Të mërkurën u përcoll për në banesën e fundit Drita Saliaj, 50-vjeçarja që u vra nga nip ii bashkëshorit të vet në datën 5 janar. Ngjarja e rëndë ndodhi në fshatin Gjerbës të Mallakastrës, ndërsa autori, 16-vjeç së bashku me dy shokë të tij e vranë Dritan Saliajn pasi tentuan të grabisnin shtëpinë e saj.
Bashkëshorti i viktimës, Hair Saliaj nuk ndodhej në shtëpi, pasi në fund të muajit nëntor kishte emigruar drejt Greqisë. Ndërsa të mërkurën ai kishte ardhur për të përcjellë në banesën e fundit bashkëshorten, që u vra pabesisht nga nipi i tij. Ai foli për mediat lokale të Fierit, duke rrëfyer momentet e para të njoftimit për krimin makabër. Ndër të tjera, Hair Saliaj kërkon drejtësi, duke deklaruar se nipi duhet të dënohet.
“Unë isha në Kretë të Greqisë. E marr në telefon dhe nuk ma hapte. Më njoftoi vëllai i madh në telefon. Këtu kishte ardhur policia në orën 1 të natës. Më njoftoi në mëngjes. Ndjeva direkt. Tani në fund të nëntorit ika. Kishte ndenjur shumë herë vetëm. Na thanë se është dera e mbyllur dhe nuk ka njeri. Kur kishin hyrë brenda dhe e kishin parë shtëpinë përmbys, atëherë thash se diçka ka ndodhur. Po nipi. Patjetër që po, do kërkojmë drejtësi. Edhe fëmija po të ishte, një krim ndaj prindërve, duhet të ndëshkohet”, thotë mes dhimbjes Hir Saliaj.
Ngjarja e rëndë nodhi në 5 janar. Nipi i burrit të Drita Saliaj kishte shkuar në shtëpinë e xhaxhait për të vjedhur së bashku me dy shokë. Por ai ishte pikasur nga viktima. Më pas, tre të rinjtë e kanë mbytur 50-vjeçaren dhe e kanë hedhur në një ujëmbledhës në fshatin Gjerbës. Ishin të afërm të tjerë të viktimës, ata që vunë re se ajo nuk ndodhej në shtëpi dhe lajmëruan policinë. Dy ditë pas vrasjes, Drita Saliaj u gjet në rezervuarin e fshtatit. Për ngjarjen e rëndë u arrestuan Luis Saliaj, Sindi Shehaj dhe Ervis Zotaj.