Gattuso drejt largimit, Milani gjen trajner në Londër!

Gennaro Gattuso nuk do të jetë sezonin e ardhshëm trajner i Milanit, të paktën kështu kanë lënë të kuptohen lëvizjet e fundit në shtëpinë e “Djallit”. Administratori i Milanit, Ivan Gazidis ka planifikuar javën e ardhshme një udhëtim drejt Londrës, ku sipas mediave qëllimi i kësaj vizite do të jetë një takim me Mauriocio Sarrin.

Trajneri aktual i Chelsea ka pasur tensione kohët e fundit me drejtuesit e klubit, pas dëmtimit të Loftus-Cheek, i cili u dëmtua në një ndeshje miqësore mes Chelsea dhe New England Revolution në SHBA. Ky mini turne e ka shqetësuar shumë Sarrin që tashmë rrezikon të humbasë një lojtar të rëndësishëm për finalen e Europa League.

Megjithatë, edhe nëse Sarri fiton finalen e trofeut europian, pozitat e tij në stolin e Chelseat nuk janë të sigurta. Ndaj në Milano kërkojnë ti paraprijnë situatës në rast të një shkarkimi të mundshëm të trajnerit të londinezëve, duke e sjellë atë përsëri në Itali.

Milan mund Fiorentinën dhe shpreson te hapi fals i kundërshtarëve (video)

Ashtu siç kishte premtuar trajneri Gennaro Gattuso, Milani ka dalë me tre pikë nga fusha e Fiorentinës, duke rritur shpresat për një vend në Champions sezonin e ardhshëm.

Kuqezinjtë fituan me rezultatin 1-0, me tre pikët që e ngjisin përkohësisht Milanin në vend të pestë, me vetëm një pikë më pak se Interi që mban vendin e katërt, por ka ende një ndeshje më shumë për të luajtur.

Në këtë takim Milani kishte disa mungesa si: Paqueta, Biglia, Calabria apo Caldara. Në krahun tjetër Gattuso ka sheshuar konfliktin me Bakayoko-n, i cili e nisi si titullar takimin e së dielës mbrëma.

Hakan Calhanoglu në fund të pjesës së parë shënoi golin e parë dhe të vetëm të takimit, duke i dhë tre pikët skuadrës së tij.

Fiorentina, që ende nuk ka asnjë fiotre nën drejtimin e trajnerit Montella, u mundua të bënte diçka në pjesën e dytë, por nuk arriti të shfaqte rrezik, pasi Milan u mbrojt mirë dhe kontrolloi si duhet.

Milani në Champions, Gattuso: Është koha të fitojmë tre ndeshjet e fundit!

Gennaro Gattuso ka dalë në konferencë për shtyp, në prag të ndeshjes me Fiorentinën. Trajneri i kuqezinjëve ka folur për shumë tema, duke nisur nga sherri me Bakayokon në ndeshjen ndaj Genoas. “Unë nuk mbaj mëri me asnjë”, tha Gattuso në lidhje me Bakayokon.

“Ne duhet t’i bëjmë të gjthë lojtarët të ndjehen të sigurt. Nuk kam nevojë për përkëdhelje, nuk më pëlqejnë karizmat. Më pëlqen që ndonjëherë të qëndroj në ndonjë “bordello”, nuk ndihem si i huaj”, tha fillimisht Gattuso duke ashpërsuar tonet në konfernecë për shtyp.

Duke folur për arritjen e Champions League sezonin e ardhshëm, Gattuso u shpreh: “Duhet të mendojmë vetëm për veten tonë, nuk duhet të humbasim energji duke parë çfarë ndodhë në fushat e tjera. Do të ndieja keqardhje nëse do të humbnim pikë rrugës. Tani duhet të mendojmë vetëm për të arritur vendin e katërt”, tha trajneri i Milanit.

Piatek nuk po kalon një moment të mirë me Milanin, teksa prej kohësh nuk ka gjetur rrjetën. Gattuso shprehet se ai duhet të jetë i qetë dhe gati për ekipin: “Nuk ka problem, ai duhet të qëndrojë i qetë dhe të jetë në dispozicion të ekipit. Ai duhet t’i japë përparësi ekipit”.

Në fund Gattuso ka thënë se Milani e ka detyrë që të fitojë të treja ndeshjet e mbetura të kampionatit. “Do të përpiqemi të fitojmë të tria ndeshjet. Duhet të përgatitemi mirë për këto ndeshje. Forca jonë është grupi dhe duhet të vazhdojmë kështu”, ka thënë ndër të tjera Gattuso.

Sherri Gattuso-Bakayoko, Leonardo: Milani mbi të gjithë, fajtori ndëshkohet!

Drejtori Sportiv i Milanit, Leonardo ka folur për mikronin e Skay Sport, pas fitores së ekipit të tij ndaj Bologna. Ai ka komentuar disa çështje, teksa vëmendja kryesore është përqëndruar te incidenti ndodhur në stolin e Milanit mes Bakayoks dhe trajnerit Gattuso.

“Episodet pas derbit dhe mosmarrëveshjet Gattuso-Bakayoko? Ne flasim pak, besojmë se nuk mund të jemi gjithmonë gjyqtarë në çdo situatë. Kanë ndodhur shumë gjëra, që janë zgjidhur brenda familjes nga Gazidisi, unë, Maldini dhe Gattuso. Këto janë gjëra që zgjidhen brenda klubit pa u bërë publike”, ka thënë fillimisht Leonardo.

“Konfirmimi Gattusos? Nuk e ka thënë askush që ai nuk do të jetë trajner. Kemi qenë gjithmonë shumë të qartë me të. Lodhja vjen për të gjithë. Ajo që ka përjetuar Rino nuk ka qenë e kehtë: ai ka përjetuar ndryshimin e pronësisë së klubit dhe ndryshimin e ideve. Ai duhet të përshtatej. Ka pasur momente të lumtura dhe jo të lumtura, por që priteshin”, është shprehur drejtori sportiv i Milanit.

“Gazidisi na qëndron afër, por ai erdhi në nëntor. Milani ka marrë shumë pikë nga janari deri në mars, pastaj kanë ardhur problemet dhe rastet Kessie-Biglia, Bakayoko etj. Ne kemi qenë shumë të qartë me ta, madje edhe rasti i sotëm është diskutuar dhe do të arrijmë ta zgjidhim brenda për brenda. Sjelljet e Bakayoko-s? Nuk duam të bëjmë një gjykim publik”.

“Bakayoko ka shumë gjëra pozitive si djalë. Por nëse ai bën një gabim, paguan si gjithë të tjerët. Këto janë situata të sqaruara; ata e dinë se çfarë mendojmë, sepse Milani nuk mund të preket. Ne si njerëz kalojmë por Milani mbetet, klubi duhet të mbrohet, sepse gjithmonë do të jetë këtu”, ka përfunduar Leonardo.

Dorëzohet Gattuso: S’jam i zoti t’i bëj njerëzit të kuptojnë gabimet!

Genaro Gattuso është shfaqur i shqetësuar pas barzimit me Parman, në fushën e kësaj të fundit mesditën e sotme. Trajneri i Milanti ka folur në konferencë për shtyp pas ndeshjes, duke theksuar faktin se skuadra e tij u tregua naive.

“Në pjesën e parë luajtëm me ritëm, nuk ishte një paraqitje shumë e mirë. Më pas provuam dhe patëm fat kur gjetëm golin e avantazhit, më pas ata barazuan me një goditje dënimi të bukur, por të shkaktuar nga naiviteti ynë.”

Duke komentuar kundërshtarin, Gattuso u shpreh se Parma ishte ekip me cilësi, që luajti më mirë se Milan në disa momente. “Ky ekip ka karakteristika shumë specifike, ishim në dijeni për këto në disa momente ishin më të rrezikshëm se ne.”

Në fund ai ka folur edhe për gabimet e skuadrës që drejton, duke h shprehur se nuk është i zoti që t’i bëjë të tjerët të kuptojnë këto.

“Ndoshta nuk jam i zoti që t’i bëj njerëzit të kuptojnë këto gjëra të vogla. Ne prisnim diçka më shumë, e dinim shkallën e vështirësisë së kundërshtarit. Tek goli i dytë ishim të pafat, nuk ishte shumë i paqartë pozicioni jashtë loje, duhet të shohim përpara”, është shprehur Gattuso.

Maldini votëbeson Gattuso-n dhe sqaron çështjen me UEFA-n

Dikur shok skuadre dhe miq të mirë, sot së bashku punojnë në të njëjtin ekip, njëri si trajner dhe tjetri si drejtues i lart në klub. Bëhet fjalë për Genaro Gattuson dhe Paolo Maldinin, me të parin që drejton skuadrën në fushën e lojës dhe të dytin që drejton klubin. Gjatë ditës së sotme, ish-kapiteni i kuqezinjve, Paolo Maldini, ka folur për situatën e klubit në lidhje me UEFA-n, ndërsa ka “votëbesuar” Gattuson si trajner.

“Ne jemi të kënaqur me Rino dhe kurrë nuk e kemi vënë në diskutim. Nuk e kemi pasur kurrë idenë e largimit të tij. Jemi të bindur se është trajneri i duhur për Milanin. Klubi ka një marrëdhënie shumë të drejtpërdrejtë me të, si me lojtarët.

Rino di gjithçka, e di se çfarë mendojmë për të dhe për punën e tij. Gjithashtu, ai mund t’iu japë një dorë të rinjve, pasi e njeh mirë këtë mjedis. Ai ka një kontratë 2-vjeçare. Leonardo dhe unë shpesh i themi njëri-tjetrit: sa mirë do të ishte, po të fitonim me Rino në stol. Ne flasim drejtpërdrejt, shumë më mirë se sa të flasim prapa krahëve”.

Të mërkurën, kërkesa e UEFA-s për nisjen e një hetimi mbi “fair play financiar” ka mbërritur, por Maldini sqaron historinë dhe është optimist: “Edhe vitin e kaluar duhej të përjashtoheshim nga garat europiane, por më pas erdhi vendimi i CAS. Ne jemi gati për çdo gjë, kemi shumë armë. Si klub duam që të mos jetë një përballje e vështirë dhe pa dialog. UEFA e ka kuptuar se Milani është një klub i shëndetshëm financiarisht, me drejtues kompetentë, që dëshiron të kthehet në krye. Do të diskutojmë me UEFA-n, por vitet para Elliott janë në shqyrtim”.

Pastaj, shpjegon rëndësinë e arritjes së objektivit sezonal: “Kualifikimi në Ligën e Kampionëve do të ishte bonus i madh si për merkaton, ashtu edhe për entuziasmin e grupit. Do të ishte diçka e keqe, po të mos shkojmë në Europën e të mëdhenjve për herë të shtatë radhazi”.