Ekstradohet anëtari i bandës së “babagjyshëve”

Gjashtë vjet pas një nga grabitjet më të bujshme në Tiranë, është ekstraduar një prej anëtarëve të bandës, që në 24 dhjetor, grabiti me dhunë një argjendari në një qendër tregtare në periferi të Tiranës.

Policia e Shtetit njoftoi të dielën se është ekstraduar nga Hollanda 33 vjeçari Fatmir Pjetri, i lindur në Pukë, i akuzuar për disa vepra penale në Shqipëri, mes tyre dhe grabitja e argjendarisë në qendrën tregtare.

Ky shtetas ishte shpallur në kërkim ndërkombëtar pasi: Gjykata e Shkallës së Parë për Krimet e Rënda Tiranë me vendimin penal të vitit 2018, e dënoi me 30 vjet burg  për veprat penale “Vjedhja me armë e kryer në bashkëpunim”, “Grupi i strukturuar kriminal” dhe “Kryerja e veprave penale nga organizata kriminale dhe “Grupi i strukturuar kriminal”.

Shtetasi Fatmir Pjetri ka qenë pjesë e një grupi kriminal (Babagjyshët) që gjatë periudhës Janar-Dhjetor të vitit 2013 dhe në vazhdim, në qytetet e Tiranës, Laçit, Fushë-Krujës, Kuçovës dhe Durrësit kanë grabitur me armë disa argjendari në këto qytete.

Ai është autor i disa vjedhje në Kuçovë, Laç, Fushë-Krujë dhe e fundit ajo në Tiranë në prag të krishtlindjeve. Si rezultat i bashkëpunimit të Interpol Tiranës me Interpol The Hague, u bë i mundur arrestimi i tij në Hollandë, duke u finalizuar me ekstradimin drejt vendit tonë.

Grabitet dhe plagoset gjinekologu në Librazhd

Me thika në duar grabitësit kanë hyrë me dhunë në banesën e gjinekologut Kujtim Albrahimi në Librazhd dhe përveçse kanë vjedhur një shumë parash, kanë plagosur gjinekologun dhe bashkëshorten e tij.

Ngjarja ka ndodhur në lagjen nr.1 të qytetit të Librazhdit, ndërkohë që në banesë kanë qenë vetëm çifti i bashkëshortëve Albrahimi.

Grabitësit kanë marrë një sasi prej 10-12 milion lekësh të vjetra si dhe disa bizhuteri.

Ndërkohë policia dhe grupi hetimor kanë shkuar në vendin e ngjarjes dhe po punojnë për zbardhjen e plotë të grabitjes.

Gjykata lë në burg grabitësit e Rinasit

Gjykata e Krimeve të Rënda vendosi masën e arrestit me burg për 3 të arrestuarit të dyshuar për grabitjen e parave në aeroportin e Rinasit më 9 prill.

Gjykata vendosi që tre të arrestuarit  Oltjon Veseli, Saimir Çela dhe Reinaldo Sula të qëndrojnë në qeli deri në përfundim të hetimeve.

Seanca për masën u mbajt në Gjykatën e Krimeve të Rënda, aty ku një ditë më parë u shqyrtua masa edhe për Alkond Bengasin.

Gjurmët e gishtave, policia arreston 4 grabitësit e Rinasit

Megjithëse ende nuk ka një informacion zyrtar nga Policia e Shtetit, mediat televizive në vend i referohen burimeve të sigurta teksa raportojnë se 4 persona janë vënë në pranga dhe akuzohen si grabitësit e sasisë së konsiderueshme të parave në aeroportin e Rinasit.

Të arrestuarit janë  F.Beqiraj, Alkond Bregasi , R.Sula, Saimir Çela.

Mësohet se kanë qenë shenjat e gishtave të lëna në furgon ato që ndihmuan policinë në gjetjen dhe identifikimin e autorëve të grabitjes.

Pritet që sot Policia dhe Prokuroria të dalin në një konferencë për të dhënë detaje lidhur me hetimet e deritanishme për grabitjen e Rinasit.

Grabitësit në Rinas janë identifikuar

Zëvendës kryeministri, Erjon Braçe njofton se grabitësit e 10 milionë eurove dje në Rinas janë identifikuar dhe po punohet për kapjen e tyre. Përmes një mesazhi në instagram, Braçe shkruan se fill pas arrestimit të autorëve të grabitjes do të analizohet e gjithë situata dhe do të merren masat që çuan në cenimin e sigurisë së aeroportit.

“Prioritet tani kapja e banditëve! Ndaj mbështetje për çdo oficer të policise te perfshire ne hetime e operacionin e panderprere në terren! Pas kesaj, padiskutim analizë e plotë e çdo elementi qe ka cenuar rende sigurine nga bankat ne aeroport, masa te forta per çdokend!

Gjithë mbeshtetjen per Policine e Shtetit; Burrat qe u përballen dje me  nje prej bandave me te rrezikshme ne vend dhe eleminuan drejtuesin e saj; Burrat që po hetojne intesivisht dhe qe kane identifikuar çdo bandit te perfshire; Burrat qe jane ne territor e vijojnë ndjekjen”, shkruan Braçe.

Skip to toolbar