Ronaldo dhuron dy “perla”, Juventus merr komandën në Itali

Juventus shfrytëzoi rastin e artë të barazimit të Interit, për të thelluar diferencën në renditje. Skaudra e drejtuar nga Sarri fioi ndaj Parmas në shtëpi me rezultatin 2-1, duke marrë tre pikë të rëndësishme që e çojnë në +4 diferencën me Interin që ndodhet në vendin e dytë.

Ishte Ronaldo ai që me një supergol të tij, në të 43` i dha avantazhin Juves në pjesën e parë. Megjithatë, Cornelius realizoi një gol të bukur me kokë në të 55` duke barazuar shifrat. Por tre minuta më vonë, portugezi gjeti përsëri rrjetën pas një pasimi të Dybala.

Me shifrat 2-1 u mbyll ndeshja duke bërë e bërë dhe më të vështirë për Interin objektivin për titullin kampion, pavarësisht se është dhe gjysma e kampionatit për t`u zhvilluar.

Juventus shkon 51 pikë në renditje, ndërsa lë pas Interin me 47 pikë, që u ndal të dielën pasdite në fushën e Lecce. Ndërkohë, Parma ndodhet në vendin e 7 të renditjes me 28 pikë dhe ende shpreson për një vend në kupat e Europës.

Vonesa me pasagjerët, i hiqet licensa kompanisë Fly Ernest

Autoriteti Kombëtar i Aviacionit Civil në Itali informoi se ka urdhëruar pezullimin e licensës së operimit për transportin e udhëtarëve dhe mallrave për kompaninë ajrore “Fly Ernest”. Kjo kompani operon edhe në tregun shqiptar, për udhëtimet midis Shqipërisë dhe Italisë.

Pezullimi hyn në fuqi në datën 13 janar 2020, me qëllimin e vetëm që kompania të rregullojë transportin e udhëtarëve që tashmë kanë blerë bileta si dhe të sigurojë udhëtarët për fluturimet e anuluara.

Aviacioni Civil italian nuk jep arsye pse ka pezulluar licencën e “Fly Ernest”, por nisur nga deklarata duket se ajo lidhet me vonesat që kjo kompani ka krijuar me transportin e udhëtarëve.

Ndërkohë, sipas komunikatës së Autoritetit të Aviacionit Civil në vendin fqinj, nëse transportuesi siguron elementet e garancisë të kërkuara nga rregulloret dhe nëse këto elemente vlerësohen në mënyrë të favorshme nga ky autoritet, masa e pezullimit mund të revokohet.

“ENAC do të vazhdojë të monitorojë kompaninë ajrore në mënyrë që të verifikojë miratimin e të gjitha nismave të mundshme për të mbrojtur respektimin e të drejtave të pasagjerëve”, thuhet ndër të tjera në komunikatë.

Shkatërrohet “Ndrangheta” në Itali, arrestohen 334 anëtarë të saj

Një operacion i madh policor është zhvilluar në Itali, ku janë ekzekutuar 334 urdhër ndalimi për persona të dyshuar si pjesë e organizatës kriminale “Ndrangheta”. Mediat italiane raportojnë se gjithsej janë 416 të dyshuar, por për momentin janë vënë në pranga 334 persona. Akuzat e ngritura ndaj të arrestuarëve lidhen me vepra të ndryshme penale: përfshirje në organizatë mafitoze, vrasje, zhvatje, uzurpim, titull i paligjshëm i pasurive, pastrim parash dhe krime të tjetra të rënda nga mafia.

Në pranga janë vënë dhe figura publike në Itali, përfshirë ish-deputetin e Forca Italia, Giancarlo Pittelli, avokatin Gianluca Callipo, një kryetar komune, këshilltar rajonal etj. Në të njëjtën kohë, policia italiane është duke sekuestruar edhe një pasuri që kap vlerën e 15 milionë eurove. Hetimet, sipas mediave italiane, kanë zgjatur prej vitesh, ndërsa rezultatin ato e cilësojnë mbresëlënës.

Operacioni është zhvilluar pothuajse në të gjithë territorin e Italisë; Kalabri, Lombardi, Piemonte, Veneto, Liguria, Emilia Romagna, Toscana, Lazio, Sicilia, Puglia, Campania etj. Por, disa të dyshuar janë gjetur dhe arrestuar në Gjermani, Zvicër dhe Bullgari, ku forcat e policisë italiane kanë bashkëpunuar me ato të vendeve homologe. Në operacion janë angazhuar mbi 2500 efektivë të policisë italiane dhe strukturave të tjera ligjzbatuese.

Kamionët përplasen kokë më kokë, vdesin dy shoferët

Një shtetas shqiptar dhe një italian humbën jetën, pasi kamionët që drejtonin u përplasën kokë më kokë. Ngjarja e rendë ndodhi në aksin rrugor Ascoli-Mare në Itali, ku dy kamionët u përplasën kokë më kohë si pasojë e humbjes së kontrollit të automjetit, të njërit prej shoferëve.

Një prej shoferëve ishte shqiptari Agron Bakaj, 48 vjeç, i cili humbi jetën në vendngjarje, ndërsa shoferi i kamionit tjetër, një shtetas italian, humbi jetën rrugës për në spital.

Hetuesit italianë thonë se përgjumja apo humbja e kontrollit të mjetit nga njëri prej drejtuesve është bërë shkak i aksidentit tragjik.

Pranga për skifterët e ‘Range Rover’. Zbulohet garazhi me makina luksoze

Dy shtetas shqiptarë u arrestuan nën akuzën e vjedhjes së makinave luksoze, kryesisht në aeroportin e Milanos në Itali. Shqiptarët, e moshave 45 dhe 51 vjeç, ishin të “fiksuar” pas makinave “Range Rover”, të cilat i vidhnin në pak sekonda dhe më pas largoheshin të qetë nga parkimi i aeroportit.

Zbulimi i tyre u bë nga kamerat, ku policia italiane hapi mbi dy mijë regjistrime ku ishin vjedhur “Range Rover” dhe ndoqën itinerarin e ndjekur nga grabitësit shqiptarë. Gjatë kontrollit të banesës policia zbuloi në garazhin e tyre nëntokësor, 5 makina “Range Rover” dhe një Jaguar F-Type.

Shqiptarët, identiteti i të cilëve nuk bëhet i ditur, akuzohen si pjesë e një bande me precedentë të mëparshëm në vjedhjen e makinave dhe banesave.

Shkatërrohet banda e drogës në Itali, drejtues dy shqiptarë

Një bandë e trafikut të drogës që drejtohet nga dy vëllezër shqiptarë është shkatërruar pas dy muajsh hetimet nga policia italiane. Banda që drejtohej nga vëllezërit shqiptar furnizonte tregun në Italinë qendrore-veriore. Gjatë aksionit u arrestuan 18 persona dhe u sekuestruan 20 kg kokainë me vlerë 2.5 milionë euro. Mes të arrestuarve ishin edhe dy vëllezërit me iniciale G.I., 25 vjeç dhe K.I., 21 vjeç, banues në komunën Fiesole, në provincën e Firences, ku ishte edhe baza logjistike e gjithë bandës kriminale.

Zbulimi i këtij grupi që trafikonte drogë nga Holanda e Belgjika në veri të Italisë, nisi që me arrestimin e një çifti shqiptarësh në qershor të 2019, ku u kapën me gjysmë kilogrami kokainë në provincën e Breshës. Gjatë hetimeve, policia italiane zbuloi edhe bandën dhe skemën me të cilën ajo funksiononte. Një javë më parë, u arrestuan edhe dy shtetasit italianë, të cilët ishin edhe korrierë të drogës, të moshave 50 dhe 51 vjeç. Në mjetin e tyre tip Nisan Qashqai, u sekuestruan 11 kg kokainë me vlerë tregu 800 mijë euro, 1 kg marijuanë e 20 mijë euro cash.

Ndërsa gjatë operacioni të së martës u sekuestruan edhe 20 kg kokainë me vlerë 2.5 milionë euro, si dhe u arrestuan anëtarët e tjerë të këtij grupi kriminal. Droga transportohej me automjete të modifikuara me anë të dy korrierëve italianë dhe më pas magazinohej në qytezën e Fiesolas. Më pas droga shpërndahej në tregjet e shitjes në territoret e Bergamos, Ferraras, Venezias, Monza e Bolzano.

Shkatërrohet grupi italo-shqiptar i drogës, tre në pranga

3 persona u arrestuan gjatë një aksioni të përbashkët mes policisë shqiptare dhe saj italiane për të luftuar rrjetin e trafikut të drogës. Gjatë operacionit të koduar “Transportuesi 2018” policia shqiptare arrestoi në Durrës shtetasin E. M., 30 vjeç, lindur në Ersekë. Ndërsa 2 persona të tjerë u arrestuan në Itali, gjatë aksionit që u zhvillua në të njëjtën kohë.

Të arrestuarit funksiononin si një grup kriminal për trafikimin e lëndëve narkotike, vepronin në Itali e Shqipëri ku trafikonin kryesisht heroinë, kokainë dhe marijuanë.

Policia vijon hetimet për zbardhjen e plotë të aktivitetit të tyre kriminal dhe të përfshirëve të tjerë në trafikun ndërkombëtar të lëndëve narkotike.

Lerda u pezullua 7 muaj për dhunë

Të hënën në mbrëmje, pas përfundimit të ndeshjes Partizani-Kukësi, trajneri i ekipit kryeqytetas u përfshi në përleshje me ndihmësin e tij, Dritan Mehmeti, të cilin e goditi me grushte. Media të ndryshme sportive raportuan se trajneri kishte kërkuar dorëheqjen pas incidentit me ndihmësin e tij. Ndërkohë, Partizani nuk bëri asnjë reagim zyrtar për rastin në fjalë.

Ky ishte rasti i dytë brenda pak muajve në drejtimin e Partizanit, ku Franko Lerda përfshihej në incidentete me zyrtarët e klubit. Por a është rastësi e gjitha kjo? Jo, të paktën kështu sygjerojnë mediat italiane. Vite më parë, në sezonin 2013-2014, kur Lerda ishte trajner i Lecce, përballej me Frosinone në play-offin e Lega Pro, Franko Lerda u përfshi në një incident të dhunshëm, që i kushtoi jo pak, por 7 muaj pezullim.

Trajneri i Lecces në atë kohë, u dënua pasi goditi një lojtar të ekipit kundërshtar, Frosinone, dhe një tifoz, duke i qëlluar me shkelma dhe grushta pasi ishte provokuar. Ngjarja e rëndë tërhoqi vëmendjen e mendiave sportive në Itali në atë kohë, ndërsa të dy klubet, Lecce (që e humbi takimin) dhe Frosinone, u gjobitën nga komisionet e disiplinës në vendin fqinj. Por nuk është i vetmi rast ky në Itali.

Tekniku italian është akuzuar dhe për “blasfemi”, rast për të cilin ëshë ndëshkuar me një ndeshje pezullim nga organet sportive në Itali. Po në vitin 2014, në takimin Benevento-Lecce, dyshohet se Franko Lerda përdori dy shprehje blasfemuese. Për këtë arsye ai u dënua me një ndeshje pezullim. Por prifti i Lecces, Don Attilio Mesagne, kërkoi në atë kohë që të hiqej dënimi për Franko Lerdën, pasi shprehjet e tij nuk kishin qenë blasfemuese.

Premtoi t’i bënte modele, i shfrytëzoi për prostitucion. Arrestohet polici

Të paktën 4 vajza minorene të moshës 15-vjeçare, janë shfrytëzuar për prostitucion nga një polic italian. Karabinieri Stefano Grimaldi u dënua nga gjykata italiane me 7 vjet burg, për shfrytëzimin e 4 vajzave minorene për prostitucion dhe pornografisë me fëmijë. Prokuroria kërkoi ndaj tij 9 vite burg, por përfitoi ulje me gjykimin e shkurtuar.

Grimaldi u premtoi vajzave se do t’i bënte modele, por fillimisht duhet të bënin video të nxehta dhe të plotësonin kërkesat e tij. Makthi i 15-vjeçareve fillon në verën e 2016, ku nisu me foto dhe video të nxehta dhe më pas shfrytëzimi për prostitucion.

Pavarësisht kërcënimeve, një nga vajzat gjeti guximin ta denonconte, duke sjellë dhe arrestimin e tij.

Kapet gjysmë toni drogë, porosi e një organizate kriminale shqiptare

Një sasi prej 450 kg droge është sekuestruar në brigjet e Brindisit, ndërsa pritej të bëhej transporti i saj drejt një organizate kriminale shqiptare që kishte bërë porosinë.

Lënda narkotike ishte e ndarë në pako të ndryshme dhe me mbishkrime që përcaktonin llojin e drogës dhe prodhimin e saj. Ngarkesa u sekuestrua nga varkat e patrullës detare duke kapur konkretisht 418 kilogramë marijuanë dhe 31 kg hashash e ndarë në 45 pako me peshë nga 2.5 – 10 kilogramë.

Droga ishte e paketuar në pako të pa përshkueshme nga uji dhe po transportohej nga një skaf 6 metra i gjatë dhe gjysëm i mbuluar. Skafi u pikas nga radarët duke kryer manovrime të dyshimta në det dhe më pas varkat e patrullës bën bllokimin e saj. Në pranga ra drejtuesi i skafit, një shtetas italian 48-vjeçar, ndërsa sipas mediave italiane thuhet se droga ishte porositur nga një organizatë kriminale shqiptare.