Policia e Shtetit reagon për gomonen e kapur me klandestinë në Itali

Gjatë të dielës një gomone me 33 emigrantë irakianë u ndalua në zonën e Salentos në Itali. Sipas mediave të vendit fqinj, gomonia vinte nga Shqipëria. Por, Policia e Shtetit në shqiptar përgënjeshtroi këtë lajm të dielën në mbrëmje.

Me anë të një deklarate për mediat, Policia e Shtetit tha se “nuk ka asnjë provë apo të dhënë që mjeti lundrues të jetë nisur nga toka shqiptare”.

Më tej, Policia e Shtetit sqaron se “Gjithashtu, nuk ka asnjë komunikatë apo deklarim zyrtar të forcave policore italiane apo të ndonjë institucioni tjetër që mjeti me migrante të jetë nisur nga Shqipëria.

Sipas dyshimeve të para të autoriteteve italiane, nisur edhe nga shtetësia e migrantëve, dyshohet se ata mund të kenë udhëtuar nga Turqia, nëpërmjet Greqisë, për në Itali.

Policia e Shtetit mbetet e angazhuar për të luftuar dhe goditur çdo tentativë trafikimi të qenieve njerezore apo çdo paligjshmëri tjetër.

Policia e Shtetit, duke përfituar nga ky komunikim, i kërkon medias që ta kontaktojë për informacion zyrtar e të saktë, për të shmangur keqinformimin e publikut”, përfundon deklarata.

Aksion si në filma, pamjet e ndalimit të gomones në Egje

Një ndjekje si në filma, kështu është cilësuar aksioni i 25 shtatorit ku rojat bregdetare greke ishin vënë në ndjekje të dy gomoneve, që dyshoheshin se ishin me drogë. Mediat greke kanë publikuar pamjet e aksionit të kryer në ujërat e territorit grek, në kufi me Turqinë, ku dy gomone, që dyshoheshin se ishin me drogë, u vunë në ndjekje nga roja bregdetare greke dhe një helikopter i Frontex. Në video shfaqen pamjet e operacioni antidroge, ku duhet momenti i arrestimit te 3 personave, dy shqiptarë dhe një shtetas italian. Gjatë aksionit ka qenë snajperisti, i cili qëlloi motorin e njërës prej gomoneve për të bërë ndalimin e saj, ku u bë i mundur edhe arrestimi i tre personave. Në pamje shihet se 3 personat kanë qenë të maskuar me skafandër dhe maska, ndërsa lëvizin me një shpejtësi për t’i shpëtuar policisë.

Sipas mediave greke, roja bregdetare është në kërkim të gomones së dytë, ndërsa të arrestuarit raportohet se nuk kanë folur gjatë marrjes së tyre në pyetje nga policia.

Gjatë të mërkurës në lidhje me aksionin ka reaguar edhe policia shqiptare, e cila konfirmoi arrestimin dy shtetasve shqiptarë, por mohoi që gomonet të ishin nisur nga Shqipëria, ndërsa shtoi se në gomonen e kapur nuk është gjetur drogë.

SKAF ME DROGË DREJT TURQISË? POLICIA ZBARDH TË VËRTETËN

Anija “Butrinti” shpëton gomonen me 50 emigrantë

Ministria e Mbrojtjes njofton sot se anija “Butrinti”, e Forces Detare, me mision në detin Egje, gjatë patrullimit në zonën e saj të operacionit, mbrëmjen e djeshme ka shpëtuar një gomone me 50 emigrantë (40 burra dhe 10 gra) , e cila ishte nisur nga Ceshme drejt ishullit të Chiosit.

Menjëherë është bërë shoqërimi i gomones si dhe njoftimi i situatës Rojes bregdetare turke, greke dhe Forontex. Emigrantët janë marre nga Roja bregdetare turke, e cila ka vijuar lundrimit drejt portit të Ceshmes.