Euro 2020, Reja beson te kualifikimi (por me kusht)

Trajneri i ekipit kombëtar të futbollit, Edy Reja shprehet se Shqipëria duhet të fitojë dy sfidat e radhës për kualifikueset e Euro 2020, për të shpresuar te kualifikimi në fazën në grupe. Gatë një interviste për mediat italiane, “Tuttomercatoweb”, Reja tha se “do të jetë e vështirë, sepse kemi transfertën në Turqi.

“Duhet të fitojmë atë ndeshje, si dhe atë kundër Moldavisë, të cilën e kemi përsëri në transfertë. Vetëm kështu mund të kemi shpresë”, tha trajneri Reja. Në të kundërt, Shqipëria humb shansin për të përsëritur suksesin e tre viteve më parë, kur shkoi në Europianin e Francës në vitin 2016.

Më tej, trajneri i kuqezinjve komenton dhe paraqitjen e disa lojtarëve që ka “nën armë”, duke e nisur me kapitetin Elseid Hysaj, i cili shënoi golin e parë të karrierës në sfidën ndaj Islandës. Sipas Edoardo Reja, Hysaj shënoi një gol të bukur, duke dëshmuar se është shumë i aftë. “Tani për tani, Hysaj nuk vuan nga mos aktivizimi te Napoli”.

“Ai shënoi një gol të bukur kundër Islandës, ishte i shkëlqyer. E shfrytëzoj për të luajtur në mesin e fushës përpara, po dëshmon se është shumë i aftë”. Elozhet nuk mungojnë as për Berat Gjimshitin. Sipas Edy Reja, mbrojtësi i Atalantës është një nga lojtarët më të mirë.

“E kam pasur edhe vite më parë, ai është një lojtar i mirë. Por tani është pjekur, ai po bën shumë mirë, është gjithmonë një nga më të mirët. Pavarësisht vështirësive në mbrojtje, ai është gjithmonë i mjaftueshëm”, shprehet Reja. Në fund të intervistës, Reja shprehet se në Shqipëri janë të “habitur” me stilin e tij të lojës.

“Ne po bëjmë një punë të mirë, unë ndryshova shumë lojtarë, duke futur ata që dëshmuan se e meritonin. Në Shqipëri, njerëzit thonë, ‘se nuk kemi parë kurrë futboll si ky’. Shpresoj se mund të bëjmë edhe më mirë”, përfundon Edy Reja.

Reja harron Francën: Me Islandën Shqipëri tjetër, Mavraj jashtë

Kombëtarja ka hedhur pas krahëve ndeshjen me Francën ku humbi 4 me 1 duke u fokusuar tek ndeshja e radhës kundër Islandës për eliminatoret e “Euro 2020”, ku bën pjesë në grupin H. Trajneri Edy Reja e ka konsideruar ndeshjen me Islandën që do të mbahet ne “Elbasan Arena” si ndeshjen deçizive që do të tregojë nëse do të vazhdojmë ëndrrën tonë europiane, ndërsa ka folur edhe për skemën që do të përdor dhe largimet nga fusha. Reja ka konfirmuar se ka lënë jashtë ekipit kapitenin Mërgim Mavraj si një zgjedhje teknike dhe rivlerësim të ri të grupit.

“Është një zgjedhje teknike, do të bëjë një vlerësim të të gjithë grupit. Për sa i përket Mërgimit është shumë i zoti në ajër, garanton një mbulim të mirë në goditje këndi. Duhet të bëjmë një vlerësim të grupit, për të luajtur më të mirët dhe ata që janë në formë.” është shprehur Reja

Në lidhje me skemën 3-5-2 është një skemë sa mbrojtëse aq edhe sulmuese duke mbajtur kundërshtari jashtë porte.

“Në Islandë djemtë humbën 4 raste, ndaj Moldavisë bëmë mirë dhe fituam. Skuadra më pëlqen të mbrohet duke sulmuar. Me 3-5-2 kemi mundësinë te kemi dy sulmues qendrorë, dy mesfushor qendorë e dy që sulmojnë nga krahët. Pra, më shumë se sa sistemi në vetvete, janë lojtarë që e interpretojnë atë. Me Francën kam kërkuar që të bëjnë presing lart. Raporti sulm, mbrojtje nuk ishte ai që duhej. Për mua kjo skemë nuk është defensive.” u shpreh Reja

Franca na ‘zhyti’, Reja: Patëm gjëra pozitive, Bare e Giasula fantastik

Trajneri i kombëtares Edy Reja nuk e ka bërë dramë humbjen me Francën. Pas përfundimit të ndeshjes, për RTSH, trajneri u shpreh se skuadra bëri disa gabime personale, por sipas tij, tregoi shumë gjëra pozitive ndaj një ekipi të madh si Franca. “Është normale që patëm disa gabime personale, ishte një mungesë vëmendje në dy golat e parë. Në disa momente ne ishim të rrezikshëm përpara portës. Franca ka lojtarë shumë të shpejtë që na vunë në vështirësi. Gjithësesi unë besoj se treguam diçka pozitive kundër një ekipi shumë të fortë si Franca”, tha Reja.

Ndonëse pas kësaj humbje Shqipëria humb përfundimisht shanset për kualifikim, Edy Reja ka zbuluar lojtarët e së ardhmes. Trajneri ka vlerësuar me nota pozitive dy debutuesit e kombëtares, Bare dhe Giasula. “Kishim elementë shumë të mirë në dyluftim me kundërshtarin. Përmend Abrashin që luftoi aq sa mundi. Bare ishte një surprizë shumë e bukur. Giasula ishte gjithashtu një surprizë e bukur. Kemi disa lojtarë që do të jenë vlerë e shtuar në ndeshjen e ardhshme”, tha Reja.

Ndërkohë, lidhur me ndryshimet e skemës dhe vendosjen e Roshit si mbrojtës i majtë, Reja u shpreh përsëri me nota pozitive. Sipas tij, ndonëse Roshi gaboi në dy golat e parë, Reja thotë se në krahun e tij pati disa herë aksione sulmuese ndaj kundërshtarit. “Menduam që me Roshin në atë pozicion do t`i jepnin vështirësi Francës. Disa herë arritëm që në krahun e Roshit të dilnim në krah. Gjithësesi mendoja se mund të ishte më i përshtatshëm dhe në fazën e mbrojtjes. Jam i kënaqur se roli i tij ishte të sulmonte në atë krah”, tha Reja.

Ftesa kuqezi, Kumbulla: Reja më emocionoi, ndjek shembullin Chielini

Në konferencën për shtyp nga resorti ku është grumbulluar ekipi kombëtar, ka dalë në konfernecë për shtyp, veç Keidi Bares, dhe mbrojtësi Marash Kumbulla. Talenti i ri i kuqezinjve, ka folur fillimisht për aventurën në Itali me Hellas Verona në Serie A, duke u shprehur se shpreson të ketë hapësira për të luajtur. “Më Veronën nuk kam patur shumë hapësira, por me trajnerin e ri janë shtuar. Uroj të luajë gjithë kampionatin. Unë mendoj për ekipin aktual dhe për të dhënë maksimumin. Më shumë më pëlqen Kielini”, ka thënë Kumbulla.

Ftesa në kombëtare e ka emocionuar, ndërsa tregon se synimi i grupit në dy ndeshjet e ardhshme është marrja e sa më shumë pikëve. “Isha shumë i emocionuar me Kombëtaren. E mendoja se do luaja me U-21, por isha i lumtur kur më thiri Edi Reja. Skuadra më duket mirë, se ka eksperiencë. Shpresojmë të marrim sa më shumë pikë në këto dy ndeshje”, shprehet mbrojtësi.

Në fund ai ka rrëfyer edhe pritjen që i është bërë në skuadër nga lojtarët e tjerë. “Të gjithë lojtarët me kanë pritur mirë. Janë të gjithë lojtarë me eksperiencë. Trajneri e ndjek kampionatin italian dhe e di shumë mirë gjendjen e lojtarëve. Me trajnerin nuk kam bërë ndonjë bisedë, vetëm me grupin”, ka përfunduar mbrojtësi.

Reja prezanton “armatën” ndaj Francës dhe Islandës: Dua rezultate dhe rinovim skuadre

Trajneri i kombëtares Edy Reja ka publikuar listën me emrat e lojtarëve të grumbulluar për ndeshjet ndaj Francës dhe Islandës. Risia në listën e teknikut është futbollisti i Paderborn, Klaus Giasula, i cili luan në mesfushë. Nga emrat e rikthyer në kombëtare janë sulmuesi Rey Manaj dhe Keidi Bare, të dy futbollistë që luajnë në La Liga 2. Ndërkohë, veç lojtarëve të grumbulluar, Edy Reja ka dhe një listë prej 7 lojtarësh ekstra, të cilët do të qëndrojnë të gatshëm në rast se do ketë dëmtime gjatë fazës përgatitore. Fjalën e tij trajneri e ka nisur me ndjesë lidhur me konferencën e fundit për shtyp në muajin qershor, ku pati një tension kur u pyet për skemën e lojës.

“Kërkoj ndjesë për konferencën e fundit për shtyp, ku e teprova pak kur më pyetët për skemën. Por ishte një moment emotiv. Në të ardhmen do të kemi bashkëpunim më të mirë”, tha Reja.

Më pas trajneri ka folur për listën e lojtarëve të grumbulluar, duke analizuar fillimisht emrat e rinj të thirrur në kombëtare.

“Kemi disa risi, siç është rikthimi i Rey Manajt. Për herë të parë grumbullohet Klaus Giasula një lojtar me veti shumë të mira fizike. Te lista e lojtarëve të gatshëm veçojmë Lorenc Trashin që ka bërë mirë te Partizani. Gjithashtu veçojë Taulant Seferin një lojtar që është duke u afirmuar në arenën ndërkombëtare. Gati do të jenë dhe Vrioni dhe Salahi që janë grumbulluar në kombëtaren U21. Risia tjetër është Marash Kumbulla nga Verona në Serie A, një lojtar i mirë që ka perspektiv. Dua të shoh Keidi Baren, që tani po jep më të mirën me klubin e tij”, tha trajneri Reja.

Reja më tej sqaroi edhe faktin se nga federata i është kërkuar që të ketë rezultate por njëkohësisht të rinovohet dhe skuadra.

“Kemi futur shumë lojtarë të rinj në këtë listë. FSHF më ka kërkuar rezultate sa më të mira me ekipin kombëtar, por njëkohësisht rinovimin e skuadrës. Jemi fokusuar te dy ndeshjet e radhës ku e rëndësishme është rezultati por do kujdesemi dhe për integrimin e lojtarëve të rinj”, tha Reja.

Sindrit Guri shkëlqen në Belgjikë, dopietë për Oostende e mesazh Edy Rejas

Sulmuesi i kombëtares shqiptare Sindrit Guri e ka nisur në mënyrën e duhur kampionatin me Oostende në Belgjikë. Ai ka qenë protagonist absolut në fitoren e skuadrës së tij ndaj Sersle Bryzh, duke shënuar një dopietë, dhe duke ndihmuar në autogolin e futbollistit kundërshtar. Guri ktheu skuadrën e Oostende në lojë në minutën e 32-të të takimit, pasi ishin miqtë që kishin kaluar në avantazh.

⚽️
Gepostet von Sindrit Guri am Samstag, 3. August 2019

Ai shënoi një gol të bukur me kokë nga brenda zonës, duke vendosur shifrat në barazim 1-1. Më pas, 8 minuta më vonë, Guri detyroi mbrojtësin kundërshtar të dërgonte topin në rrjetën e tij, duke bërë që Oostende të kalonte na avantazh 2-1. Me këto shifra do të mbyllej pjesa e parë, ndërsa në të dytën, 3 minuta para përfundimit të ndeshjes, Guri shënoi dhe golin e tretë për ekipin, të dytin personal në ndeshje.

Një aksion i bukur nga skuadra e tij e gjen Gurin mes dy mbrojtësve kundërshtar. Por brenda zonës shkodrani i vidhet mbrojtjes, duke dalë përballë portierit të Sersle Bryzh. Mjafton vetëm të shtyjë topin në rrjetë, duke vulosur fitoren në 3-1.

⚽️⚽️
Gepostet von Sindrit Guri am Samstag, 3. August 2019

Edy Reja: Kemi probleme në mbrojtje, Roshi e Cikalleshi i dhanë frymëmarrje ekipit

Shqipëria fitoi mbrëmjen e së martës ndaj Moldavisë, duke i rikthyer në garë për kualifikimin në Euro 2020. Edy Reja, foli pas ndeshjes për mediat, duke u shprehur i kënaqur me pikët, por edhe lojën e e skuadrës që hodhi në fushë.

“Na duhej fitorja. Luajtëm, është e rëndësishme loja që bëmë. Filluam mirë. Fitoren që na duhej, e arritëm. Djemtë ishin të qetësuar, edhe pse humbëm pikët në Islandë. Nëse nuk do fitonim, do kishte frikë për të ardhmen”, tha trajneri.

Taulant Xhaka u la në stol për të pushuar për shkak të lodhjes, ndërsa sa i përket lojës dhe skemës, Edy Reja shprehet se ekipi duhet të punojë më shumë.

“Unë kam një grup rreth 25 futbollistë, të gjithë janë disponibël. Duhej pak pushim nga ndeshja me Islandën. Duhej të provoj disa futbollistë. Në 15 ditë nuk mund të bëj gjithçka. Në mbrojtje kishim 4 mbrojtës, dhe 3 më përpara. Nuk mund të fitojmë pa djersitur, pa vuajtur, çdo vuajtje sjell dhe fitoren”.

Moldavia, ndonëse një kundërshtar jo i rrezikshëm, për Edy Rejan krijoi probleme. Sipas tij, këto të fundit u shfaqën mësëshumti në mbrojte, ndërsa për zëvendësimet u shpreh se i dhanë frymëmarrje skuadrës.

“Në mbrojtje patëm pak probleme. Skuadra zhbalancohet shpejt. Me Roshin dhe Cikalleshin, patëm një frymëmarrje dhe shënuam. Uzuni lëviz mirë, po bën mirë edhe në stërvitje. Cikalleshi i jep frymëmarrje sulmit. Nuk kemi bërë shumë ndryshime në mesfushë, por duke parë me Islandën, luajtëm më mirë”, tha ndër të tjera trajneri.

Armand Duka: Më akuzuan për trajnerin se ishte 73 vjeç, Reja s`ka nevojë për notën time

Armand Duka doli i qeshur nga “Elbasan Arena”, i fundit nga personat VIP që ndodeshin në këtë sektor. Fitorja me Moldavinë ishte e rëndësishme për ekipin tonë kuqezi, jo vetëm për të shpresuar për kualifikimin në Euro 2020, por edhe për të rigjetur besimin dhe forcën për të vijuar më tej. Për mediat, Duka u shpreh se uronte që kjo fitore t`i kthente fatin ekipit tonë kombëtar.

“I kënaqur, patjetër me rezultat pozitiv çdo ndeshje është shumë e rëndësishme. Kësaj i kishim dhënë pak më shumë rëndësi sepse kishim bërë pak rezultate pozitive. Uroj që ti ket kthyer fat ekipit dhe atmosferenë pozitive”, tha Duka.

Më tej, kreu i FSHF-së tha se preferon një lojë jo të mirë dhe me rezultate, se sa lojën e bukur por me humbje. Komplimentet, Armand duka nuk ia kursen trajnerit Edy Reja, që sipas tij, në pak ditë i ka kthyer optimizmin skuadrës.

“Jam i kënaqur me këtë lloj loje, sepse bëm lojë më të mirë në Islandë por erdhëm pa pikë. Mbajtëm topin më shumë, ne komanduam lojën ato morën rezultatin. Të gjithë ato që janë në kombëtare janë më të mirët, çdo njeriu që i jep fanellën e meriton atë”.

“E vetmja vrejtje që më kanë bërë kur kam vendosur Rejan trajner më thanë vetëm se është 73 vjeç, kurse për të tjerat nuk besoj se ka nevoj për notën time se është trajner shumë i mirë. Ka kontribuar maksimalisht që në pak ditë për kthimin e besimit te grupi”, u shpreh Duka.

Shanset për kualifikim në Euro 2020 janë të pakta, por Armand Duka thotë se duhet të shpresojmë deri në fund. “Nuk mund të themi me që jemi gjashtë pikë, dhe i jemi afruar vendit të dytë, çdo gjë mund të ndodhi. Është grupi i fortë deri në fund, Franca është favorit kryesor, Turqia dhe Islanda janë më afër saj. Por ne duhet të shpresojmë deri në fund”, tha ndër të tjera kreu i FSHF-së pas ndeshjes.

Shqipëri-Moldavi, statistikat paralajmëruan fitoren

Mbrëmjen e kësaj të marte, Shqipëria mundi Moldavinë në “Elbasan Arena” në ndeshjen e katërt eliminatore për Euro 2020. Të dyja skuadra synonin tre pikët, megjithëse kuqezinjtë e drejtuar nga Edy Reja kishin kuota më të mira për fitore. Moldavia është një ekip modeste në krahasim me ekipin tonë përfaqësues, në vlerë financiare por edhe në statistikat e përballjeve direkte.

Vlera financiare e gjithë ekipit Moldav shkon në 13 milionë euro, ndërsa Shqipëria ka një vlerë 47 milionë euro. Kjo do të jetë përballja e katërt në historinë e dy klubeve, e treta për kualifikueset e një evropiani. Shqipëria ka luajtur kundër Moldavisë për herë të parë më 29 mars 1995, kohë kur skuadra kuqezi fitonte me rezultatin 3-0 në Tiranë, ndërsa më 7 qershor të po atij viti, kuqezinjtë fitonin ndaj Moldavisë në transfertë me rezultatin 2-3.

Pas shumë vitesh mungesë, takimi i radhës për kuqezinjtë me Moldavinë ishte në 15 gusht 2012, ndeshje e luajtur në Tiranë dhe mbyllur me rezultatin 0-0. Aktualisht, Shqipëria dhe Moldavia kanë nga tre pikë në Grupin H, pasi të dyja kanë fituar vetëm një përballje në tre ndeshje, atë kundër Andorrës.

Megjithatë, kuqezinjtë kanë golavarazh më të mirë se moldavët, pasi skuadra e drejtuar nga Edy Reja ka shënuar tre gola me po kaq të pësuar, ndërsa Moldavia ka shënuar 2 dhe ka pësuar 8 në tre ndeshjet e para aleminatore. Arbitri kryesor i takimit do të jetë Ville Nevalainen nga Finlanda, i cili do të asistohet nga katër kolegë të tij po nga Finlanda.

Edy Reja u shpreh të hënën pasdite se skuadra ka të gjithë potencialin për ecur para, teksa ende ka dilema për formacionin. Megjithatë, ai ka lënë të kuptohet se në repartin e sulmit do të ketë ndryshime, në emra dhe skemë, pasi në ndeshjen e humbur ndaj Islandës, kombëtarja kuqezi vuajti shumë në nxjerrjen e topave drejt portës.

Përballja me Moldavinë, Reja: Skema 3-5-2, por nuk kam vendosur për formacionin

Kombëtarja shqiptare pritet të përballet ditën e martë me Moldavinë në “Elbasan Arena”, pjesë e kualifikueseve në “Euro 2020”. Trajneri i Kombëtares, Edy Reja ka folur në një konferencë për shtyp në lidhje me humbjen që pati me Islandën dhe skemën që do të ndjek gjatë ndeshjes me Moldavinë. Reja tha se do të ndiqet skema 3-5-2, por do të bëhen disa ndryshime në mbrojtje.

Skema 3-5-2- “Unë nuk pashë probleme në këtë repart, por në sulm jam dakord. Duhet të gjejmë zgjidhje për të sulmuar, të çojmë më shumë topa në zonë. Na mungoi finalizimi, ata nuk arritën të bënin më shumë se sa një rast në portë.

Ndryshimet- “Mbrojtja mund të jetë me 3 ose 4. Në mesfushë do të ketë ndryshime dhe në sulm padyshim, pasi ka lodhje. Në fillim duhet të flas me lojtarët dhe pastaj do shihni formacionin. Kemi dhe 24 orë ende për të parë.

Potenciali i skuadrës- I kemi të gjitha mundësitë, na duhen disa mesfushorë të mirë për të kaluar më para. Me Islandën pamë anën e djathtë që ishte shumë mirë, do të shohim dhe repartet e tjera ku çaluam.

Formacioni- Nuk kam vendosur ende. Kam Uzunin dhe Sadikun që janë gati. Mund të jenë tre katër ndryshime dhe do të vlerësohen me tej. Mbrojtja ka bërë mirë, por mund të ketë ndryshim.