Tag: Fiorentina

Fiorentina sakaton Juven. Dëmtohen 3 lojtarë të Sarrit

Pas dy fitoresh radhazi në Serie A, Juventus është ndalur në barazim 0-0 në fushën e Fiorentinës. Në fakt, ka qenë një pikë e artë për vendasit, që e nisën me dy humbje kampionatin, ndërsa sfida ndaj Juves ishte vendimtare për stolin e Monttelas. Në krahun tjetër, Juventus ka dalë e “sakatuar” nga kjo sfidë, pasi humbi tre lojtarë.

Në minutën e 8-të të sfidës, Douglas Costa ka lënë fushën e lojës i dëmtuar, ndërsa vendin e tij e zuri Bernanderchi. Ky zëvendësim  i detyruar ndikoi jo pak në lojën e skuadrës mike. Megjithatë,  Juve kërkon të gjejë rrjetën duke tentuar disa herë me Ronaldon, por mbrojtja e Fiorentiës përballon çdo sulm të CR7.

Loja ka qenë e tensionuar, me shumë faulle dhe shkelma mes lojtarëve. Ndërkohë, Fiorentina ka pasur disa mundësi për të shënuar, por pa mundur të ndëshkojë Juventusin. Gotidja e dytë për “Zonjën” erdhi në minutën e 44, kur Pjaniç detyrohet të dalë nga fusha i dëmtuar, ndërsa në vendin e tij u fut Bentacur. Me nisjen e pjesës së dytë, Sarri bëhet përsëri me ‘dhimbje koke’ kur detyrohet të kryejë zëvendësimin e tretë të detyruar pas dëmtimit të Danilos.

Ky zëvendësim si dhe dy të parët prishin gjithë planet e Juventusit, duke i dhënë mundësi Fiorentinës të marrë pikën e parë në kampionat. Gjithashtu, tre lojtarët e zëvendësuar për shkak dëmtimesh, pritet të mungojnë edhe në Champions League në sfidën ndaj Atletico Madrid.

Ndeshja e së shtunës ishte e para për Maurizio Sarrin si trajner i “Zonjës” në Serie A. Në dy ndeshjet e para, Sarri mungoi pasi ishte i sëmur. Megjithatë, Juventus qëndron në krye të Serie A me 7-të pikë, të paktën deri në mbrëmjen e së shtunës, pasi të ketë luajtur dhe Inter. Fiorentina merr pikën e parë në kampionat, por mbetet në vendin e 16-të të Serie A.

Legjenda Franck Ribery pritet si ‘hero’ te Fiorentina

Legjenda franceze Franck Ribery është bërë zyrtarisht pjesë e klubit të Fiorentinës. Skuadra e Serie A, ka ndarë për ndjekësit në rrjetet sociale, një foto të Ribery që ka mbrritur në Itali për të nënshrkuar kontratën me klubin nga Firence. Ribery, që deklaroi se do të largohej nga futbolli në fund të sezonit që lam pas, riveshi dhe njëherë këpucët për t`u bashkuar me klubin Fiorentinës. 36-vjeçari fluturoi të mërkurën në Fierence, ku para se të firmos kontratën, do të kryejë testet mjekësore.

Duke folur për mediat, ish-ylli i Bayern Munich u shpreh se “jam këtu me familjen time. Ne po bëjmë diçka së bashku. Kam folur me klubin dhe Luca Tonin, të cilët më kanë thënë se ky është një klub i shkëlqyer dhe një qytet i bukur”, ka thënë Ribery. Francezit i përfundoi kontrata me Bayernin në qershor të këtij viti, sapo u mbyll sezoni i rregullt sportiv.

Megjithëse klubi kishte dëshirë të rinovonte, Ribery nuk pranoi duke dalë futbollist i lirë. Ai luajti 12 vite me Bayern dhe fitoi 23 trofe, përfshirë 9 tituj në Bundesligë dhe Ligën e Kampionëve. Shërbimet e sulmuesit i donin disa klube në Europë dhe jashtë saj, por Ribery zgjodhi Fiorentinën, edhe për shkak të largësisë jo shumë të madhe me Francën. Kontrata e Franck Ribery do të jetë dy vjeçare, ndërsa sulmuesi do të përfitojë 5 milion euro në sezon te Fiorentina, përfshirë këtu dhe bonuset.

Ribery befason me zgjedhjen e tij, e bind klubi i Serie A

Franck Ribery dhe Fiorentina janë gjithnjë dhe më pranë. Pas një bisedimi, që ka nisur prej dyzet ditësh, dy palët janë duke arritur marrëveshjen, që konsiston në pagën prej 4 milion eurosh në sezon plus shpërblimet. Pritet që Ribery të kryejë vizitat mjekësore të mërkurën. Bisedimet mes Fiorentinës dhe francezit janë zhvilluar edhe gjatë ditës së martë, ndërsa duket se tani palët kanë dakordësuar gjithçka.

Nënshkrimi me Ribery do të ishte një goditje e madhe në merkato për Fiorentinën, që përfiton nga fakti se merr një  nga lojtarët legjendar të Bayern Munich, me parametra zero. Kontrata e re, sipas mediave italiane, parashikon dy vite nënshrkim me sulmuesin francez. Të mërkurën pritet që Ribery të jetë në Firence për të kryer vizitat mjekësore dhe më pas të bashkohet me skuadrën.

Ai ka shumë arsye për të zgjedhur Italinë, pasi ka mësuar dhe gjuhën italiane. Në fund të sezonit që lam pas, Franck Ribery dhe Arien Roben, deklaruan mbylljen e karrierës me Bayern Munich, ku luajtën për gati një dekadë dhe fituan shumë trofe në Bavari. Megjithatë, francezi dhe holandezi, nuk deklaruan përfundimin e karrierës sportive, duke lënë të hapur mundësinë për oferta nga klube të tjera.

Milan mund Fiorentinën dhe shpreson te hapi fals i kundërshtarëve (video)

Ashtu siç kishte premtuar trajneri Gennaro Gattuso, Milani ka dalë me tre pikë nga fusha e Fiorentinës, duke rritur shpresat për një vend në Champions sezonin e ardhshëm.

Kuqezinjtë fituan me rezultatin 1-0, me tre pikët që e ngjisin përkohësisht Milanin në vend të pestë, me vetëm një pikë më pak se Interi që mban vendin e katërt, por ka ende një ndeshje më shumë për të luajtur.

Në këtë takim Milani kishte disa mungesa si: Paqueta, Biglia, Calabria apo Caldara. Në krahun tjetër Gattuso ka sheshuar konfliktin me Bakayoko-n, i cili e nisi si titullar takimin e së dielës mbrëma.

Hakan Calhanoglu në fund të pjesës së parë shënoi golin e parë dhe të vetëm të takimit, duke i dhë tre pikët skuadrës së tij.

Fiorentina, që ende nuk ka asnjë fiotre nën drejtimin e trajnerit Montella, u mundua të bënte diçka në pjesën e dytë, por nuk arriti të shfaqte rrezik, pasi Milan u mbrojt mirë dhe kontrolloi si duhet.

Përballja me ish-ekipin, Montella: Kam qenë gjithmonë tifoz i Milanit!

Fiorentina do të përballet me Milanin teksa për trajnerin Vincenzo Montella do të jetë një ndeshje e veçantë, pasi përballë do të ketë ish-ekipin. Ai ka folur në konferencë për shtyp duke u shprehur se skuadra e tij nuk do të dalë pa pikë nga ky takim.

“Na mungon një pikë për të siguruar mbijetesën? Do të bëjmë më shumë. Nuk kam humbur kurrë katër ndeshje radhazi si trajner, por edhe si lojtar”.

“Kam qenë tifoz me Milan-in në fëmijëri, më pas e mora veten… Ka qenë një ëndërr për mua të drejtoja dhe të fitoja një trofe me atë ekip”, – ka thënë Montella. – “Mbetet një kujtim i madh, por e tashmja dhe e ardhmja ime është Fiorentina dhe dua ta mund Milan-in për ekipin tim”.

“Gattuso? Kur mori drejtimin e të rinjve të Milan-it i kam thënë drejtorit Fassone se do të më vinte mirë nëse do të ishte ai që do të merrte vendin tim në rast se do të shkarkohesha. Do ta përshëndes me shumë dëshirë Gennaron, por shpresoj ta takoj me më shumë dëshirë pas ndeshjes…”.

Trembet Brescia, dy klube duan Emanuele Ndojin!

Brescia u rikthye në Serinë A pas tetë sezonesh, duke bërë një hap të rëndësishëm cilësor. Skuadra pati sukses në Serinë B duke e dominuar atë nga fillimi deri në fund, ndërsa pjesë e këtij suksesi ishte dhe mesfushori i kombëtares shqiptare, Emanuele Ndoj.

Ky i fundit ka bërë paraqitje të shkëlqyera, duke dhënë kontributin e tij për ngjitjen e ekipit në elitën e futbollit italian. Brescia nuk ka kohë për të humbur, ndaj ka nisur të mendojë për planet në Serinë A.

Presidenti i klubit konfirmojë se në krye të Brescias edhe për sezonin në Serinë A do të qëndrojë trajneri Eugenio Corini, teksa në detyrë do të mbetet dhe drejtori Sandro Tonali.

Ky është vetëm hapi i parë, pasi tani klubi ka filluar të mendojë dhe për lojtarët. Lojtarët e konfirmuar për sezonin e ardhshëm janë: Simone Romagnoli, Daniele Dessena dhe Alfredo Donnarumma, ndërsa mbetet për të kuptuar se çfarë do të bëjnë Nicolas Spalek, Emanuele Ndoj dhe Ernesto Torregrossa.

Disa klube kanë shfaqur interes për lojtarët e sipërpërmendur, teksa mesfushori shqiptar, Emanuele Ndoj, është në listën e Sampdorias dhe Fiorentinës. Dy klube të cilat janë në Serinë A dhe synojnë të përfitojnë nga shërbimet e mesfushorit shqiptar.

E bujshme: Fiorentina në sulm për Gjimshitin, por mbrojtësi kushton…

Fiorentina interesohet për qendërmbrojtësin shqiptar, Berat Gjimshiti. Ky lajm raportohet nga mediat pranë klubit të Fiorentinës, të cilat pohojnë se klubi pritet të kontaktojë Atalantën për shqiptarin.

Futbollisti i kombëtares shqiptare është duke bërë një sezon të shkëlqyer me Atalantën në Serinë A, teksa bergamezët janë duke realizuar ëndrrën për pjesëmarrjen në Champions League sezonin e ardhshëm.

Gjimshiti është kthyer në shtyllë kryesore në skemën me tre mbrojtësa në qendër të trajnerit Gasperini, duke i dhënë siguri skuadrës së Atalantës në prapavijë. Megjithatë, ai këtë sezon numëron dhe dy gola të shënuar ndaj Interit dhe Lazios, duke i rritur kreditet e tij.

Fiorentina nuk është ekipi i vetëm që interesohet për futbollistin shqiptar, pasi Zenit dhe klube të tjera europiane kanë shfaqur interes.

Por ky transefrim është në mos i pamundur i vështirë, pasi Gjimshiti ka rinovuar me Atalantën dhe klubet e tjera për të prishur kontratën do të duhet të derdhin mbi 20 milionë euro për shqiptarin.

Ky është vlerësimi që i bënte pak ditë më parë Skay Sport kartonit të Gjimshitit, teksa një pengesë tjetër mund të jetë fakti që mbrojtësi shqiptar të llogaritet si pjesë e planit Champions për sezonin e ardhshëm.

Skip to toolbar