Elbasani nuk gjen qetësi, sherr e të shtëna gjatë natës në një lokal

Një incident ka ndodhur rreth mesnatës së kaluar në një lokal në Bulevardin “Aqif Pasha”, në qytetin e Elbasanit.

Burime bëjnë me dije se ka pasur një sherr mes disa të rinjve, ku është qëlluar edhe me armë zjarri.


Menjëherë pas ngjarjes, qyteti i Elbasanit është “blinduar” me forca policore që kanë ushtruar kontrolle pothuajse kudo.

Ende policia nuk ka dhënë asnjë informacion për incidentin, i cili sipas qytetarëve ka ndodhur në një nga lokalet më të njohura të Elbasanit.


Moti i keq, rënie gurësh tek “Kthesat e Murrashit” dhe Dragostunjës

Reshjet e dendura të shoqëruara hera-herës edhe me erë të fortë të cilat kanë përfshirë edhe Qarkun e Elbasanit.

Aktualisht sipas burimeve zyrtare nga Zyra e Emergjencave Civile në Prefekturën e Elbasanit në të shtatë bashkitë nuk ka pasur raste të bllokimit të rrugëve automobilistike dhe përmbytje.


Vështirësi dhe rrezik për përdoruesit e rrugës ka pasur dhe ka si zakonisht në kohë me reshje në dy segmente të rrugës kombëtare Elbasan-Përrenjas, përkatësisht në “Kthesat e Murrashit ” dhe “Kthesat e Dragostunjës” ku ka rënie të gurëve nga shpatet e kodrave.

Gjithsesi deri tani firma që mirëmban këto akse po punon për largimin nga traseja e rrugës të masive me dhera e gurë që rrokullisen  nga lartësitë të favorizuara nga reshjet e dendura.

Ndërkaq moti i keq ka shkaktuar probleme edhe në rrjetin shpërndarës të energjisë elektrike e cila prej mesnatës është ndërprerë në disa zona të Elbasanit dhe Librazhdit.

Sipas OSHEE po punohet pa ndërprerje për riparimin e defekteve dhe rikthimin e shpejtë të energjisë.


Shenja plumbash në mure, gjithçka e shkatërruar dhe dëmtuar, brenda shtëpisë së 71-vjeçarit në Elbasan

Dyer të shqyera, me dhjetëra shenja plumbash, mure të gërryera dhe sërish me shenja predhash. Gjithçka e shkatërruar në shtëpinë e 71-vjeçarit Lefter Zhidru në Elbasan, i cili u vra pas disa orës shkëmbim zjarri me policinë dhe forcat RENEA.

Gazetarja Dorjana Bezat ka qenë në këtë banesë dhe ka sjellë për “BalkanWeb” pamjet që tregojnë atë çfarë ndodhi për më shumë se 5 orë në këtë banesë, ku sipas policisë kishte dhe eksploziv.


Por ajo që bie në sy është dhe një hartë e Shqipërisë në korridorin e banesës, e cila ka mbetur e paprekur, ndonëse shenjat e ‘luftës’ së një dite më parë janë kudo të dukshme. Shtëpia e familjes që kishte 5 vjet që kishte ardhur në këtë lagje, duket tepër modeste dhe larg çdo luksi.

Në ballkon duken dhe shenjat e gjakut, çka tregon dhe vendin ku është qëlluar 71-vjeçari.


Gruaja e 71-vjeçarit që u vra nga RENEA ‘shpërthen’ në lot: Kërkojani shtetit drejtësinë. Do jepni llogari për shpifjet

E ashpër ka qenë në reagimin e saj ndaj mediave gruaja e 71-vjeçarit Lefter Zhidru, i cili qëlloi me armë zjarri në drejtim të policisë, ndërsa u vra 5 orë me vonë nga RENEA.

Ngjarja në fjalë që terrorizoi për orë të tëra Elbasanin ndodhi në lagjen 11 Nëntori. Floresha Zhidru ka shpërthyer në akuza ndaj mediave, pasi sipas saj kanë shpifur për ngjarjen në fjalë, ndërsa duhet ta gjejnë drejtësinë tek shteti.


“Nuk dua t’ju shoh këtu me kamer. Pse s’erdhët kur ishte për të ardhur, por erdhët sot. Të lutem ik nga këtu. Ik kërkoja shtetit drejtësinë. Ku e gjetët sot?! Dje (Donte që dje të vinte media) Do jepni llogari për ato që keni shpifur Do jepni llogari për ato që keni shtuar në media! Do jepni llogari! (Ngre zërin)”, tha gruaja e revoltuar. Më poshtë ‘BalkanWeb’ sjell videon, e siguruar nga gazetarja Dorjana Bezat, ku dëgjohet gruaja e viktimës.


Ekzekutimi i 71-vjecarit në Elbasan nga RENEA, flasin fqinjët: Konfliktohej me gruan, ishte problematik me të gjithë

Lefter Zhidru ka bërë rezistencë për 5 orë ndaj policisë, duke qëlluar në drejtim të tyre, ndërsa në fund u ekzekutua me kallashnikov nga RENEA.

Pikërisht në këtë banesë ka jetuar 71-vjeçari Zhidru, që pas një zënke më ish-bashkëshorten e tij, ka shkëmbyer zjarr me policinë dhe ka plagosur dy kalimtarë të rastësishëm.


Zhidru, duke qëlluar jashtë banesës, ka dëmtuar edhe automjete që ishin parkuar në rrugë.  Edhe banorët e pallatit kanë kaluar orë tmerri.

Zhidru kishte 5 vjet që jetonte në këtë apartament, ku jetonte me gruan dhe vajzën e tyre 13 vjeçe. Fqinjët thonë se zënkat mes tyre ishin përditë, kishte klimë e tensionuar në këtë familje, ndërsa shpesh herë kishte ardhur edhe policia.

71-vjeçari kishte probleme edhe me fqinjët. Ai mbante levgë dhe me të kërcënonte fqinjët, ngjarje e cila ka përfunduar në gjykatë.

“Ruajti Zoti policët që i binin derën. Ka paur sherre me të shoqen, ndërsa vajza bërtiste”, tha një fqinje.


RENEA negociata me të moshuarin në Elbasan, në vendngjarje, snajperistë, makina speciale amerikane dhe një ambulancë

RENEA vazhdon negociatat me 71-vjeçarin Lefter Zhudru në Elbasan. Policia ka larguar të gjitha mediat, gazetarët dhe qytetarët kuriozë në një largësi 300 metra nga vendit.

Po kështu mësohet se kanë mbërritur edhe snajperistë si dhe një ambulancë. Në terren ndodhet vetë drejtori i Policisë së Elbasanit Arjan Muça. Po kështu janë vendosur dhe dy makina amerikane që me kamera kontrollojne dhe vëzhgojne vendndodhjen e 71-vjeçarit. Të dyja makinat janë përpara pallatit ku ndodhet 71-vjeçari i armatosur.


Ndërkohë me gjithë negociatat 71-vjeçari i cili ka dhe një armë me vete nuk pranon të dorëzohet.


Panik në Elbasan, qëllohet me armë në drejtim të policisë. Plagosen dy kalimtarë

Të shtëna me armë janë regjistruar pak caste me parë në Elbasan. Burime nga vendngjarja thanë se është qëlluar me armë në drejtim të efektivëve të policisë. Ngjarja mësohet se ka ndodhur në lagjen ’11 Nëntori’ në qytetin e Elbasanit.

Policia është njoftuar për një konflikt familjar në lagjen ’11 nëntori’ në Elbasan. Mësohet se në vendngjarje kanë mbërritur patrulla e përgjithshme si edhe forca “Shqiponja”.  Mësohet se personi i përfshirë në konflikt familjar po qëllon me armë drejt policisë. Forcat e policisë janë pozicionuar dhe po i bejne thirrje personit të dorëzohet.


Në ndihme te policisë së Elbasnit po nisen menjëherë FNSH dhe Forcat e Specialiazuara të RENEA-s. Deri tani nuk ka të dhëna për të plagosur apo të lënduar nga të shtënat. Mësohet gjithashtu se personi që po qëllon me armë drejt policisë është i akuzuar për përndjek    je.

Burime policore thane se Lefter Zh., ka plagosur me armë dy kalimtarë Abdenauer Kndraxhiu dhe Ledjo Saraci, te cilet ndodhet jane rrezikut per jeten.

NJOFTIMI I POLICISË
Më datë 24.09.2020, rreth orës 13:20, në lagjen “11 Nëntori”, Elbasan shtetasja F. Zh., ka patur një konflikt me bashkëshortin e saj, shtetasin Lefter Zhidru, 71 vjeç, i cili në momentin që ka shkuar Policia është futur në banesë dhe ka qëlluar dhe vijon të qëllojë me armë zjarri kallash në drejtim të forcave të Policisë.

Forcat Shqiponja dhe Patrullat e Përgjithshme janë pozicionuar dhe kanë vendosur perimetrin e sigurisë dhe vijojnë t’i bëjnë thirrje këtij shtetasi të dorëzohet, i cili vijon të bëjë rezistencë duke qëlluar vazhdimisht në drejtim të Policisë. Si pasojë e të shtënave janë plagosur jashtë rrezikut për jetën dy shtetas, L. S., 22 vjeç dhe A. K., 21 vjeç, kalimtarë të rastit, në momentin që ky shtetas ka filluar të qëllonte me armë në drejtim të Policisë.

Në ndihmë të Policisë lokale janë nisur menjëherë forcat e FNSH dhe të RENEA-s, për të bërë neutralizimin dhe kapjen e shtetasit që vijon të qëllojë me armë në drejtim të Policisë. Shtetasi Lefter Zhidru vijon të qëllojë me armë duke bërë rezistencë edhe pas thirrjeve të pandërprera të Policisë. Banesa nga e cila po qëllon ky shtetas është e rrethuar dhe Policia ka vendosur një perimetër të gjerë rrethimi, për të parandaluar dëmtimin e kalimtarëve të tjerë të rastit.


Arrestohet 44-vjeçari me 4 emra të ndryshëm në Elbasan, i dënuar 10 vite më parë në Itali

Një 44-vjeçar është arrestuar në Elbasan pasi 10 vite më parë ishte dënuar në Itali nga Gjykata e Torinos me 6.8 vite burg për trafik droge dhe organizatë kriminale.

Ai përdorte 4 emra, një prej të cilëve polak, JorgoWojtaszcyk, dhe 3 të tjerë shqiptar, Gramoz Zeneli, Jorgo Zeneli dhe Jan Zeneli.


NJOFTIMI NGA POLICIA
Elbasan

Vijojnë operacionet për kapjen e personave të shpallur në kërkim kombëtar e ndërkombëtar.

Gjatë operacionit kapet një tjetër person në kërkim ndërkombëtar, i dënuar 6 vjet e 8 muaj burg.

Operacioni nga Drejtoria Vendore e Policisë Elbasan në bashkëpunim me Interpol Tirana.

Në vijim të punën për lokalizimin dhe kapjen e personave të shpallur në kërkim kombëtar e ndërkombëtar, si rezultat i shkëmbimit të informacionit mes Drejtorisë Vendore të Policisë Elbasan dhe Interpol Tirana, nga shërbimet e DVP Elbasan është bërë lokalizimi i vendodhjes , kapja dhe arrestimi provizor me qëllim ekstradimi në Itali, i shtetasit shqiptar:

Jorgo Wojtaszcyk alias Gramoz Zeneli alias Jorgo Zeneli alias Jan Zeneli, 44 vjeç.

Ky shtetas ishte shpallur në kërkim ndërkombëtar nga Interpol Roma, më datë 14.09.2020, pasi Gjykata e Apelit Torinos, Itali, në vitin 2010, e ka dënuar me 6 vjet e 8 muaj burg, për veprat penale “Organizatë kriminale” dhe “Trafik i lëndëve narkotike”, parashikuar nga Kodi Penal italian.

Interpol Tirana, në bashkëpunim me Interpol Romën po vijojnë veprimet për ekstradimin e këtij shtetasi drejt Italisë.


I penduari i drejtësisë ‘zbërthen’ vrasjet në Elbasan: Erjon Alibej pagoi Halilajn e Hoxhën për ekzekutimet

Vrasjet e ndodhura në muajin korrik në Elbasan u zbuluan nga një i penduar i drejtësisë. Dëshmia e bashkëpunëtorit të drejtësisë është prova më e fortë që çoi prapa hekurave, Erjon Alibej, i cili dyshohet si urdhërues i vrasjeve të Emiljano Ramazanit dhe Regis Runaj, ngjarje të ndodhura në harkun kohor të dhjetë ditëve në korrik të këtij viti.

“Në kuadër të hetimeve është lidhur një marrëveshje bashkëpunimi mes një shtetasi dhe organit të prokurorisë. Bashkëpunëtori i drejtësisë, por edhe personat e tjerë të pyetur gjatë hetimeve, kanë konfirmuar dyshimin se Erion Alibej është porositës i vrasjes së Emiljano Ramazanit dhe Regis Runaj. Ka të dhëna që këto ngjarje kanë për motiv gjakmarrjen për vrasjen e shtetasit Endrit Alibej, ngjarje kjo e ndodhur në vitin 2018 në Elbasan”, thuhet në dosje.


Nga hetimet rezulton se Erjon Alibej urdhëroi vrasjen e Runajt dhe Ramazanit, të cilët i akuzonte për përfshirje në ekzekutimin e vëllait të tij, Endritit, dhjetorin e 2 viteve më parë. Në masakrën e ndodhur në Bradashesh mbeti I vrarë edhe xhaxhai i tij, Arben Dylgjeri si dhe një shtetas turk. Dyshimet janë se shënjestra ishte Endrit Alibej, i skeduar në fushën e trafikut të drogërave të forta.
Hetimet kanë nxjerrë në dritë faktin, se Alibej pagoi Euglen Halilin dhe Xhuljano Hoxhën që të ekzekutonin Regis Runaj, i cili u gjet i pajete mbrëmjen e 29 korrikut 2020 në afërsi të varrezave të qytetit. Sipas policisë, ai është goditur 27 herë më thike nga Halilaj, ndërsa Hoxha ka rolin e organizatorit. Të njëjtën persona, po kundrejt pagesës, kanë patur rolin e vëzhguesit në vrasjen e Emiljano ramazanit, tek rrethrrotullimi i Luleve, në Elbasan me 20 korrik të këtij viti. Krahas detajeve për këto dy ngjarje të rënda, i penduari ka dëshmuar edhe për krime të tjera të ndodhura në Elbasan.


I arrestuar për dy vrasjet e bujshme në Elbasan, Erion Alibej dyshohet se paguhej nga grupet kriminale me rezidencë në Dubai

Policia e Elbasanit njoftoi se ka arrestuar një 34-vjeçar, pasi me prova është dokumentuar se është porositësi dhe ekzekutuesi i 2 vrasjeve të ndodhura në muajin korrik në Elbasan.

Nga hetimet e kryera rezultoi se ky shtetas është organizatori dhe porositësi i dy vrasjeve të ndodhura më datë 20 korrik në qytetin e Elbasanit, në lagjen “28 Nëntori”, ku u vra me armë zjarri shtetasi Emiljano Ramazani dhe i vrasjes së ndodhur më datë  29.07.2020, në afërsi të varrezave të qytetit, ku mbeti i vrarë me armë të ftohtë shtetasi Regis Runaj.


Gjithashtu dyshohet se Alibej paguhej nga grupet kriminale shqiptare, rezident në Dubai (lidhje e kompanisë Bello) që trafikonin drogra të forta në Europë. Atij i ngarkoheshin detyra për të eliminuar dhe dëmtuar grupet rivale që merreshin me të njëjtin aktivitet të paligjshëm./realstory.al


Skip to toolbar