Tag: Eden Hazard

Real, fiton por rrin në krizë. Hazard debuton pa gjurmë

Real Madrid ka mundur 3-2 në “Bernabeu” Levanten, duke u ngjitur në vendin e dytë të La Liga me 8 pikë, një më pak se Atletico Madrid. Skuadra e Zinedine Zidane e nisi mirë takimin, duke shënuar golin e parë me Benzema në minutën e 25-të. Një pasim i bukur nga krahët i Carvajal gjen francezin në qendër të zonës, që fluturon mbi mbrojtësin kundërshtar, dhe dërgon topin në rrjetë me kokë. 

Në minutën e 31-të, Benzema dyfishon për Real Madrid duke shënuar përsëri nga brenda zonës, pas një pasi nga Rodriguez. Pesë minuta përpara përfundimit të pjesës së parë, madrilenët shënojnë dhe golin e tretë, që do të rezultonte deçiziv për takimin. Casemiro gjen rrjetën pas një asisti të Vincius, dhe çon shifrat në 3-0 në pjesën e parë. Megjithatë, me rinisjen e lojës, Levante ‘zgjohet’ dhe ngushton shifrat në të 49`. Ishte Mayoral që shfrytëzoi një gabim të mbrojtjes vendase, duke shënuar për miqtë.

Më pas, në të 75`, Melero gjen rrjetën përsëri për Levanten duke shënuar pas një goditje këndi. Megjithatë, shifrat përfundimtare mbetën 3-2, me Real Madrid që jep shenja pozitive pas rikthimit nga pushimi i kampionatit për shkak të kombëtareve. Ndërkohë, këtë të shtunë në “Santiago Bernabeu” debutoi dhe blerja e verës, sulmuesi belg, Eden Hazard. Ai ishte i dëmtuar prej kohësh ndaj nuk ishte aktivizuar deri më tani.

Zyrtare: Eden Hazard bëhet lojtar i Real Madrid, nënshkruan për pesë sezone

Tashmë është zyrtare, Chelsea i jep lamtumirën Eden Hazard. Klubi nga Stamford Bridge ka njoftuar zyrtarisht se “Chelsea dhe Real Madrid kanë arritur një marrëveshje për transferimin e Eden Hazard”, shkruhet në nisje të deklaratës. Më tej skuadra e presidentit Roman Abramoviç, shkruan se Hazard do të bashkohet me Realin pasi të kryejë testet mjekësore dhe do të nënshrkuajë kontratën.

“Hazard lë Chelsea si një nga lojtarët e mëdhenj në historinë tonë. Ai ndihmoi ekipin të fitojë Premier Ligën në dy raste, Europa League dy herë, FA Kupën dhe Kupën e Ligës një herë. Ai është votuar si “Chelsea Player of the Year” në një rekord prej katër herësh”, thuhet më tej në deklaratë.

Belgu ka luajtur 352 ndeshje me Blutë e Londës, duke shënuar 110 gola. Ai është një nga lojtarët më të mirë të dekadës së fundit për skuadrën e Chelsea. Drejtoresha e përgjithshme e Chelsea, Marina Granovskaia ka thënë: “Megjithëse është e trishtueshme, i themi lamtumirë Edenit. Ne e respektojmë vendimin që ai ka marrë për të nisur një sfidë të re në një vend tjetër ku do të ndjekë ëndrrën e tij të fëmijërisë për të luajtur me Real Madridin”, është shprehur Granovskia.

Më pas ka qenë Real Madrid, që ka publikuar një deklaratë zyrtare, ku shkruan se “lojtari është i lidhur me klubin gjatë pesë sezoneve të ardhshme, deri më 30 qershor 2024. Eden Hazard do të paraqitet si lojtar i ri i Real Madridit të enjten më 13 qershor në stadiumin “Santiago Bernabeu”, pas testeve mjekësore”, shkruan klubi Los Blancos.

Finalja e Europa League, Hazard: Nëse fitojmë do ishte përsosmëri

Eden Hazard pritet të largohet këtë verë nga Chelsea në drejtim të Real Madrid, por palët ende nuk kanë arritur akordin financiar për transferimin. Blutë e Londrës kërkojnë të paktën 130 milionë euro për mesfushorin belg, por “Los Blanocs” ofron jo më shumë se 100 milionë euro. Kjo për arsyen se Hazard është në vitin e fundit të kontratës së tij me skuadrën nga Stamford Bridge.

Megjithatë, të gjitha gjasat të çojnë te arritja e marrëveshjes, dhe kjo mund të kryhet direkt pas finales së UEFA Europa League, që Chelsea do të luajë kundër Arsenalit nesër. Pikërisht për këtë të finale, Hazard ka folur për medit duke u shprehur se nëse e fiton trofeun e kupës së vogël evropiane, për të do të ishte “lumturia e përsosur” te Chelsea nëse ai do të largohet gjatë verës.

“Është një garë evropiane, kështu që për mua, për klubin, për trajnerin, për tifozët dhe është diçka e rëndësishme,” tha ai. “Kur luani një finale, nuk ka rëndësi nëse është Champions League, Europa League apo League Cup, ne duam vetëm të fitojmë, duam të sjellim trofeun në shtëpi dhe të festojmë”.

“Unë vetëm dua ta fitoj trofeun, kjo është e gjitha. Nuk ka rëndësi nëse shënoj apo nuk jo. Nëse është ndeshja ime e fundit, shpresoj ta sjell trofeun. A do të ishte lamtumira e përkryer? Po”, ka thënë Hazard.

Formacioni më i mirë i vitit në Angli, pakënaqësi për mungesën e Hazard!

Shoqata e Futbollistëve Profesionist në Angli ka publikuar formacionin më të mirë të vitit në Premier League. Ky formacion dominohet nga lojtarët e Manchester Cityt dhe Liverpool, dy ekipet që janë luftë për titullin këtë sezon.

“Qytetarët” kanë 6 lojtarë në këtë formacion, ndërsa “Të kuqtë” përfaqësohen me 4 të tillë. Paul Pogba është i vetmi futbollist i kësaj 11-she, që vjen nga Manchester United, duke plotësuar formacionin e vitit.

Prania e francezit në këtë formacion ka shfaqur habi për shumë kënd në Angli, sikundër dhe mungesa e Eden Hazard, me këtë të fundit që ka bërë një sezon të shkëlqyer me Chelsea, ndërsa nuk ka qenë kështu për Pogba.

Për këtë arsye, ka plasur debati në rrjetet sociale dhe nuk kanë fund talljet me një formacion ku të paktën Pogba nuk duhej të kishte vend, duke parë sezonin e tmerrshëm të United dhe të francezit, edhe pse kampioni i botës ka shënuar shumë gola, kryesisht me penallti.

Ederson (City), Arnold (Liverpool), Van Dijk (Liverpool), Laporte (City), Robertson (Liverpool), Bernardo Silva (City), Fernandinho (City), Pogba (United), Sterling (City), Mané (Liverpool) dhe Agüero (City) janë lojtarët që përbëjnë “Ekipin e Vitit” në Premier League.

Liverpool kthehet në krye për çmimin e “Lojtarit më të mirë të vitit” në Premier League, me Van Dijk, pasi edicionin e kaluar e fitoi Mohamed Salah. Më parë, po nga të kuqtë, kishin triumfuar në këtë drejtim Luis Suárez (2013-14) dhe Steven Gerrard (2005-06), ndër të tjerë.

Skip to toolbar