Partia Demokratike “humb” një tjetër bashki, kryebashkiaku i ri Kavajës hyn në zyrë

Saga e protestave para ambienteve të Bashkisë Kavajë dhe moslirimi i zyrës nga ish kryebashkiaku Isa Sakja ka marrë fund. Me largimin e protestuesve dhe administratës së bashkisë me mbylljen e orarit zyrat të punës, kryebashkiaku i ri, Redjan Krali ka ndjekur të njëjtën rrugë si homologu i tij në Bashkinë Devoll.

Mbyllja e derës me çelës nga ish kryetari i Bashkisë Kavajë, Isa Sakja nuk ka qenë aspak problem. Në prani të mbështetësve të tij dhe policisë është bërë hapja e bravës nga specialistë duke lejuar futjen e Redjan Kralit në zyrën e tij të re, që do e mbajë për 4 vitet e ardhshme.

Redjan Krali, i cili kandidoi nën logon e PS, doli nga zgjedhjet e 30 qershorit , ndërsa u betua ditën e martë në prani të këshillit bashkiak Kavajë për detyrën e tij të re. Betimi i tij u shoqëruar me protesta dhe disa përplase të militantëve me policinë, si një taktikë e PD për të mos liruar zyrat.

Bashkitë që dikur drejtoheshin nga PD, kanë vendosur të mos lirojnë zyrat me arsyetimin se nuk njohin 30 qershorin dhe janë në zbatim të dekretit të presidentit Meta, i cili e çdekretoi atë datë dhe vendosi 13 tetorin si datë të re zgjedhjesh vendore.

Kavaja me skenar si Devolli, PD rrethon bashkinë, Sakja: Nuk iki, zbatoj dekretin

Militantët e PD-së në Kavajë kanë rrethuar godinën e Bashkisë dhe ashtu sikurse ndodhi të hënën në Devoll, edhe të martën në Kavajë po ndodh i njëjti skenar, ai i bllokimit të marrjes së zyrës nga kryebashkiaku i ri i Kavajës, i zgjedhur në zgjedhjet e 30 qershorit.

Kryebashkiaku demokrat i Kavajës, i cili nuk mori pjesë në zgjedhjet e 30 qershorit, Isa Sakja shprehet se nuk do ta lirojë zyrën, ndërsa jashtë godinës janë mbledhur mbështetës të opozitës.

Sakja ka dhënë një prononcim të shkurtër për mediat duke u shprehur se ai do të respektojë dekretin e presidentit që është në fuqi, ndërsa thotë se në 30 qershor nuk ka patuar zgjedhje. “Sot do të jem në detyrë. Vazhdoj detyrën, nuk mund të lë bashkinë kur vetëm 5 përqind e qytetareve të Kavajës kanë votuar”.

PS-ja ka vepruar si në rastin e Devollit, ku pavarësisht kundërshtimit të demokratëve, këtë paradite është konstituuar Këshilli Bashkiak i Kavajës, proces i realizuar në zyrat e nënprefekturës. Në Këshillin Bashkiak janë betuar këshilltarët e rinj, që do të marrin detyrën, përkatësisht 29 nga PS, 1 nga G99 dhe 1 nga Partia Socialiste e Moderuar.

Kryebashkiakët e djathtë janë duke zbatuar dokumentin e shpërndarë nga sekretari i përgjithshëm i PD-së, dokument i cili është publikuar të shtunën nga realstory dhe ku lidershipi i PD-së thotë se do të mbështesë kryebashkiakët e djathtë për të mos liruar zyrat. Në dokument shkruhet se PD nuk mund ta llogarisë sesi do të reagojë populli në këto raste, duke nënkuptuar mbrojtjen me dhunë të godinave të bashkive. Gjatë të hënës nënkryetari i PD-së, Edi Paloka bëri thirrje për dhunë ndaj policisë duke iu referuar situatës në Devoll. Paloka i bënte thirrje njerëzve që të silleshin me policët njëlloj siç duhet të silleshin me një grabitës. Ky është skenari i përgatitur dhe i planifikuar nga lidershipi i PD-së fill pas zgjedhjeve të 30 qershorit.

Sakja i ultimatumit, nxjerr zjarrfikësit për të gjuajtur me ujë policët

Kryetari i bashkisë Kavajë, Isa Sakja, ndryshe nga bashkiakët e tjerë demokratë, ka dalë vetë në ball të sulmit ndaj KZAZ-ve. Në shkollën “3 Dëshmorët”, ‘qytetari i parë’ i Kavajës udhëheq një turmë të vogël njerëzish, të cilët pas ‘skadimit të ultimatumit të Sakes’, kanë sulmuar me gurë, sende të forta dhe ujë të lëshuar nga automjetet zjarrfikëse të kësaj bashkie forcat e Policisë së Shtetit që mbron ambientet e shkollës ku ndodhen materialet zgjedhore.

Militant e PD-së, të udhëhequr nga kryebashkiaku demokrat, kanë tentuar të shkatërrojnë gardhin rrethues të shkollës, teksa kanë sulmuar efektivët e policisë. Ndërkohë, policia u është përgjitur me gaz lotsjellës militantëve që kanë tentuar të hyjnë me dhunë në shkollën “3 Dëshmorët”.

Akti më i rëndë i kësaj ngjarje është nxjerrja e punonjësve zjarrfikës, të cilët janë bërë palë me militantët duke i hedhur ujë me presion të lartë forcave të policisë, të cilat ndodheshin në ambientet e shkollës. Ky është një tjetër akt i paprecedent i kundërvënies së forcave zjarrfikëse kundër atyre të Policisë së Shtetit.

Shkrihet Gjykata Kavajës, Sakja nis peticion: Projekt kriminal

Kreu i Bashkisë së Kavajës, Isa Sakja ka nisur një peticion drejtuar banorëve kundër projektit të qeverisë që synon shkrirjen e disa gjykatave dhe krijimin e një harte të re gjyqësore. Gjykata e Kavajës preket nga ky vendim dhe kompetencat e saj do t’i kalojnë Gjykatës së Durrësit.

Sakaj me një reagim Facebook ka thënë se ky është një “projekt kriminal i qeverisë, pasi përkthehet në kosto shtesë për qytetarët e Kavajës dhe anomali në ushtrimin e detyrës të dhjetëra avokatëve në qytet.”

Kryebashkiaku i Kavajës cilëson se një vendim i tillë është marrë pa u bere një studim i detajuar për efiçencën e kësaj gjykate dhe pa u konsultuar me grupet e interesit.

“Gjykata e Kavajës ka një volum të madh pune me mbi 2500 çështje të trajtuara në një vit, por kjo nuk e pengoi qeverinë ta mbylle atë. Ky projekt është në vazhdën e disa pseudoreformave të kësaj Qeverie kundër qytetareve te Kavajës, duke i larguar te gjitha shërbimet pranë qytetareve dhe duke i endur nëpër qytete te tjera midis Durrësit dhe Tiranës.” – shkruan Sakja

Te nderuar kavajas,Nje projekt i fundit per krijimin e nje harte te re Gjyqesore parashikon mbylljen e disa gjykatave,…
Gepostet von Isa Sakja am Mittwoch, 5. Juni 2019

Shpërdoroi detyrën, nis hetimi për kryebashkiakun e Kavajës

Kryetari i Bashkisë së Kavajës, Isa Sakja dhe dy vartësit e tij Dëshira Qato dhe Dritan Kazazi, janë nën hetim për “Shpërdorim detyre” nga Prokuroria e Kavajës, për dhënien e 7 lejeve ndërtimore në bregdetin e Kavajës.

Lajmin e ka dhënë “Shqiptarja.com”, e cila shkruan se është Inspektoriati Kombëtar i Mbrojtjes së Territorit, që ka gjetur parregullsi në dhënien e këtyre lejeve.

Prokuroria e Kavajës i ka kërkuar bashkisë së këtij qyteti të gjithë praktikën e dhënies së këtyre lejeve, të miratuara nga kryebashkiaku dhe dy vartësit e tij, Dëshira Qato me detyrë Drejtore e Drejtorisë së Kontrollit, Zhvillimit Urbanistik dhe Pronave dhe Dritan Kazazi me detyrë Kryeinspektori i IMT-së në Bashkinë Kavajë.

Hetimi ka nisur pas një kallëzimi penal nga Drejtoresha e IKMT-së Dallëndyshe Bici, inspektorët e institucionit që ajo drejton kanë kryer verifikimet në terren.

Nga sa mësohet, në shtatë lejet e dhëna nga bashkia e Kavajës, ndërtimet kanë nisur me qëllim për tu bërë hotele, mirëpo ka dyshime se ato mund të përdoren si pallat.

IKMT kallëzon penalisht kryetarin e Bashkisë Kavajë

Inspektoriati Kombëtar i Mbrojtjes së Territorit ka depozituar tre kallzime penale për zyratrët e Bashkisë Kavajë, për shpërdorim të detyrës. Sipas IKMT-së, zyrtarët e Bashkisë Kavajë kanë cënuar interesin e publikut dhe ttë territorit publik në të paktën shtatë (7) objekte shumëkatëshë të ngritura në territorin e kësaj bashkie.

Konstatimet janë bërë gjatë inspektimeve që IKMT ka ushtuar në bazë të ligjit në Bashkinë e Kavajës, prej të cilave ka rezultuar se Kryetari i Bashkisë Isa Sakja, Drejtoresha e Drejtorisë së Kontrollit, Zhivllimit Urbanisitk dhe Pronave, Dëshira Qato si dhe Kryeinspektori i Inspektoriatit të Mbrojtjes së Territorit, Dritan Kazazi, duke vepruar ose mos vepruar në dhënien e lejve të ndërtimit, kanë cënuar terroritin e publik.

Përmes njoftimit për publikun, IKMT shprehet e vendosur në mbrojtjen e territorit kundër abuzimeve të paligjshme, apo “të kopsitura” nga zyrtarë që shkelin ligjet dhe besimin e qytetarëve.