar, disiplina ndëshkon Solomin dhe Lulajn, e pëson dhe Tirana

Komisioni i Disiplinës në FSHF ka publikuar vendimet për dy javët e para të Superligës, pasi kampionatet e tjera të kategorive më të ulëta ende nuk kanë nisur.

Komisioni ka dënuar me pezullim nga aktiviteti me dy ndeshje lojtarin e Partizanit, Solomon Theophilus, për lojë të rëndë ndaj kundërshtarit dhe të njëjtin vendim ka marrë edhe për lojtarin e Kukësit, Bruno Lulaj, me pezullim 2 ndeshje për lojë të rëndë ndaj kundërshtarit.

Për shkak të hedhjes së sendeve në fushën sportive gjatë zhvillimit të lojës nga tifozët, komisioni ka dënuar me 50 000 lekë gjobë klubin Tirana, për sjellje të gabuar të spektatorëve.

Këto ishin vendimet e para të Komisionit në nisje të sezonit të ri, ku njofton se për çdo lloj animimi në Komisionin e Apelit të këtyre masave duhet bërë brenda 3 ditëve.