Shembja e HEC te kanioni i Holtës, Rama: Bëjmë atë që themi, durim ju lutem!

Të premten paradite në digën e hidrocentralit që po ndërtohej në grykën e kanionit të Holtës, janë shfaqur disa makineri të rënda. Në fakt, makineritë nuk janë shfaqur jo për të vijuar punimet e lëna në mes, pasi ishin ndërprerë pas pezullimit, por për të shkatërruar betonin e hedhur deri tani, duke i rikthyer banorëve të zonës dhe turistëve, një atraksion të rëndësishëm që rrezikonte shkatërrimin. Për ngjarjen në fjalë, pasditen e të premtes ka reaguar dhe kryeministri Edi Rama.

Me një reagim në rrjetet sociale, Rama shprehet se “bukuria e magjishme e kanionit të Holtës nuk mund të preket dhe nuk do të preket”. Ai tregon se ishte vullneti i qeverisë për të ndalur këtë investim privat, që rrezikonte të zhdukte një bukuri natyrore si kanioni i holtës. “Për ne Po-ja është Po dhe Jo-ja është Jo. Dhamë fjalën publikisht që Jo, ky HEC nuk do të ndërtohej aty dhe Po, ky HEC nuk do të ndërtohet aty. Themi atë që bëjmë dhe bëjmë atë që themi. Duhet vetëm pak më shumë durim në përgjithësi, ju lutem”, shkruan Rama.

Kujtojmë se kanioni i Holtës është një nga bukuritë e rralla të natyrës, që ndodhet në zonën midis Gramshit dhe Shpatit (Gjinar-Zavalinë). Ky kanion ka vlera të mëdha natyrore për shkak të relievit dhe bukurive të krijuara në miliona vjet. Jo vetëm kanioni, si pjesë e bukurive natyrore, por pranë tij ndodhen dhe disa shpella shkëmbore, që kanë vlera të rralla me stalaktite dhe stalakmite nga më të bukurit që mund të gjenden në vendin tonë. Këto, por dhe dy kala të vjetra ilir sipër kanionit të Holtës, e kanë shndërruar atë një atraksion të turizmit të aventurës dhe jo vetëm, pasi brenda në kanion, ka dhe burime të ujërave termale.

Shembet HEC-i në Kanionin e Holtës, është pasuri natyrore

Ruajtja dhe mbrojtja e pasurive natyrore kanë çuar në prishjen e HEC-it pranë Kanionit të Holtës. Fadromat kanë nisur ditën e premte prishjen e betonit të digës që ishte parashikuar të ndërtohej HEC-i, por që iu anulua leja në janar të 2019.

Me prishjen e saj, kryebashkiaku i Gramshit, Klodian Taçe tha se ky është një vendim pozitiv që ndikon në ruajtjen e pasurive natyrore, që më parë përdoreshin vetëm për qëllime personale.

“Iku koha kur Bashkia e Gramshit përbuzej dhe pasuritë e shumta natyrore përdoreshin për përfitime personale të një grupi të caktuar personash. Bashkia Gramsh nën drejtimin tim nuk do lejoj asnjë investim, sado strategjik të jetë nëse cenon pasuritë natyrore të zonës. Janë pasuri që na i ka falur zoti dhe nuk duhet të keqpërdoren.” –shkruan në Facebook Taçe, i cili falenderon edhe ministren e Infrastrukturës dhe Energjetikës, Belinda Balluku që përkrahu ,brejtjen e kësaj zone dhe refuzoi ndërtimin e HEC-it. “Falenderoj veçanërisht ministren përkatëse, zonjën e nderuar Belinda Balluku e cila u përgjigj pozitivisht shqetësimit tonë, spektrin politikë ku unë bëj pjesë që na mbështetën me reagimin e menjëhershëm, banorët e zonës, aktivistët e ndryshëm që dolën në mbrojtje të një kauze të drejtë dhe të gjitha mediat që i dhanë jehonë problemit të qytetarëve të Gramshit.”

Për prishjen e HEC-it në Kanionin e Holtës ka reaguar edhe numri i dy i Partisë Socialiste, Taulant Balla i cili postoi videon ku po shkatërrohej betoni pranë lumit dhe me ironi shkruajti duke iu përgjigjur akuzave të opozitës se “Si thanë gojëprishurit e opozitës rrugore dhe organi i tyre zyrtar RD që investitori është mik i Taulant Ballës?!”

LiveFB: Fillon prishja e digës së HEC pranë kanionit të Holtës. Si thanë gojëprishurit e opozitës rrugore dhe organi i tyre zyrtar RD që investitori është mik i Taulant Ballës?!
Gepostet von Taulant Balla – Faqja Zyrtare am Freitag, 23. August 2019

Tragjedi në Holtë, 25-vjeçarja mbytet në kanion, shpëtojnë turistët e tjerë

Një tragjedi e rëndë ka ndodhur pasditen e të dielës në kanionin e Holtës në Gramsh. Një vajzë 25 vjeç, emri i të cilës mësohet të jetë Tila Sallaku, është mbytur në ujërat e këtij kanioni, pas vërshimeve nga reshjet e shiut. Ngjarja ka ndodhur këtë fundjavë, teksa e reja bashkë me disa miq të saj, kishin shkuar për turizëm në këtë zonë turistike, por që rezultoi të shndërrohej në tragjedi. Fillimisht, policia u njoftua për bllokimin e disa turistëve na kanionin e Holtës në Gramsh. Menjëherë pas njoftimin, efektivët e RENEA-s, zjarrfikësit dhe punonjës të Emergjencave Civile, janë nisur në drejtim të Holtës, që ndodhet në afërsi të Gramshit.

Pas nisjes së kërkimeve, policia ka shpëtuar jetën e 4 fëmijëve, të cilët gjendeshin të holluar në hyrje të kanionint të Holtës, pasi prurjet e ujit ishin të rrëmbyeshme dhe në nivel të madh. Më pas, efektivët bly kanë nisur kërkimet për tre persona të tjerë, të raportuar të zhdukur. Gjatë kërkimeve, është gjetur trupi i pajetë i 25-vjeçares, e cila nuk kishte mundur dot t`i shpëtonte vërshimit të ujit. Më pas, janë nxjerr shpëtuar dy persona të tjerë, të cilët mësohet të kenë qenë vëllai dhe një i afërm tjetër i vazjës së mbytur, të cilët kishin ardhur nga Lushnja. Në informacionin e shpërndarë nga policia e Elbasanit, mësohet se pas gjetjes së personave të raportuar të zhdukur, dhe trupit të pajetë të vazjës, kërkimet vijojnë për tu siguruar që nuk ka persona të tjerë që kanë nevojë për ndihmë.

Kanioni i Holtës

Kanioni i Holtës është një nga kanionionet piktoreske të vendit tonë, i shfrytëzuar vitet e fundit për qëllime turistike. Ky kanion ndodhet mes Gramshit dhe Elbasanit, ndërsa pellgu ujëmbledhës i tij, ndodhet në malet e zonës së Shpatit (Gjinar-Zavalinë). Kanioni ka një gjatësi të konsiderueshme, ndërsa në brendësi të tij ka dhe burime të ujërave termale, një nga arsyet pse turistët e vizitojnë kaq shpesh këtë vepër të natyrës. Megjithatë, rreziku më i madh në kanion është vërshimi i ujit, i cili vjen pikërisht prej maleve të zonës. Turistët e huaj, të cilët mund të mos kenë parashikuar një rrebesh të mundshëm në malet e Shpatit, duke u futur në kanion, dhe për pasojë janë kapur në befasi nga prurjet e larta që kanë vërshuar më pas.

Kanioni është një nga zonat turistike më atraktive të Gramshit, që vizitohet nga mijëra turistë çdo muaj. Në këtë periudhë të vitit, për shkak të ujërave termale që burojnë në brendësi të tij, numri i turistëve është më i madh. Ndërkohë, si pjesë e këtij kanioni, janë dhe disa shpella, si ajo e Kabashit dhe Holtës, të cilat përfshihen në paketat turistike. Megjithatë, për shkak të terrenit të vështirë dhe mungesës së guidave, vizitat pa pasur një person që e njeh zonën, mund të rezultojnë fatale, si në rastin e të dielës.

Turistët bllokohen në kanionin e Holtës, policia shkon në vendngjarje

Disa turistë shqiptarë janë bllokuar në brendësi të kanionit të Holtës në Gramsh. Forcat speciale të Policisë së Elbasanit dhe ato zjarrfikëse, janë nisur në drejtim të këtij kanioni për të bërë të mundur shpëtimin e turistëve.

Pas ndërhyrjes së forcave të policisë dhe atyre zjarrfikëse në Kanionin e Holtës, është bërë fillimisht shpëtimi i katër fëmijëve, të cilët ishin bllokuar në brendësi të këtij kanioni.

Më pas, kanë nisur kërkimet për të shpëtuar nga rreziku jetën e turistëve të rritur, që gjithashtu ishin bllokuar në brendësi të kanionit.

Nga raportimet paraprake mësohet se turistët kanë qenë në brendësi të këtij kanioni, por reshjet e shiut kanë shtuar prurjet e ujit, duke bërë që turistët të mbeten të bllokuar. Gjithashtu, nga raportimet paraprake të policisë nuk raportohet për dëme në shëndetin e turistëve.

Në vendin e ngjarjes, veç forcave të policisë dhe zjarrfikësve kanë shkuar dhe autoambulancat, të cilat janë në gatishmëri për çdo ngjarje emergjente.

Kanioni i Holtës ndodhet në afërsi të Gramshit, dhe njihet si një nga pasuritë e rralla natyrore të vendit tonë, ku veç ujërave të zakonshme, që vijnë prej maleve të krahinës së Shpatit në Elbasan, aty burojnë dhe ujëra termale.

Gjithashtu, pjesë e këtij kanioni, janë dhe disa shpella të pasura me stalagtide dhe stalagminde, të cilat gjithashtu ofrohehen si pjesë e paketës turistike për turistët vendas dhe të huaj.

Në përditësim…